photocontest.fvks.eu 18.04. - 25.07.2016

FVKS
EST
2003
PHOTO CONTEST “ON THE ROAD”
FOTOWETTBEWERB „UNTERWEGS”
FOTOWE WUBĚDŹOWANJE „PO PUĆU”
KONKURS FOTOGRAFICZNY „W PODRÓŻY”
FOTOSOUTĚŽ „NA CESTĚ”
VENUES
SCHAUPLÄTZE
HRAJNIŠĆA ŽIWJENJA
MIEJSCA WYDARZEŃ
MÍSTO UDÁLOSTI
18.04. - 25.07.2016
photocontest.fvks.eu
FVKS - Förderverein Kulturstadt Görlitz-Zgorzelec e.V. I Untermarkt 23 I D-02826 Görlitz
WITAJĆE !
Fotowe wubědźowanje „Po Puću“ steji tež lětsa zaso pod patronatom předsyda Domowiny, Dawid Statnik a
prezidenća němsko-pólsko-čěskeho euroregiona Nysa: Zhorjelski krajny rada Bernd Lange, předsyda města
Bolesławieca Piotr Roman a krajny rada Libereca Martin Půta.
Za fotowe wubědźowanje „Po Puću“ móža so wobrazy hač do 25. julija zapodać. Swjatočne mytowanje budźe
dnja 8. septembra w Miejskim Domje Kultury w Zgorzelecu.
Ćežišćowa tema: Hrajnišća žiwjenja
★ Hrajnišća žiwjenja – rěka hesło za Waše motiwy fotow z euroregiona Neisse-Nysa-Nisa (Němska/Pólska/Čěska)
a z južneho euroregiona Sprjewja-Nysa-Bobr (w Němskej wokrjes Sprjewja-Nysa, w Pólskej wokrjesy
Nowa Sól, Wschowa, Żagań, Żary).
★ Zapodate fota měli so z temu „hrajnišća žiwjenja“ w tutymaj regionomaj zaběrać, na přikład z městnami,
hdźež so přeco něšto stawa, kiž su a běchu zetkawanišća ludźi, hdźež so zetkawatej wuměłstwo a čłowjek
a podobne. Druhe motiwy su z wubědźowanja wuzamknjene.
★ Wobdźělić móža so zahorići fotografojo kóždeje staroby, myta so spožča w kategorijach „dorosćeni (18+)”,
„młodostni (< 18)”, „fotoreportaža“ a „lubušk publikuma”.
„Hrajnišća žiwjenja“ je šěroka tema a skića wjele překwapjenkow, kreatiwna interpretacija dawa objektiwej
wšu swobodu :-).
★ Dobyćerjow wuzwoli fachowa jury, „lubušk publikuma“ zwěsći so přez online-wólby.
★ Najlěpši móža so na atraktiwne myta wjeselić.
★ Wšelake fota budźemy prawidłownje w regionje prezentować (wanderbilder.fvks.eu) a tež hišće na druhe
wašnje (na př. w protyce).
★ Mytowanje wotměje so w swjatočnym ramiku dnja 8. septembra.
★ Prawniski puć je wuzamknjeny!
★ Z fotowym wubědźowanjom nima FVKS žane komercielne wotpohlady.
Tuž do dźěła !
** WUBĚDŹOWANJE **
Łužica, Sewjerna Čěska kaž tež Delnja Šleska a Lubuski kraj skićeja jónkrótne dohlady do mnohostronskeje
kulturneje krajiny. Ludźo w euroregionomaj Nysa (Němska/Pólska/Čěska) a Sprjewja-Nysa-Bobr (Němska/Pólska)
přeswědčuja ze žiwej tradiciju a zmužitosću k nowemu. Fotowe wubědźowanje „Po Puću“ towarstwa FVKS
zapopaduje wosebite wokomiki z cyle wosobinskeho wida wobdźělnikow. Kóžde lěto su fotografojo „po puću“,
zo bychu najlěpše zaćišće z wobrazom zapopadnyli.
