Cov Tibeeg Npluanuj Nej Cia Li Mloog

Sermon
Kxf. Dr. Numlaajtsheb Yaaj
“Cov Tibeeg Npluanuj Nej Cia Li Mloog”
Seventeenth Sunday after Pentecost
Our Savior Lutheran Church
9-27-15
Thov txoj koobhmoov txojkev hlub thiab txojkev haumxeeb pub rau nej sawvdaws los ntawm
Vajtswv uas yog peb Leejtxiv uas yog peb tus Cawmseej Tswv Yexus Khetos. Asmees.
Yakanpaus 5:1 “Now listen, you rich people, weep and wail because of the misery that is
coming upon you. – Nej cov uas yog tibneeg npluanuj, nimno nej cia li mloog kuv hais. Nej cia li
quaj, rau qhov nej twb yuav raug kev txomnyem.” ‘Nov yog Vajtswv Txojlus.’ (Cross reference –
Yaxayas 13:6; 15:3, Exekees 30:2, Lukas 6:24, 1 Timautes 6:9, Yakanpaus 4:13)
What is the word “RICH” Mean to you?
Illustration “two brothers” (show picture of homeless men begging)
Ntev ntau lub xyoo dhau los lawm, muaj ib cov xovxwm qhia txog ob
kwvtij nyob rau lub nroog Connecticut. Ob kwvtij no nyob hauv tsev
thiab tsis tawm mus sab nraud li. Nkawd obleeg puavleej kawm tiav
college. Ib asthiv nkawd tawm tuaj ib zaug yog tuaj thov zaub thov mov
noj. Nkawd tej ristsho yog cov qub qub thiab muaj tej lub qhov uas
ntsaum kabrwg twb muaj noj tos tas. Nkawd nyob li no ntev heev mus
txog thaum ib tus tuag. Tsis ntev tus uas tseem muaj sia nyob nws laus
thiab saib xyuas nws tu nws tus kheej tsis tau lawm ces cov nyob ib ncig
ntawd mam li hu tub ceevxwm tuaj mus pab. Thaum tub ceevxwm tuaj txog hauv lub tsev, tej tub
tej chaw cia khaubncaws puavleej muaj tej zaub tej mov uas nyob lwj qhuav tag. Muaj ib lub
room muaj tej ntaub ntawv xovxwm – newspaper and magazine tso sistshooj yuav laug puv hoob
tsev ntawd. Thaum cov tibneeg pib muab cov ntawv no coj mus hlawv povtseg, lawv mam li pom
haistias, ob kwvtij no muaj nyiaj tsheej puas tsheej phav tais rau cov magazine thiab muaj nyiaj
coj mus ntsaw thiab zais thoob nkawd lub tsev.
Nkawd puas yog tus npluanuj losyog tus pluag? Nkawd puas ua lub neej raws li Vajtswv siab
nyiam? Tej zaum lwmtus yuav haistias, “Nkawd twb tsis muab nkawd tej nyiaj coj los mus siv ua
dog ua dig thiab ua lub neej li tus npluajnuj.” Nej sim ua tibzoo xav saib, ua li nkawd ua puas yog
vim nkawd tsis siv tej nyiaj muaj txog tsheej phav duaslas puv lub vaj lub tsev tiamsis niaj asthiv
tawm tuaj mus thov khawv.
I.
Coob leej ntau tus tibneeg xav ua tus muaj nyiaj tiamsis, nws tsis xav kom nws tej kwvtij
paub. Coob leej ntau tug xav ua tus npluanuj, tiamsis nws tsis xav zoo li tus npluanuj.
