Najô Ùczba 19 - Skarbnica Kaszubska
Transkrypt
Najô Ùczba 19 - Skarbnica Kaszubska
Edukacyjny dodôwk ` do „Pomeranii” nr 9 (19) lëstopadnik 2008 Najo`` uczba ` Rómk Drzeżdżónk : Diabelscze` skrzepce Rozmëszla wa czedë, skądkaż sã wząn nen dzywny jinstrument pòzwóny diabelsczima skrzëpcama, na chtërnym rôd grają mùzykańcë w kaszëbsczich kapelach? Nié? Tej jô wama mùszã ò tim òpòwiedzec. A bëło to tak… Lata lateczné do wslôdë w jednym môlu na Kaszëbach żił pùrtk, chtëren baro lubił mùzykã. Sóm wëmëszlôł melodiã i słowa, a pòtemù grającë na skrzëpicach kòncertowôł na pòlach, łąkach, w lese, a nôchãtny pòd òknama lëdzczich chëczi. Wa mëszlita, że to béł diôbeł, chtëren miôł wiôldżi mùzyczny talent? Ale dze! Nen jegò spiéw i granié szlachòwôłë za wëcym psa, kòcyjamrã a rikanim dzecka, jaczé dostało òd nënczi klapsa. Swòje piesnie òn wiedno zaczinôł òd słów „hòp, hòp”, temù téż pózni môl w jaczim òn mieszkôł lëdze pòzwalë Hòpòwò. Jak nie wierzita, tej mòżeta to sprawdzëc na kôrce – ùzdrzita, że pò prôwdze je takô wies na Kaszëbach. Lëdze, zwiérzãta, a nawetka jinszé diôbłë, ju ni mòglë zlëdac ny pùrtkòwsczi mùzyczi. Temù wëc- mani ùdbalë so negò spiéwôka wësłac do mùzyczny szkòłë do Pùcka. Czôrce delë mù pieniądze na nôùkã, lëdze przërëchtowalë jedzenié i òbleczënk, a zwiérzãta wësłałë kòzã, bë zawiozła gò na môl. Pùrtk sedzącë na kòze spiéwôł òb całą drogã: Hòp, hòp, hòp Jedze pùrtôk Kòza bleczi Pùrtôk rëczi Hòp, hòp, hòp W Pùckù profesorowie ju sã zwiedzelë jaczi szkòlôk do nich jedze. Ùmëslëlë so nôprzód zrobic jemù egzamin, bë sprawdzëc czë òn sã abë do ti szkòłë nadôwô. Pëszno jegò pòwitalë i zarôzka poproszëlë, bë zagrôł jaką melodiã a zaspiéwôł. Kandidat na spiéwôka wëcygnął skrzëpice, pòcygnął pò strunach, z dróta zrobionym, łãczkã, a falszëwò grającë na całi gôrdzel zapiôł: Hòp, hòp, hòp! Jô jem pùrtôk Jô rozmiejã zagrac wszëtkò Metal, rap i rock Hòp, hòp, hòp! Czëjącë tak co, profesorowie zasztopalë so ùszë, a czej pùrtk skùńcził Wëdanié udëtkowioné bez Ministra Bënowëch Sprawów i Administracje ` najo_uczba_11_08.indd 1 Dokùńczenié na str. II Najo`` uczba - lekcjo`` 9 (19) ` ` dodôwk do „Pomeranii” 2008-10-07 18:53:29 : : Klase I-III spodleczny szkołe ` ` wëstãp, przédnik kòmisje zawòłôł: – Cëż to bëło? To nie je spiéwanié, to je brzãczenié, wëcé a trzôskòwanié! – Ale jô tak lubiã mùzykã – jiscëł sã diôbeł z łizama w òczach. Wtim, w òkamërgnienim, pòdskòkł w nórt, dze stojała perkùsjô. Na głowã włożił so blaszany talérz, chtëren przëcësnął czôpkã, a na brzechù ùrzesził malińczi bãbenk. W jedny rãce trzimôł łãczk, w drëgą chwacëł drzewianą pałkã, brodą przëcësnął do se skrzëpce i prosząco rzekł: – Mòże jô bë chòc spróbòwał graniô na perkùsje? Czej profesorowie taczi òbrôzk ùzdrzelë zaczãlë sã głosno smiôc. Jeden z nich pòdszedł krócy, wëcygnął diôbłowi z rãczi pałkã, ùderził nią w talérz, pòtemù w bãbenk, pòcygnął za strënë skrzëpiców, przësłëchôł