Menyuam Ntxais Mis
Transkrypt
Menyuam Ntxais Mis
Menyuam Ntxais Mis Kev kawm pub mis niam rau menyuam yog ib yam uas siv sijhawm kawm rau koj thiab koj tus menyuam mos. Kev xyaum kho kom koj tus menyuam ntxais tau mis zoo yog ib yam tseem ceeb heev rau kev pub mis niam kom thwj. Kev Kho Tus Menyuam Mos Pw Kom Ncaj Tso koj tus menyuam mos lub ntsejmuag thiab lub cev kom tig tuaj rau koj, uas lub ntsejmuag nyob sib txig nrog koj lub mis. Yog koj pom tias ntawm koj tus menyuam lub xubpwg mus rau ntawm duav ncaj ncaj no ces koj tso nws yog lawm. Saib zoo kom koj thiab koj tus menyuam ob leeg nyob tau xis tus kheej, uas siv hauv ncoo lossis tus tes ntawm lub rooj zaum ua ib qho chaw xiab sab tes puag tus menyuam. Kev Tso Lub Mis Kom Ncaj Majmam muab koj lub mis tsa uas siv koj cov ntivtes tuaj hauv qab lub mis thiab tus ntivtes xoo tuaj saum toj lub mis. Tuav kom deb ntawm lub txiv mis (uas yog qhov tsaus zog ntawm koj lub mis). Muab koj txhais tes ua ib tug “C” lossis ib tug “U” thaum tuav lub mis. Saib zoo kom cov ntivtes hauv qab lub mis tsis txhob kov raug lub txiv mis. Muab Mis Rau Menyuam Mos Noj Maj mam muab koj lub txiv mis lossis koj tus ntivtes plhws koj tus menyuam mos daim dincauj hauv qab lossis nws sab plhu kom nws rua ncauj dav dav. Yog tus menyuam lub qhovncauj tsis rua dav txaus no ces kav tsij ua twj ywm li ntawd kom nws rua dav zog tso. Thaum rua lawm, muab koj tus menyuam rub los npuab rau koj lub mis kom nws lub txiv ntswg, sab plhu thiab puabtsaig chwv koj lub mis. Yog koj lub mis npog koj tus menyuam lub qhovntswg lawm no ces muab koj tus menyuam lub pobtw rub los kom siab thiab ze koj zog kom nws lub taubhau tsa zog. Koj tus menyuam yuav tsum muab lub qhovncauj npuav ntau tshaj koj lub txiv mis. Koj tus menyuam yuav tsum npuav li 1 txog 1.5 nti ntawm lub txiv mis thiab lub qhovncauj yuav tsum npuav kom tau thaj chaw nyob ib thiab ib nrab nram qab lub txiv mis. Thaum li no mas koj tus menyuam thiaj li yuav ntxais tau cov kua mis kom ntau thiab koj lub txiv mis thiaj li tsis muaj feem yuav mob. Thaum koj tus menyuam mos thawj zaug ntxais mis, koj yuav hnov nws nqus thiab rub koj lub txiv mis. Koj yuav tsum mloog seb puas hnov koj tus menyuam nqos kua mis. Yog koj hnov lub suab nqos ntawd (uas yog koj tus menyuam tus nplaig thaum raug sab saum lub qhovncauj) yuav qhia rau koj paub tias nws tseem tsis tau npuav lub txiv mis zoo. Lwm yam uas qhia tau rau koj paub yog thaum koj lub mis meem txom lossis mob heev. Sab nraud Xav Tau Tswvyim Lossis Kev Pab Txog Kev Pub Mis Niam ? Thov kev pab yeej TSIS UA LICAS kiag li: koj tus kws kho mob, tus kws kho menyuam yaus, lossis tus kws kuaj mob » Tiv tauj ib tug neeg ua haujlwm txog kev pub mis niam rau menyuam » Mus saib cov kev pab muaj ntau ntau nyob ntawm www.abbottnutrition.com/breastfeeding Hu Ua haujlwm zoo nrog: Muaj kev pab 24/7. Muaj nais maum thiab cov neeg paub kev pub mis. Hu Feeding Expert: 1-800-986-8800. » o Tswv Yim & Kev Pub Mis Niam: Menyuam Ntxais Mis Hloov Sab Mis Muab koj tus menyuam hloov noj sab mis txawv ntawm sab uas koj xub pib nrog vim hais tias koj tus menyuam yuav txawj ntxais sab uas xub pib siv ntawd tshaj. Yog koj tus menyuam tsis kam noj lwm sab ntawd lossis noj tagnrho cov kua mis lawm, ho pib nrog sab ntawd thaum koj rov pub dua mis niam. Thaum Tshem Tus Menyuam Ntawm Lub Txiv Mis Yog tias koj yuav tau muab tus menyuam hloov chaw thaum pub mis kom nws ntxais tau zoo zog no, ua zoo muab koj ib tug ntivtes ntxig rau tom kaum ncauj kom nws tsis txhob ntxais tau lawm. Qhov no yuav pab kom koj lub txiv mis tsis txhob raug mob. Tsis txhob tas kev cia siab vim hais tias yeej yuav siv ntau zaus sim mas thiaj li tso tau tus menyuam kom nyob zoo chaw thiab npuav zoo. Ob txoj kev tshem tus menyuam ntawm lub txiv mis ntxiv ces yog majmam rua nws lub puabtsaig lossis nias lub mis ntawm qhov chaw uas ze tus menyuam lub qhov ncaj tshaj. Xav Tau Tswvyim Lossis Kev Pab Txog Kev Pub Mis Niam ? Thov ° kev pab yeej TSIS UA LICAS kiag li: koj tus kws kho mob, tus kws kho menyuam yaus, lossis tus kws kuaj mob » Tiv tauj ib tug neeg ua haujlwm txog kev pub mis niam rau menyuam » Mus saib cov kev pab muaj ntau ntau nyob ntawm www.abbottnutrition.com/breastfeeding Hu ©2011 Abbott Laboratories Inc. Ib Hlis 2011 73152 Hmong – Latching On