Yog li ntawd Yakanpaus thiaj li sau haistias, “Nej cov uas yog neeg npluanuj, nimno nej
cia li mloog kuv hais.” (Show picture of wealth)
“Cov tibneeg npluanuj nej cia li
mloog.” Vim li cas kuv thiaj li hais li
ntawd? Yog koj muaj nyiaj muaj
1
tsheb tshiab, muaj liaj av ntau, muaj tej lub tsev zoo, es koj hnov lolus no tej zaum yuav
ua rau koj nyob tsis kajsiab. Cov kwvtij hlub thiab movtshua, yog koj ua tibzoo saib cov
lus no, yog muab peb piv rau lwmtus, lwm lub tebchaws, peb yog tus npluanuj, lwmtus
thiab lwm lub tebchaws tseem yog tus pluag. Txawm koj lub tsev tsis yog lub tshiab los
koj twb tsis nyob lub tsev uas tseem yog tsev av – tej floor losyog tseem yog av. Txawm
koj tsis muaj lub tsheb tshiab tsav los koj tsis tau xuas kotaw mus deb tsheej hnub li
lwmtus. Koj txawm tsis muaj noj muaj haus li lwmtus los, koj mus txog tom tej tajlaj, koj
yuav tsis txhawj txho haistias, tej zaub tej mov yuav tsis muaj lawm. Txawm koj muaj
mob los muaj tsev khomob pawg lug txhua qhovchaw npaj tos koj. Qhovtseeb tiag ces
peb yog tus npluanuj heevduas li lwmtus uas twb tsis muaj li peb muaj.
Lolus “Cov tibneeg npluanuj nej cia li mloog,” yuav ua rau nej nyob tsis qab siab tiamsis
Yakanpaus tsis yog hais rau cov ntseeg Vajtswv xwb tiamsis yog hais rau cov tseem tsis
tau ntseeg Vajtswv. (Show men with money)
Nov yog hais rau cov tsis ntseeg uas tau txojkev npluanuj los
ntawm txojkev tsis ncajncees thiab siv nyiaj siv txiaj tsis rau
nqis. Yakanpaus tsis tau haistias, yog koj yog tus npluanuj ces
koj yog tibneeg txhaum. Nej sim saib, Anplahas yog haivneeg
Yixalayees txhua tus yawg koob yog ib tug npluanuj heev. Nyob
rau Chivkeeb 13:2 qhia peb haistias, “Anplahas npluanuj muaj
tsiajtxhu ntau heev thiab muaj nyiaj muaj kub.” Yauj losyog tus
npluanuj thiab. Phau Vajluskub qhia rau peb haistias, Yauj muaj “xya txhiab tus yaj, peb
txhiab tus ntxhuav, tsib puas tus nyuj, thiab tsib puas tus luav.” (Yauj 1:3) Vajtswv thiaj
li haistias, “He is blameless and upright, a man who fears God and shuns evil – Nws tsis
muaj kev txhaum thiab ncajncees, nws yog tus txivneej uas paub ntshai Vajtswv thiab tsis
ua phem.” (Yauj 2:3) (Show James 5:4)
Yog li ntawd Yakanpaus cov lus tsis yog los thuam cov tibneeg
uas npluanuj. Tiamsis nws cov lus yog cov samhwm rau tus uas
ua thiab coj txojkev tsis ncajncees los ua tus npluanuj. Yog peb
yuav nug ces peb nug li no, “Koj ua li cas koj thiaj li muaj?”
Yakanpaus qhia peb txog ob yam uas tibneeg ua tsis ncajncees
los mus ua tus muaj. Yam ib: “Look! The wages you failed to
pay the workmen who mowed your fields are crying out against
you……- Saib! Nej tsis them tej nqi zog rau cov tibneeg uas nej
ntiav tuaj ua nej tej liaj tej teb, lawv lub suab twb quaj tawmtsam nej….” (Yakanpaus
5:4) Yakanpaus qhia kom peb yauvtsum ceevfaj los ntawm txojkev “cheating – khuj”
lwmtus. Txojkev khuj lwmtus txog tej nyiaj uas yus tsis them ces yog yus nyiag luag
lawm. Yam ob: Yakanpaus sau haistias, “You have condemned and murdered innocent
men, who were not opposing you. – Nej rau txim thiab tua tus tibneeg uas tsis muaj txim
los nws tsis tawmtsam nej li.” (Yakanpaus 5:6) Muaj ib cov lawv ntshaw lwmtus losyog
khib heev, ces lawv mus muab tus tov tua kom tuag kiag thiab txeeb nws tej khoom los
ua nws ntiagtug. Thiab nws yuav dag kom muab lwmtus raug mus rau txojkev tuag thiaj
li zoo nws siab. Nej saib Yudas xum mus dag kom Yexus rau ntes thiab tua tuag.
II.
