Information Sheet (Hmong Version)

Point of Discovery School yog ib lub tsev
kawm ntawv charter school nyob rau hauv
Stevens Point Area Public School District
Siv lub tswv yim tshiab los qhia kom tej tub ntxhais nyiam kawm
ntaub kawm ntawv mus ib txhis
YAM PEB UA THIAB PEB LUB HOM PHEEJ
Point of Discovery School yuav qhib ib lub tsev kawm ntawv charter school rau xyoo 2015-16 no nyob rau
hauv Stevens Point Area School District thiab yuav txais qhia 50 tus tub ntxhais kawm ntawv nyob rau qib
6 thiab qib 7 thiab yuav siv lub tswv yim hu ua Expeditionary Learning los qhia kom cov tub ntxhais no
kawm tau ntawv sai heev. Lub tsev kawm ntawv no yuav txais li 50 tus tub ntxhais kawm ntawv ntxiv thiab
yuav ntxiv kom muaj qib 8 rau xyoo ob thiab yuav qhia txog li 150 tus tub ntxhais kawm ntawv hauv qib
6 txog qib 8 rau xyoo 2017-2018.
Tsev kawm ntawv Point of Discovery School yuav qhib txais cov tub ntxhais kawm ntawv uas nyob rau
hauv Stevens Point Area School District thiab ib cheeb tsam ncig ntawd. Yog leej twg tus me nyuam xav
kawm no yuav tau tuaj mus cuv npe kawm rau thaum uas cov tsev kawm ntawv hauv Wisconsin no pib
txais tub ntxhais kawm ntawv, xws li yog lub 2 hlis hnub tim 2 mus txog rau lub 4 hlis hnub tim 30, 2015.
Yog leej twg xav paub ntau tshaj no txog kev cuv npe kawm ntawv no mus xyuas tau rau hauv Point of
Discovery School lub website.
TXHEEJ TXHEEM QHIA NTAWV (CURRICULUM)
Cov txheej txheem qhia ntawv hauv lub tsev kawm ntawv Point of Discovery School yuav pab kom cov
tus ntxhais kawm ntawv muaj siab kawm ntawv yam tsis tas muaj neeg hais lawv li. Cov kws qhia ntawv
thiab cov tub ntxhais kawm ntawv yuav coj txoj kev kawm no mus tau ib qhib siab zog thiab muab lub
tsev kawm ntawv ua ib qho chaw uas cov tub ntxhais kawm ntawv yuav tig los coj lawv txoj kev kawm.
Cov txheej txheem qhia ntawv zoo li no yuav ua kom cov tub ntxhais kawm ntawv kawm kom tau ntau
yam tshaj. Tej txheej txheem qhia ntawv zoo li no twb pab tau cov tsev kawm ntawv txhua txhua qib nyob
rau tej nroog loj, ib cheeb tsam ncig tej nroog loj thiab nyob rau yaj sab lawm thiab.
COV NTSIAB LUS QHIA (INSTRUCTION)
Qhov tseem ceeb tshaj ntawm peb cov ntsiab lus qhia ntawv rau cov tub ntxhais kawm ntawv no kom ruaj
khov yog kev koom tes sib pab – los ntawm cov tus ntxhais kawm ntawv thiab lub zej zog hauv
Stevens Point.
• Yuav qhia kom cov tub ntxhais kawm ntawv rau siab kawm thiab kom lawv tej kev kawm
ntaub kawm ntawv, kev sib raug zoo nrog lwm tus neeg thiab kom lawv tej kev coj kev xav kom loj
hlob tib si.
• Cov tub ntxhais kawm ntawv yuav kawm tau ntau yam los ntawm tej kev sib koom tes thiab tej yam
uas lawv yuav tau nqis tes ua kiag.
• Cov kws qhia ntawv thiab cov neeg ua hauj lwm hauv tsev kawm ntawv yuav sib koom tes thiab sib
pab los tsim kom muaj tej txheej txheem qhia ntawv thiab yuav muab tej kev kawm ntau yam coj los
ua ke es kom tej tub ntxhais kawm ntawv thiaj kawm tau tej yam uas zoo thiab muaj qab hau.
• Tsev kawm ntawv Point of Discovery kuj yuav caw thiab hais kom cov niam txiv yuav tsum muaj
feem cuam koom nrog tsev kawm ntawv thiab vim qhov kev koom tes no yog ib qho tseem ceeb
heev nyob rau hauv lub tsev kawm ntawv.
YOG XAV PAUB NTAU TSHAJ NO?
Yog xav paub tias yuav mus cuv npe rau qhov twg thiab thaum twg no nej mus xyuas
rau ntawm www.pointofdiscoveryschool.com los yog sau ntawv xa nug peb
tau rau ntawm peb qhov Contact Us page.