Nloog Lus

Zaj 4
Nloog Lus
Muaj 2 qho tseemceeb uas peb twb kawm los lawm. Ob qho ntawd yog li no:
1. Vajtswv tus menyuam twb tso tej kev txhaum tseg lawm.
2. Vajtswv tus menyuam los ntseeg Yexus lawm.
Nimno peb yuav kawm ib qho ntxiv uas tseemceeb ib yam nkaus li 2 qho uas sau pem
toj no.
3. Vajtswv tus menyuam nloog lus.
1.
Koj cia li nyeem Vajtswv tej lus uas sau nramqab no thiab cim rau nruabsiab.
**********************************************************************
Yexus Khetos twb tuag thiab twb sawv hauv qhov tuag rov qab los lawm. Nimno nws
ua sawvdaws tus Tswv.
Loo 14:9
************************************************************************
Tej lus uas sau nramqab no yuav pab koj cim tau.
Yexus Khetos ___________________thiab __________________________________
rov_________________________ Nimno _____________________ tus ___________.
2.
Lo lus uas hais tias, "Tswv" txhais hais tias - tus uas kav yus lossis tswjhwm yus.
Yog li ntawd peb yuav tsum nloog peb tus Tswv lus. Koj cia li ua tib zoo xyuas tej lus uas
sau nramqab no saib hais li cas, koj mam li sau tus cim T no rau qhov uas yog.
l. q Yog peb tus Tswv kom peb ua yam uas yoojyim ua, peb yuav nloog nws lus.
2. q Peb yuav nloog tus Tswv tej lus huv tibsi
3. q Tsuav yog qee hnub, peb nloog tus Tswv lus nyaj yuav tau lawm.
3.
Muaj ib zaug Yexus hais tias, "Yog nej nloog kuv lus nej yeej yuav ua raws li tej lus
uas kuv hais" (Yauhas14:15). Yog li ntawd, yog koj nloog Yexus lus koj yuav ua
dabtsi _________________________________________.
4.
Yog Yexus yog peb tus Tswv tiag, peb yuav nloog nws lus thiab ua _______ li tej lus uas
nws__________.
25
5.
Yexus hais tias, "Tsis muaj ib tug neeg twg yuav ua tau ob tug tswv haujlwm li.” Yog
li ntawd peb yuav tsum ua Yexus tib leeg tes haujlwm thiab nloog Yexus lus rau
qhov peb tsuas muaj tib tug Tswv xwb.
Leejtwg tswjhwm cov ntseeg thiab ua lawv tus Tswv? ___________
Yog li ntawd, tsimnyog koj cia leejtwg tswjhwm koj thiab ua koj tus Tswv? __________.
Nimno peb yuav kawm zaj uas qhia hais tias, peb yuav tsum cia Yexus tswjhwm
tagnrho, peb lub neej huv tibsi tsis hais tswjhwm lub siab lub ntsws los yog, tej lus
uas peb niajhnub hais los yog tes haujlwm uas peb ua los yog.
1. Yexus Khetos yog tus tswjhwm tej uas peb lub siab xav.
6.
Qhov uas peb coj peb lub neej kom haum luag lwm tus siab, qhov ntawd zoo tsis
thooj li peb coj peb lub neej kom haum Yexus siab. Luag lwm tus tsuas pom peb
lub neej sab nrauv xwb, lawv yeej tsis paub hais tias, peb lub siab zoo li cas.
Vajtswv txojlus hais tias, "Ib puas tsav yam uas Vajtswv tsim los lawm Vajtswv yeej
pom txhua yam huv tibsi" Hinplus 4:13
Koj cia li ua tib zoo xyuas daim duab uas sau nramqab no saib qhia li cas.
Tus txivneej lub ncauj tsis hais raws li nws lub siab xav. Tus pojniam ntawd tsis paub
hais tias, tus txivneej dag nws. Yog peb lub ncauj tsis hais raws li peb lub siab xav,
Tswv Yexus puas paub?__________.
Raws li koj xav, vim li cas peb dag tsis tau Vajtswv? _____________________________
26
7.
Peb tus Tswv Yexus yeej pom txhua yam uas peb zais hauv peb lub siab huv tibsi.
(Koj cia li sau tus cim T no rau tej qhov yog uas sau nramqab no.)
l. q Tswv Yexus pom txhua yam uas kuv zais rau nruabsiab.