Wot 2008 přewjedujemy naše Mjezynarodne fotowe wubědźowanje „Po Puću“ zhromadnje z mnohimi partnerami.
Kóžde lěto mamy nowe tematiske ćežišćo:
2016: Hrajnišća žiwjenja ** 2015: Industrija ** 2014: Wuhlady ** 2012/2013: Wěže ** 2011: Jězby **
2010: Architektura ** 2009: Ludźo ** 2008: Dróhi.Puće.Kolije.
Kategorije wubědźowanja su „dorosćeni (18+)”, „młodostni (< 18)”, „fotoreportaža“ a „lubušk publikuma”,
kónčina wubědźowanja je euroregion Nysa a euroregion Sprjewja-Nysa-Bobr na juhu.
Fotowe wubědźowanje „Po Puću” tomu přinošuje, zo by so region na šěroke wašnje prezentował. Zdobom přinošuje
dorozumjenju mjez ludami a sylni zwjazanosć z domiznu. Fotowe wubědźowanje twori hromadźe z pućowacej
wustajeńcu (wanderbilder.fvks.eu) kaž tež kalendrom ze samsnym titlom (kalender.fvks.eu) rjad zarjadowanjow
towarstwa FVKS „Po Puću”, kiž so zmóžnja přez swěrny angažement ludźi.
Wuměnjenja za wobdźělenje:
★ Hrajnišća žiwjenja – rěka hesło za Waše motiwy fotow z euroregiona Neisse-Nysa-Nisa (Němska/Pólska/
Čěska) a z južneho euroregiona Sprjewja-Nysa-Bobr (w Němskej wokrjes Sprjewja-Nysa, w Pólskej wokrjesy
Nowa Sól, Wschowa, Żagań, Żary).
★ Zapodate fota měli so z temu „hrajnišća žiwjenja“ w tutymaj regionomaj zaběrać, na přikład z městnami,
hdźež so přeco něšto stawa, kiž su a běchu zetkawanišća ludźi, hdźež so zetkawatej wuměłstwo a
čłowjek a podobne. Druhe motiwy su z wubědźowanja wuzamknjene.
★ Wobdźělić móža so zahorići fotografojo kóždeje staroby, myta so spožča w kategorijach „dorosćeni
(18+)”, „młodostni (< 18)”, „fotoreportaža“ a „lubušk publikuma”.
★ Motiwy maja so jako dataja na www.photocontest.fvks.eu uploadować. Nic jako e-mail pósłać. Nic na CD
abo sticku zapodać.
★ W kategorijach „dorosćeni“, „młodostni“ a „lubušk publikuma“ smě so stajnje (jenož) jedyn wobraz uploadować.
W kategoriji „fotoreportaža“ uploadujće znamjeńša tři a maksimalnje pjeć fotow inkluziwnje wopisowacych tekstow.
★ Zapodate fota za jednotliwe kategorije dyrbja rozdźělne być. Samsne fota za wšelake kategorije njejsu móžne!
★ Za dataje płaći rozpušćenje znajmjeńša 300 dpi (na př. DIN A4 wot ca. 2560 x 1920 pikselow).
★ Zapósłane fota njesmědźa hižo wozjewjene abo na druhe wubědźowanje zapodate być!
★ Kóždej dataji prošu na kóždy pad připisać: mjeno fotografa, motiw a městno fotografowanja. W kategoriji
„młodostni (< 18)” tež datum narodźenja přidać.
★ E-mailowa adresa dyrbi so podać; wo telefoniske čisło a adresu prosymy (za zdźělenki!).
★ Sobu činić smědźa wšitcy, jenož nic sobuskutkowacy FVKS.
★ FVKS wobchowa sej prawo, zo so wěste kategorije wubědźowanja njemytuja, na přikład, jeli přemało
zapodatych fotow abo je-li kwalita fotow njedosahaca.
★ Prawniski puć je wuzamknjeny!
Kategorije wubědźowanja:
★ Dorosćeni (18+): Wobdźělnik smě jedne foto uploadować, jeli znajmjeńša 18 lět. Jury foto pohódnoći.