sã, spróbòwôł jesz rôz i jesz rôz… – Nie do wiarë! – krziknął zadzëwòwóny. – Të grajesz! Spiéwôkã i grajkã të na gwës niżódnym nie jes, ale jinstrumentã mòżesz bëc baro bëlnym. – Hòp, hòp, hòp – redosno pòdskòkł pùrtk, wëdôwając ze se snôżé zwãczi. Profesorowie zaczãlë wiwatowac i bic brawò. Naradzëlë sã i przëjãlë gò do klasë perkùsyjno-strënowëch jinstrumentów, dze szkòlôcë ùczëlë sã na nim grac, a pòtemù… A pòtemù… Cëż jô mdã wama wiele òpòwiôdôł. Wa ju sami wiéta, co je dali, bò nierôz mòżeta ùzdrzec negò pùrtôka, jak kòncertëje we weszelejaczich môlach na swiece. Rës. Daria Sëlka Bonna To mòże rzec, że doch gôdka je to ùtwórstwò czësto lëdowé ë niepòwôżné a do tegò że niewiele wnosziwô do swiatowi lëteraturë, a më mómë dzysô promòwac kaszëbiznã nowòtną, dwadzescëpierszostalatną, a do tegò pòwôżną. Gwës jo, mùszi bëc kaszëbizna nowòtnô, równak ni mòżemë zabôcziwac ò kaszëbiznie dôwny – òsoblëwie, że wikszosc nastolatnëch Kaszëbów nie znaje ni jedny ni drëdżi. „Gôdczi Józwa Brusczégò” to 14 zebrónëch gôdków wëdrëkòwónëch pò kaszëbskù ë w pòlsczim dolmaczënkù. Përznã mało, bò tã ksążeczkã jidze przëczëtac pò prôwdze w dwa kwadranse. A chcało bë sã wicy... (-) Gôdczi Józwa Brusczégò, oprac. Kazimierz Òstrowsczi, part ZKP w Chòjnicach, Chòjnice 2008 : Wezgódczi Piętów Tóna, Orzechë do ucechë abo pół tësąca kaszëbskich zagôdk, Gdańsk 1956 1. Na co są bòcané gniôzda na masztach? A skąd bë sã wzelë rëbôcë na swiece? 2. Co to za kluka, co sedzy na czerwionëch jajach? Grôp na wãglach. 3. Co to znaczi, czej pajk w pôłnié pajiczënã w nórce przãdze? To znaczi, że ju dôwno pajiczëna nie bëła zmiôtónô. 4. Chto ni mô pëska, a jednak grëze? Żôgówka II Najo`` uczba - lekcjo`` 9 (19) ` ` dodôwk do „Pomeranii” najo_uczba_11_08.indd 2 2008-10-07 18:53:29 : : Klase IV-VI spodleczny szkołe ` ` Alicja Szczëpta Ksążeczka na dwa kwadranse Są taczé ksążczi, co sã czëtô w dwa sztótë, a chùtkò sã ò nich zabôcziwô ë są taczé, do jaczich pò przeczëtanim sã dërchem wrócywô. Gôdczi to taczi gatënk lëteraturë, jaczé chłónie sã chùtkò, ale téż do jaczégò dërch sã wrócywô, bò to i prosté i smiészné, i letkò sã czëtô. Gôdka to përznã wicy jak szpôs ë kąsk cos jinszégò jak anegdota. Równak na Kaszëbach – z nieznónëch mie prziczin – je to òd lat, a mòże òd stalat nôpòpùlarniészi lëteracczi gatënk. Na wszelejaczich lëdowëch zôbawach gôdkarze ceszą sã wielgą pòpùlarnotą ë biwają wëdôwóné jich zbierczi na szléfie, CD czë w ksążkòwi fòrmie. Nôtërą gôdków je to, że są gôdóné, rzekłé przez autorów, a nigdë pisóné – dopiérze niechtërné gôdczi biwają pùzni zapisowóné. Blós të nôlepszé, nôlepszich autorów. Rzekłé ceszą i smiészą nôbarżi – bò gôdkôrz téż swòją mimiką, tónã głosu czë gestama zmòcniwô efekt. Tim słiną nôlepszi gôdkarze, a jednym z nich béł Józef Brusczi. Chto pamiãto jak òn sóm swòje gôdczi wëgłosziwôł, temù ksążeczka „Gôdczi Józwa Brusczégò” przëdô sã jakno spòmink. Równak Brusczi ùmarł 30 