Vajtswv Txojlus tsis yog hais rau cov ntseeg xwb. Vim los ntawm peb txojkev txhaum
thiab txojkev dagntxias uas peb niajhnub ntsib ntau zaug peb ua neej nyob tsis kajsiab li
2
los ntawm txojkev tsis ncajncees. (How did they do that)
Peb tibneeg dag kom lwmtus tsis txhob tau es cia peb tau. Peb
tsis xum them tus nqi zog rau tus uas tuaj ua dejnum rau yus vim
yus tsis xav kom nws tau tus nqis zog ntawd. Peb xum txos
lwmtus heevduas li peb cia lwmtus tau. Lub ntsiablus ces tsis
yog haistias, “How much do you have – koj muaj pestsawg?”
tiamsis yuav nug haistias, “How did you get it – ua li cas koj
thiaj li tau?”
Yakanpaus sau ntxiv haistias, “You have lived on earth in luxury and self-indulgence.
You have fattened yourselves in the day of slaughter. – Nej ua neej nyob hauv ntiajteb no
nej muaj noj seem noj so thiab muaj kev lomzem. Nej npaj kom nej rog rau hnub uas
muab tua.” (Yakanpaus 5:5) (Show how do you spend your money?)
Yog li ntawd, nej muab nej txojkev npluanuj mus ua li cas lawm.
Ib txhia tibneeg npluanuj muab li $10,000.00 pab rau ib qhov
twg mas lawv lub npe raug qhuas rau ub rau no haistias lawv
muaj nploojsiab zoo heev. Tiamsis tus tibneeg no nws muaj tej
lub tsev raug tsheej laab duaslas nyob rau Beverly Hills, muaj
vacation home nyob rau Alcapulco, muaj tej lub tsev so ua si
nyob rau Florida, Muaj 5 lub Roll Royce, 4 lub Cadillac, 3
BMW thiab muaj tub qhe coob pawg lug. Yog peb ua tibzoo xav, $10,000.00 no muaj nqi
li cas rau tus tibneeg no? Qhovtseeb ces it is nothing – yeej tsis muaj dabtsi li. Nws tej
nyiaj tej txiaj nws coj mus ua dabtsi lawm? Nws ua lub neej muaj nyiaj, noj seem noj so,
ho cov txomnyem tsis muaj ib cev ristsho zoo hnav, yuav tsis tau tshuaj los kho lawv teej
mob. Koj tsuas yog pub kom koj rog tiamsis lwmtus mas tshaib nqhi mus tas li.
Peb nco ntsoov haistias, (Show Luke 21:1-4)
txawm koj yog tus pluag tsis yog tus npluanuj los thaum koj
muab koj tej nyiaj tuaj fij rau Vajtswv, Vajtswv yeej nco ntsoov
koj tej txiajntsim. Lukas sau qhia rau peb haistias, “Yexus pom
cov tibneeg npluanuj tso yiaj rau hauv lub phijxab uas nyob
hauv lub Tuamtsev, thiab pom ib tug pojntsuam pluag pluag
tabtom muab ob lub txiaj toog tso rau hauv. Yexus haistias,
“Kuv qhia rau tibneej haistias, tus pojntsuam no tso ntau dua lwmtus. Cov tibneeg no
muab tej nyiaj uas los ntawm txojkev muaj, tiamsis tus pojntsuam uas pluag pluag no nws
muab tagnrho li uas nws muaj ua neej coj tuaj tso.” (Luka 21:1-4) Nyob rau ntawm
Vajtswv ob lub qhovmuag, txawm koj yuav muaj yam uas zoo tshajplaws tuaj tso rau
Vajtswv losyog yam es peb txaussiab hlo muab rau Vajtswv.
III.
Thaum peb ua neej nyob, txawm peb yuav muaj los pluag, peb yuav coj tsis tau nrog peb
mus thaum txog peb lub sijhawm ncaim lub ntiajteb no mus. (Show Luke 12:18-21)
Yexus piav txog zajlus pivtxwv txog tus npluanuj haistias, “Kuv
yuav muab kuv lub tsev rau qoob loos rhuav pob kom tag, kuv
mam li muab kuv cov qoobloo thiab tej khoom zoo coj mus cia
3
rau hauv. Txhua yam ntawd kuv mam li tseg rau kuv tibleeg xwb.” Yexus hais li cas txog
tus tub no, “Tus uas tseg yam zoo rau nws tus kheej tej ntawd tsis yog tseg rau Vajtswv.”
