Koj Tus Menyuam Kev Loj Hlob
Transkrypt
Koj Tus Menyuam Kev Loj Hlob
Age 18 through 23 months Your Growing Child (Hmong) Minnesota Department of Human Services hnub nyoog 18 mus rau 23 hlis Koj Tus Menyuam Kev Loj Hlob Daim Ntawv Qhia Rau Tsev Neeg & Teen Ch ups eck Kev Noj Qab Haus Huv: Child Menyuam me loj hlob, hloov thiab nyias kawm txawv nyias. Ntawm no yog tej yam uas yuav pab kom koj muaj kev txaus siab thiab ua rau koj tus menyuam me noj qab nyob zoo thiab tsis raug teeb meem dabtsi. Hu rau koj lub tsev kho mob, tus kws pab kws kho mob rau pej xeem, lossis tsev kawm ntawv yog tias koj muaj lus nug lossis kev txhawj xeeb txog koj tus menyuam me. Kev qab los yog nyob ntawm seb nws loj hlob thiab kev ua si zoo npaum li cas. Thaum cov menyuam muaj hnub nyoog li no: • Yuav tsum kuaj Child and Teen Checkups (Kev Kuaj Rau Menyuam Yaus thiab Cov Hluas) thaum muaj 18 hlis. Tseem ceeb uas yuav tsum mus kuaj kom raws caij nyoog. Nug koj lub tsev kho mob txog kev siv flouride. • Noj ntau rau ib pluas thiab tsis tshua ntau rau lwm pluas lawm. Ib hnub twg muab 3 pluas zaub mov thiab 2 mus rau 3 zaug khoom noj muag rau txom ncauj. Koj txiav txim siab seb yuav muab dabtsi rau noj, thaum twg thiab qhov twg. Cia koj tus menyuam me los txiav txim siab seb nws yuav noj (yog tias noj) npaum li cas. P E S D T Health Care for Kids • Lawv txawj siv lub khob, rab diav, lossis cov ntiv tes los pub zaub mov rau lawv tus kheej noj. Tsis siv taub mis lawm! Muab tej zaub mov uas koj ua rau sawv daws noj rau nws thiab muab mis nyuj laus (12 mus rau 16 auj ib hnub twg). • Yuav tsum muab daim ntaub ntub dej so lossis tus txhuam hniav los txhuam cov hniav thiab pos hniav txhua hnub. Tsuas muab tshuaj txhuam hniav muaj fluoride (muaj nyob hauv tshuaj txhuam hniav thiab dej haus) npaum li lub noob taum rau xwb. • Pw tau 10 mus rau 12 teev ib hmos twg thiab pw tau nruab hnub ib zaug ib hnub twg. • Tsaug taus zog lawv tus kheej. Cia pw tib lub sijhawm qub. Kev Kawm: Feem ntau cov menyuam me thaum muaj hnub nyoog li no: • Paub 15 mus rau 20 lo lus thiab nyiam qog koj hais lus thiab tej yam koj ua. Nyeem tej phau ntawv luv luv nrog cov duab muaj xim tshiab tshiab. • Mus kev tau zoo thiab pib khiav lawm. • Nyiam txawb pob, cab tej khoom ua si tso ua ib kab hauv pem teb, thiab kos ntawv. • Pib nwj tabsis tej zaum tseem nthsai tej neeg nws tsis paub. • Nyiam txiav txim siab rau lawv tus kheej thiab tej zaum txawj npaus taws heev. Muab ob peb yam rau nws xaiv — “Koj xav nyeem phau ntawv xim liab lossis phau ntawv xim xiav?” Ua li cas ces lwm zaum ua li qub thiab qhuas koj tus menyuam kom tuab nto! • Tej zaum yuav ntaug tes ntaug taws. Pab kom koj tus menyuam siv lus los qhia txog nws tej kev npau taws xws li “Koj npau taws vim koj lub tsev vau lawm puas yog, cia wb mam rov qab ua dua ib lub?” Tiv Thaiv Kom Txhob Muaj Teeb Meem: • Yuav tsum siv lub rooj menyuam zaum uas raug kuaj tawm los lawm TXHUA ZAUM, muab khi kom ruaj rau nram qab. • Cia koj cov dej kub kom qis dua 120°F. Ua ntej yuav muab koj tus menyuam me da dej, xuas koj lub dab teg mus sim dej tso. • Txawm yog dej me me xwb los menyuam me yeej poob taus dej. Txwv tsis txhob cia koj tus menyuam me nyob nws ib leeg hauv lub dab da dej. • Tsis txhob cia koj tus menyuam me nyob saum tej chawv siab xws li rooj hloov pawj, rooj ntaub zaum lossis rooj rau khoom ntawm tsev mov. Minnesota Poison Information Minnesota Kev Qhia Txog Khoom Noj Tuag 1-800-222-1222 Minnesota Immunization Hotline Minnesota Txhaj Tshuaj Tiv Thaiv tus Xovtooj 1-800-657-3970 Home Safety Checklist Kuaj Kom Vaj Tse Txhob Muaj Teeb Meem (651) 281-9857 • Tsis txhob cia leejtwg haus luam yeeb ze koj tus menyuam me li. • Yuav tsum muab daim laj kab rau lub menyuam txaj rub rov saud thiab muab daim rwb txaj txo rau qhov qis tshaj plaws. Yog nws nce tawm tau hauv lub menyuam txaj ces muab nws hloov mus pw rau lub txaj rau cov menyuam me loj zog. • Khaws tej hnab yas, zais npua yas, koob khawm, thiab tej khoom me me xws li tej npib thiab tej khoom noj tawv tawv tso kom deb koj tus menyuam me. Txwv tsis txhob cia koj tus menyuam me mus kev, khiav, lossis caij tsheb thaum nws muaj zaub mov nyob hauv nws lub qhov ncauj. • Siv cov cav ntes pa kub nyhiab thiab kuaj lawv ob zaug ib xyoos twg (xws li thaum lub caij hloov teev). • Menyuam me xav paub ub no heev. Muab koj cov phom thiab muas txwv nyias kaw nyias cia rau ib qhov chaw. Nws yog txoj kev cai! • Koj tus menyuam me taus zuj zus lawm thiab tej zaum nws yuav khiav ntawm koj mus thaum koj tsis saib nws lawm. Saib koj tus menyuam me kom zoo heev. • Kho koj lub tsev kom tsis txhob muaj teeb meem rau menyuam me! Muab tej tshuaj, khoom noj tuag tau, thiab khoom ntse ntse liaj kaw tseg. Siv laj kab thaiv ntawm taw ntaiv thiab rov saib daim ntawv Kuaj Kom Vaj Tse Txhob Muaj Teeb Meem. Daim ntawv no muaj sau ua lwm hom rau cov neeg uas tsis taus, hu rau peb ntawm tus xov tooj (651) 431-2629 (kaw suab) lossis hu dawb rau tus xov tooj (800) 657-3756. Cov neeg uas siv TTY/TDD no, hu rau Minnesota Relay uas yog 711 lossis (800) 627-3529. Yog yuav siv Speech-toSpeech Relay no, hu rau (877) 627-3848.