2. q Tswv Yexus paub vim li cas kuv ua ub ua no.
3. q Tswv Yexus paub tej uas kuv lub siab xav yuav.
4. q Yexus yeej muaj haujlwm ntau yam hauv ntiajteb nws thiaj tsis xyuas tej uas
kuv niajhnub ua.
5. q Yexus yeej pom txhua yam tsav uas neeg ua.
8.
Vajtswv tus Ntsujplig tshoov xibhwb Povlauj lub siab, Povlauj thiaj paub sau ob peb tsa
ntawv hauv Vajtswv phau ntawv. Muaj ib nqi hauv 1 Kaulithaus 14:25 qhia hais tias,
"Vajtswv yuav muab tej uas tus ntawd xav, nthuav rau sawvdaws saib" Yog li ntawd tej uas
peb xav rau nruabsiab yuav tsum yog tej uas haum Vajtswv siab.
9.
Xibhwb Povlauj sau dua hauv phau Loo 12:2 hais tias, "Nej tsis txhob ua nej lub neej zoo
li tej neeg uas tsis nloog Vajtswv lus niaj hnub ua, tiamsis nej yuav tsum cia Vajtswv
hloov nej lub siab kom nej muaj lub siab tshiab."
Lo lus uas hais tias, "hloov" no txhais hais tias, txawv dua qub lawm.
Yog dabtsi yuav txawv dua qub? Raws li Vajtswv txojlus qhia, tej uas peb xav rau
nruabsiab yuav tsum txawv dua qub.
Koj yuav tsum cia Vajtswv hloov koj lub______.
10.
Vajtswv txoj lus qhia rau peb paub hais tias, peb yuav tsum ua li cas thiaj hloov tau
tej uas peb xav rau nruabsiab. Koj cia li nyeem tej lus uas sau rau nramqab no:
************************************************************************
Nej yuav tsum cim ntsoov tej uas zoo thiab tsimnyog qhuas rau hauv nej lub siab,
tsis hais tej uas tseemceeb los yog, tej uas tsimnyog hwm los yog, tej uas ncajncees
los yog, tej uas zoo kawg nkaus los yog, tej uas ntxim nyiam los yog, tej uas yuav tau
koobmeej los yog, nej yuav tsum khaws tej ntawd cia rau hauv nej lub siab huv tibsi.
Filipis 4:8
**********************************************************************
Yog tej uas koj xav rau nruabsiab txawv dua qub lawm,
yog li ntawd koj ua tib zoo xav
saib lo twg nram qab no tsis phim rau tus uas hloov siab lawm. (Koj cia li sau tus cim X
no rau tej qhov uas koj tsis yuav lawm.
l. q yus taug xaiv zaj phem.
2. q yus dag tus phoojywg uas ntseeg Yexus.
3. q yus chim rau tej neeg uas ua phem rau yus.
4. q yus pheej xav txog tej uas phem.
5. q yus cim ntsoov tej uas yus ua phem ua qias.
6. q yus pheej xav txog Vajtswv tus uas muaj hwjchim.
27
Muaj lus pivtxwv hais tias, “koj tsis muaj peevxwm txwv
tsis pub noog ya saum koj lub taubhau, tiamsis koj yeej
muaj peevxwm txwv tsis pub noog ua zes hauv koj cov
plaubhau.” Dab ntxwgnyoog pheej yuav ntxias koj
kom koj lub siab xav zaj phem, tiamsis Vajtswv yuav
pab koj kom koj txwv tau tsis pub koj lub siab cim
ntsoov tej zaj phem ntawd.
11.
Koj tsis txhob xav hais tias, koj muaj peevxwm hloov tau koj lub siab. Koj yuav tsum
nco ntsoov hais tias, Yexus Khetos yog koj tus Cawmseej. Yexus yog tus uas pab koj
kom koj dim tau koj lub_________. Koj lub txim ntawd hais txog tej uas koj
xav phem rau nruabsiab thiab.
12.
Yexus yog peb tus Cawmseej thiab yog tus Tswv uas tswjhwm peb lub siab. Yog li
ntawd peb yuav tsum ua li cas. Peb yuav tsum _________Yexus lus.
13.
Tej uas peb nyuamqhuav kawm pem toj no qhia hais tias, Yexus tswjhwm tus ntseeg
lub siab lub ntsws. Muaj dua ib qho tseemceeb uas hnub no peb yuav kawm ntxiv.