★ Młodostni (< 18): Wobdźělnik smě jedne foto uploadować, jeli młódši hač 18 lět. Jury foto pohódnoći.
★ Lubušk publikuma: Tu móže wobdźělnik dalše foto uploadować, kotrež so potom online a jeničce ze stron
wužiwarjow internetneje strony pohódnoći.
★ Fotoreportaža: Tu móže so serija fotow z přewodnymi tekstami uploadować, a to znajmjeńša tři a najwjace
pjeć wobrazow. Fota (a teksty) měli někajki zwisk měć; na přikład stawizny filma w Żarach, historiske městna
w Hornjej Łužicy, ViaThea w Zhorjelcu, … . Jury fotoreportažu pohódnoći.
Kóždy wobdźělnik smě so potajkim w maksimalnje třoch kategorijach na wubědźowanju wobdźělić. Wuběr fotow
za kategorije postaji so při uploadowanju.
★ Zapodate fota za jednotliwe kategorije dyrbja rozdźělne być. Samsne fota za wšelake kategorije njejsu móžne!
★ Po uploadowanju fotow dóstanje wobdźělnik awtomatisku zdźělenku, zo je foto dóšło. Jenož fota, kiž
wuměnjenjam wobdźělenja wotpowěduja, so akceptuja.
Pokiwy k škitej datow:
★ FVKS mjena dobyćerjow zjawnje wozjewi. Zapósłar tomu ze swojim wobdźělenjom přihłosuje.
★ K wozjewjenym fotam poda so mjeno fotografa. Adresy so njewozjewja abo dale njedadźa.
Pokiwy ke copyrightam, k wužiwanju a zwužitkowanju:
★ Ze swojim wobdźělenjom zapósłar zwuraznja, zo ma awtorske prawo na foće a zo nichtó druhi žane prawa
na nim nima.
★ Přez swoje wobdźělenje je zapósłar z tym přezjedny, zo smě FVKS fota – podawajo mjeno fotografa –
bjezpłatnje wužiwać.
Powšitkowne pokiwy:
★ FVKS smě zapósłanki wotpokazać, jeli su podaća k wobsahej a copyrightam njedospołne/wopačne abo
jeli je so motiw hižo dočasnje wobzjewił.
★ FVKS smě wuměnjenja za wobdźělenje kóždy čas změnić.
★ Z fotowym wubědźowanjom „Po Puću” nima FVKS wuraznje žane komercielne wotpohlady.
Myta a „placki“
Najlěpšim wobdźělnikam kiwaja atraktiwne myta.
Kategorija dorosćeni:
★ 1. městno – dobropis za nakupowanje w hódnoće 250 €
★ 2. městno – dobropis za nakupowanje w hódnoće 100 €
★ 3. městno – dobropis za nakupowanje w hódnoće 50 €
Kategorija młodostni:
★ 1. městno – dobropis za nakupowanje w hódnoće 150 €
★ 2. městno – dobropis za nakupowanje w hódnoće 80 €
★ 3. městno – dobropis za nakupowanje w hódnoće 40 €
Kategorija lubušk publikuma:
Nimo toho:
★ 1. městno – dobropis za nakupowanje w hódnoće 100 € ★ Pućowacy pokal (kategorija „dorosćeni”) a dalše
wuznamjenjenja („Editor’s Choice”, dobropisy).
★ 2. městno – dobropis za nakupowanje w hódnoće 60 €
★ 3. městno – dobropis za nakupowanje w hódnoće 30 € ★ Wšelake fota budźemy prawidłownje w regionje
(wanderbilder.fvks.eu) a na druhe wašnje (na př.
Kategorija fotoreportaža:
w protyce abo online-wustajeńcy) prezentować.
★ „Sto dypkow“ – dobropis za nakupowanje w hódnoće
400 eurow
** Aktualnosć: www.fotowewubedzowanje.fvks.eu **
** WULOSOWANJE **
Našim wobdźělnikam kiwa mały „plack“. FVKS wulosuje přidatnje k poprawnemu wubědźowanju dobropisy
za kup elektroniki w cyłkownej hódnoće 250 € (10 x 25,00 €).