(Lukas 12:18-21) Yexus tsis yog hais txog yam uas yus yuavtsum tseg rau yus tus kheej
xwb, tiamsis Yexus hais txog tej nyiaj txiag uas yus muaj tiamsis tsis rho coj los siv pab
rau lwmtus. (Show why do we give?)
Yam uas peb muaj ntawd, peb tau los li cas thiab peb coj mus siv
li cas? Vajtswv yuav rau txim rau tus uas tau yam khoom los
ntawm txojkev dagntxias losyog txojkev khuj lwmtus. Tus uas
tsis paub Vajtswv yuav haistias, “Kuv yuav muab rau Vajtswv
ua dabtsi? Tiamsis tus uas ntseeg yeej paub teb lolus no lawm.
Peb muab rau Vajtswv vim Vajtswv twb xub muab txojkev
npluanuj rau peb. Txhua yam khoom ntiajteb uas peb muaj yog
pub dawbpaug los ntawm Vajtswv. Vajtswv yog tus tsim lub ntiajteb, tej qoobloo tej
tsiajtxhu, tej tsheb uas peb caij, tej nyiaj ua peb siv, tej vajtsev uas peb nyob thiab txhua
yam huv tibsi. Txhua yam no puavleej yog nws tug. Peb tsuas yog los tus thiab pab saib
ib ntus xwb. Yog li ntawd peb yuavtsum nco ntsoov ua Vajtswv tsaug rau txhua yam
txawm nws yog me me xwb los peb yuavtsum muab yam uas peb npluanuj lawm coj los
mus koom nrog lwmtus. (Show picture of moth and thieves)
Tseemceeb tiag, peb yuavtsum ntshaw
yam khoom ntawm peb sab ntsujplig
heevduas li khoom ntiajteb. Yexus thiaj
li haistias, “Do not store up for
yourselves treasures on earth, where
moth and rust destroy, and where
thieves break in and steal. But store up for yourselves treasures in heaven, where moth
and rust do not destroy, and where thieves do not break in and steal. – Nej tsis txhob
khaws nyiaj txiag thiab qhov txhia chaw rau nej hauv ntiajteb no, rau qhov hauv ntiajteb
no muaj ntsaum kabrwg thiab xeb noj, thiab muaj tubsab nyiag. Tiamsis nej cia li khaws
nyiaj txiag thiab qhov txhia chaw cia rau nej saum ntuj ceebtsheej, qhov ntawd tsis muaj
ntsawm kabrwg thiab xeb noj, thiab tsis muaj tubsab nyiag.” (Mathais 6:19-20) Yam
tseemceeb tshaj txhua yam yog tau txojsia mus ibtxhis. Yam tseemceeb tshaj txhua yam
yog Yexus muab nws tus kheej los theej tibneeg ntawm tus ntoo khaublig. Yam tseemeeb
tshaj yog txojkev zamtxim rau koj txojkev txhaum, tau txojsia nrog Vajtswv nyob mus
ibtxhis. Peb tibneeg tau txojkev npluanuj no yog los ntawm Vajtswv los.
Yog koj muab daim nyiaj $100 duaslas thiab muab ib tus toy rau ib tug menyuam yaus
saib tus menyuam yaus nyob yuav xaiv qhovtwg. Tus menyuam yuav xum xaiv tus toy
vim nws tsis paub haistias daim nyiaj ntawd muaj nqi tshaj li tus toy. (Money or God)
Tibneeg coob leej ntau tug tseem pheej tsis totaub haistias
khoom ntiajteb no tsuas yog nyob ib pliag xwb. Nov zoo sisthooj
li tus menyuam yaus uas xum xaiv tus toy uantej daim nyiaj.
Tibneeg xum xaiv lub ntiajteb no uantej yam uas tau txojsia. Peb
ua Vajtswv tsaug rau txhua yam uas Vajtswv pub rau peb vim yam uas peb tau txais no yog yam
khoom npluanuj. Yog li ntawd peb txhua tus uas yog tibneeg npluanuj, peb cia li mloog Vajtswv
txojkev cawmdim uas yog Txojmoozoo los ntawm peb tus Cawmseej Tswv Yexus Khetos.
Asmees. Thov kom Vajtswv txojlus pub peb sawvdaws totaub thiab tau nyob kajsiab lug rau
ntawm Tswv Yexus Khetos lub npe. Peb txhua tus uas yog Vajtswv cov menyuam peb
sawvdaws hais: Asmees.
4