Peb kawm txog dabtsi pem toj no.?
Yexus tswjhwm tus ntseeg lub _______lub_____.
Yexus tswjhwm tej uas peb lub siab xav. Tsis yog li ntawd xwb, Yexus yuav ua tus
Tswv tswjhwm tej lus uas peb hais thiab.
2. Yexus Khetos tswjhwm tej lus uas peb hais
14.
Thaum tej uas tus ntseeg xav rau nruabsiab hloov lawm, nws tsis xav li qub lawm,
tej lus uas tus ntawd hais yuav tsis zoo li qub lawm thiab.
Yexus hais tias,
***********************************************************************
Lub siab zoo li cas, lub ncauj yeej yuav hais raws li ntawd.
Mathais 12:34
***********************************************************************
Yog li ntawd thaum tej uas peb xav rau nruabsiab hloov lawm, tej lus uas peb hais
yeej yuav hloov, tsis zoo li qub lawm.
Peb tej ______ yuav hloov, tsis zoo li qub lawm.
15.
Yexus yog peb tus Tswv uas tswjhwm tej uas peb lub siab xav thiab tej ______
uas peb _________.
28
16.
Yexus yog peb tus Tswv uas tswjhwm tej lus uas peb hais, yog li ntawd tsimnyog peb
yuav tsum hais tej lus zoo xwb. Tsis tsimnyog tus ntseeg hais tej lus phem lus
qias ib zaug li lawm. Yog tus uas nyuamqhuav los ntseeg Yexus tshiab nws ib txwm
hais tej lus phem lus qias lawm, nws laj laj tso tseg, nws yuav tsum nco ntsoov
Vajtswv txojlus uas hais tias:
**********************************************************************
Lo lus ua tsaug thiab lo lus cem puavleej yog tus nplaig hais. Cov kwvtij es tsis tsimnyog
yuav muaj li ntawd.
Yakaunpaus 3:10
************************************************************************
Koj yog tus uas ntseeg Yexus lawm, tsimnyog koj hais lus zoo li cas? (Koj cia li sau
tus cim T no rau qhov uas yog.
l. q hais tej lus zoo xwb.
2. q hais tej lus tsis zoo nloog.
3. q hais tej lus zoo thiab tej lus phem sib
xyaw ua ke.
17.
Daim duab uas sau rau sabxis no qhia hais tias, Yexus yog peb tus Tswv, yog li ntawd
nws yuav tswjhwm tej _______ uas peb _________.
18.
Koj cia li ua tib zoo xyuas 6 daim duab uas sau nramqab no saib tej lus uas tus ntseeg hais
puas zoo lossis tsis zoo. (Koj cia li xyuas tej lus uas sau nramqab no, koj mam li qhia hais
tias, daim duab twg phim rau nqi twg.)
1. Tej lus txhawb lwm tus lub zog. _____
4. Tej lus thov Vajtswv _____
2. Tej lus qhuas Vajtswv
_____
5. Tej lus dag
3. Tej lus taug xaiv
_____
6. Tej lus cem lwm tus _____
_____
Muaj 3 daim duab qhia hais tias, tus ntseeg hais tej lus zoo. Koj cia li xyuas thiab sau 3
daim duab ntawd rau nramqab no:
1. ____
2. _____
3. _____
29
19.
Vim Yexus Khetos yog peb tus Tswv peb yuav tsum _______ nws lus. Koj cia li sau
2 qho uas peb kawm los lawm uas qhia hais tias, peb twb nloog Yexus lus lawm.
1. Yexus Khetos tswjhwm tej uas peb lub siab ________.
2. Yexus tswjhwm tej _____ uas peb ______.
Yexus Khetos yog peb tus Tswv uas tswjhwm tej uas peb lub siab xav, thiab tej lus
uas peb hais.
3.Yexus Khetos tswjhwm tej haujlwm uas peb ua.
20.
Koj cia li rov qab hais nqi lus uas koj cim rau nruabsiab lawm saib koj puas nco tej
lus ntawd.
************************************************************************
Yexus Khetos twb tuag thiab twb sawv hauv qhov tuag rov qab los lawm. Nimno nws
ua sawvdaws tus Tswv.
Loo 14:9
************************************************************************
21.