Što ma so činić?
Wuhotuj našu lětnu protyku k sobučinjenju „Po Puću” pod kalender.fvks.eu !
** POMOC **
Tu prezentujemy často so jewjace prašenja a wotmołwy k fotowemu wubědźowanju „Po Puću” 2016: Hrajnišća žiwjenja.
Kotre motiwy móžu zapodać?
„Wšitko je móžne” :-). Na přikład městna, hdźež so přeco něšto stawa, kiž su woblubowane zetkanišća, hdźež
so čłowjek zetkawa z wuměłstwom a tak dale. Wažne je, zo pochadźeja motiwy z euroregiona Nysa a južneho
euroregiona Sprjewja-Nysa-Bobr (hlej deleka).
Što poprawom je euroregion Nysa?
Informacije wo euroregionje Nysa (Němska/Pólska/Čěska) z jeje štyrjomi narodnosćemi namakaće na
www.neisse-nisa-nysa.org, nadrobnu kartu wo euroregionje Nysa na www.kalender.fvks.eu/files/seite/FVKSFWB-Karte_ERN_Quelle_ERN.pdf. (žórło: ERN).
Što poprawom je euroregion Sprjewja-Nysa-Bobr?
Informacije wo euroregionje Sprjewja-Nysa-Bobr (Němska/Pólska) namakaš na www.euroregion-snb.de,
nadrobnu kartu wo euroregionje Sprjewja-Nysa-Bobr namakaš tu: www.euroregion-snb.pl/mapa_gmin.
Što dokładnje je južny Euroregion Sprjewja-Nysa-Bobr?
To su pólske wokrjesy (powiaty) Nowa Sól, Wschowa, Żagań, Żary a němski wokrjes Sprjewja-Nysa.
Štó smě so na fotowym wubědźowanju FVKS „Po Puću” wobdźělić?
Zasadnje kóžda a kóždy :-). Prošu přečitajće sej wuměnjenja za wobdźělenje dokładnje. Za wobdźělenje
njetrjebaš w regionje wubědźowanja bydlić. Na přikład su so tež hižo ludźo z Južneje Ameriki na tutym
wubědźowanju wobdźělili, kotřiž w regionje pobychu. Wažne je, zo pochadźa motiw z euroregiona Nysa abo
južneho euroregiona Sprjewja-Nysa-Bobr. Wubědźowanje je potajkim idealne za aktiwnych wobydlerjow a za
hosći regiona.
Ma so za wobdźělenje něšto płaćić?
Ně … trjebaće jenož foto zapodać.
Smědźa so tež organizacije wobdźělić (na př. předewzaća, měšćanske zarjadnistwa, muzeje, towarstwa …)?
Haj, wězo. Za nje płaća samsne wuměnjenja za wobdźělenje kaž za jednotliwcow.
Kotre daty FVKS při wobdźělenju wužiwa?
Wot wobdźělnikow a wobdźělnicow zapodate daty składujemy jeničce za přewjedźenje wubědźowanja. Daty
nikomu njesposrědkujemy. Respektujemy priwatnu sferu našich wužiwarjow a wužiwarkow. Pokiw za
wužiwanje socialnych syćow: Štóž so při FVKS-poskitkach, dalokož móžno, ze swojimi login-datami
socialnych syćow (kaž facebook, twitter) přizjewi, wužiwa je za komunikaciju. Tute socialne syće pak
prawidłownje daty zwěsćeja a wuhódnoćeja. Na to nima FVKS wliw. Tu płaća postajenja wotpowědnych
poskićowarjow nastupajo škit datow.
Stej podpěra a sobuskutkowanje při organizowanju fotoweho wubědźowanja witanej?
Wězo. Štóž chce so čestnohamtsce angažować, njech so runjež na nas wobroći. Prošu wužiwajće kontaktny formular.
Što rěka „FVKS”?
FVKS je skrótšenka mjena našeho towarstwa a woznamjenja „Spěchowanske towarstwo kulturne město ZhorjelcZgorzelec z. t.”. Angažujemy so wot 2003 čestnohamtsce w kulturnym a kubłanskim dźěle.
Štó je FVKS-team „Po Puću”?
Na rjedźe zarjadowanjow „Po Puću” (fotowe wubědźowanje, protyka, pućowaca wustajeńca) mnozy čestnohamtsce
sobuskutkuja. Prawidłownje wobdźěleni su Agata Fabiś, Cornelia Friedrich, Agnieszka Lemmer, Matthias Krick
a Alicja Pecina. Štóž chce nas podpěrować, je wutrobnje witany – [email protected].
** INFORMACISKE ŁOPJENO & PODPĚRA**
Informacije wo rjedźe zarjadowanjow towarstwa FVKS „Po Puću” a wo FVKS
★ fotowewubedzowanje.fvks.eu (projektna web-strona wubědźowanja)
★ www.facebook.com/Fotowettbewerb.FVKS (facebook-strona wubědźowanja)
★ kalender.fvks.eu (lětnja protyka FVKS)
★ wanderbilder.fvks.eu (pućowaca wustajeńca FVKS)
★ europastadt.org (centralna web-strona FVKS)
★ www.facebook.com/FVKS.EU (FVKS na facebook)
★ www.google.com/+EuropastadtOrgfvks (FVKS na google+)
★ www.twitter.com/fvksu23 (FVKS na twitteru)
Angažement
Maće lóšt, na našim rjedźe zarjadowanjow „Po Puću” sobu činić? Abo tež při druhich aktiwitach FVKS? Tu su
aktualne poskitki: www.europastadt.org/aktuell/engagement
FVKS-protyka „Po Puću”
Pósćelće nam z wobdźělenskim formularom za FVKS-protyku „Po Puću” wobraz a krótke wopisanje z euroregiona
Nysa abo euroregiona Sprjewja-Nysa-Bobr. Formular je pod rubriku „sobu činić” (Mitmachen) na stronje
FVKS-protyki „Po Puću” (kalender.fvks.eu). Tam w formularje nakřižujće, zo chceće so na wulosowanju wobdźělić.
Partnerjo
Fotowe wubědźowanje „Po Puću” podpěruja hižo něšto lět mnozy partnerojo, na přikład 2016:
★ Předsyda Domowiny, Dawid Statnik ** Patronat
★ Prezidij euroregiona Neisse-Nysa-Nisa, Zhorjelski krajny rada Bernd Lange, předsyda města
Bolesławieca Piotr Roman a krajny rada Libereca Martin Půta. ** Patronat
★ Nowina Sächsische Zeitung ** Partner ze stron medijow, jury
★ DOKiS.pl – Dolnośląska Kultura i Sztuka, Wrocław ** Partner ze stron medijow
★ Muzyczne Radio Jelenia Góra ** Partner ze stron medijow
★ Miejski Dom Kultury Zgorzelec ** Zjawnostne dźěło, wustajeńca
★ Görlitzer Anzeiger ** Zjawnostne dźěło
★ Gmejnski zarjad Wschowa ** Zjawnostne dźěło
★ Měšćanski zarjad Żagań ** Zjawnostne dźěło
★ Görlitzer Kulturservicegesellschaft ** Logistika
★ Kulturny rum Hornja Łužica-Delnja Šleska ** Spěchowar
★ Měšćanski zarjad Görlitz ** Spěchowar
★ SIEMENS AG Zhorjelc ** Logistika
★ Reproprofi Zhorjelc ** Ćišć
Přeco aktiwni: Mnozy čestnohamtscy pomocnicy.
Europe.Concretely.Jointly.
Patronage:
Bernd Lange (DE) Martin Půta (CZ) Piotr Roman (PL)
- Presidium -
Dawid Statnik
- Chairman of Domowina -
Media Partners
&
Supporters:
Miejski Dom Kultury
Zgorzelec, ul. Parkowa 1
Co-funded by:
kulturraum
oberlausitz-niederschlesien
Supporting Program: facebook.com/Fotowettbewerb.FVKS