Yexus Khetos tuag saum ntoo khaublig, luag muab nws lub cev faus hauv lub ntxa,
tomqab ntawd Vajtswv tsa Yexus sawv hauv qhovtuag rov qab los. Nimno nws muaj
txojsia nyob nws thiaj ua tau peb tus Tswv. Muaj qee leej lam hu Yexus hais tias, tus
Tswv, tiamsis lawv lub ncauj hais li ntawd xwb.
30
Yexus hais tias,
************************************************************************
Ua li cas nej hu kuv hais tias, Tus Tswv, tus Tswv, tiamsis nej ho tsis ua raws li kuv tej
lus.
Lukas 6:46
************************************************************************
Tus uas hais tias, nws ntseeg Yexus, tiamsis nws tsis _______________Yexus hais, tus
ntawd hu tsis tau Yexus ua tus Tswv.
22.
Yog peb tsis ua raws li Yexus hais, peb tsis txhob hu Yexus ua tus Tswv. Peb tus
Tswv Yexus xav ua peb tus Tswv uas tswjhwm.
Cov nqi nramqab no qhov nqi twg thiaj yog:
Yexus ua tus tswjhwm:
1. q tej lus uas peb hais xwb.
2. q tej uas peb xav rau nruabsiab thiab tej lus ua peb hais xwb.
3. q tej haujlwm uas peb txhais tes ua, tej uas peb xav rau nruabsiab thiab tej lus uas peb
Hais huv tibsi.
4. q tej uas peb xav rau nruabsiab xwb.
23.
Peb twb kawm los lawm hais tias, tus uas tso tej kev txhaum tseg, tsis rov qab ua
txhaum dua, tus ntawd hloov dua siab lawm. Tus uas hloov dua siab lawm, tus ntawd:
a. Coj lub neej tshiab,
b. Nws nyiam nloog Yexus lus
c. Ua raws li Yexus hais.
Peb nloog Yexus lus thaum peb cia Yexus ua tus Tswv tswjhwm:
a. Tej uas peb xav rau nruabsiab
b. Tej lus uas peb hais thiab
c. Tej haujlwm zoo uas peb txhais _____ua.
24.
Peb yuav tsum cia peb tus Tswv Yexus tswjhwm tej haujlwm uas peb txhais tes ua.
Daim duab twg qhia yam uas zoo tshajplaws? ___
31
25.
Muaj 3 qho tseemceeb uas tus ntseeg yuav tsum nloog Yexus lus
1. Tej uas tus ntseeg _____hauv ______siab
2. Tej ____ uas tus ntseeg ______.
3. Tej _________ uas tus ntseeg ____.
26.
Koj cia li nyeem Povlauj tej lus ib zaug ntxiv.
************************************************************************
Nej yuav tsum cia Vajtswv hloov nej lub siab kom nej muaj lub siab tshiab.
Loo 12:2
***********************************************************************
Yog peb muaj lub siab tshiab lawm tej uas peb xav rau nruabsiab yuav hloov, tsis zoo
li qub lawm. Tsis yog li ntawd xwb tseem tshuav ob yam ntxiv uas yuav txawv dua
qub lawm.
Tej _____ uas peb hais thiab tej _________ uas peb txhais tes _____.
27.
Tus uas muaj lub siab tshiab thiab lub neej tshiab yog tus uas tau txojsia tshiab uas
Yexus cog lus tseg hais tias, nws yuav pub rau tus uas ntseeg. Tus uas tau txojsia
tshiab yog tus ua cia Yexus tswjhwm1. Tej uas nws _____ hauv nruab ______.
2. Tej _____ uas nws _____.
3. Tej ________ uas nws txhais tes ____.
28.
Yog li ntawd peb yuav tsum ntseeg Yexus tus uas yog peb tus Cawmseej thiab nloog
nws lus vim nws yog peb tus Tswv uas tswjhwm peb.
Nimno koj cia li nyob twjywm thov Yexus thiab cia Nws ua koj tus Tswv tswjhwm
1. Tej uas koj xav rau nruabsiab.
2. Tej lus uas koj niajhnub hais.
3. Tej haujlwm uas koj txhais tes ua.
4. Koj lub siab lub ntsws.
5. Koj lub cev thiab tej tes taw huv tibsi.
Rov Tshuaj Xyuas
1.Peb yuav tsum cia Yexus tswjhwm dabtsi?
1. ___________________________________________________.
2. ___________________________________________________.
3. ___________________________________________________.
4.___________________________________________________.
5.___________________________________________________.
32