lat temù, tej wikszosc ju gò nie pamiãtô. Dlô tich, co ni mielë gò czëté, ta ksążka mô dwie wôrtnotë. Jedna: pòznanié jegò gôdków, jaczé tak pò prôwdze mògą fùnkcjonowac dzys jakno apartné szpôsë, a równakò są klasyką kaszëbsczi gôdczi, ë drëga: pòznanie tegò gôdkarza, bò to pòstójc pò prôwdze wôżny dlô kaszëbsczi kùlturë. Témizna gôdków je zblëżonô do se – tikają we wikszoscë Kaszëbów ze wsów, realiów dôwniészich jak dzysdniowé ë baro w nich czãsto je widzec napiãcy midzë głëpim ë mądrim (barżi przëmëslnym) abò midzë głëchim losã a przebiegłim Kaszëbą. Ta pierszô to chòcbë òpòwiesc ò starkù ë wnukù, co za wëbôwienie z niedôle slubòwelë przeńc na òdpùst na grochù – w bótach wëpôłnionëch grochã. Wic pòlégô na tim, że stark nick nikòmù nie rzekącë do bótów so nakłôdł grochù, ale gòtowónégò, a wnuk – sërégò. Cerpienié ë òfiara tegò drëdżégò bëła sto razë wikszô, równak to pòswicenié òstało òcenioné nié jakno rzetelnosc, le głëpòta ë niewëkòrzëstanié òkazje. Pòntą je to, że Bóg gwës òceni starka jakno biwałégò, spritnégò człowieka, a wnuka jakno głëpaségò. Czë lojalnotã mómë òceniwac jakno głupota, to jiszé pitanié. Gôdka bë bëła smiésznô czãsto pòsługùje sã taką definicëją mądroscë ë głëpòtë. Ten drëdżi zort to na przëmiôr òpòwiesc ò tim, jak Jón z Czedréc ni mógł wlézc nié do nieba, nié do piekła, bò òstôł tam jesz zaplanowóny do przëjãcégò dopiérzë za 10 lat, a na drëdżi swiat òstôł sélóny bez dochtora Brusczégò z Lëpnicë, jaczi „wiedno psëje” niebiańsczé ë piekielné planë. Przë leżnoscë, nen dochtór Brusczi z Lëpnicë (spòmnióny wëstãpùje w ny gôdce) to prawie Józef Brusczi – autór gôdczi. To nôlepszi przëmiôr tegò, że gôdczi prócz jironije do swiata mają téż fùl jironije do sómégò se. Stil ë jãzëk gôdk je prosti, òstri – z tegò doch: cãti ripòstë słinął Brusczi. Gôdczi nie są dłudżé ë czãsto przez teritorialné òtaksowanié môlu, dze akcëjô sã dzeje – Lëpnica, Czedréce, a òsoblëwie môłëch jak chòc Rëbôczi, czë òdniesenia do jinëch wsów kòle Wdzydzczégò Jezora – mają wiele swójsczégò ùrokù. Jãzëk Brusczégò – pòchôdającégò spòde Wielégò – je to kaszëbizna pôłniowô, jesz nié zabòrskô, równak za to përznã zrobionô na lëteracką. Najo`` uczba - lekcjo`` 9 (19) ` ` dodôwk do „Pomeranii” najo_uczba_11_08.indd 3 III 2008-10-07 18:53:30 : : Klase gimnazjalny szkołe ` Danuta Pioch : ` : : : : : Tema: ` ~ Krejamnota ledzczego ` ` żeco`` zaklato`` w szterzech cządach roku` na spodlim Wejimków lestów do Nodzeje" Michała Piepera " `` : ` Uczba drego: `` Lato żeco`` „Leżã terôzka nad mòrzã, westrzód mikloszków, je baro cepło, ptôczi wëkònëją slédny ju rôz sôlta, cyrkòwé tuńce, jakbë chcałë pòkazac, jaczé òne są flink. Niechtërne jesz przed spikã zjôdają ostatny pòdpôłnik abò ukłôdają szëkòwno swòjim dzobã pióra, bë miec lepszé farwné snë. Słuńce, chòc dalek, ògrzéwô nas temù, że dosôdł sã do mie pò cëchù wiôldżi bączk i wespół wzérómë, jak wszytko pòmalinkù jidze spac, nawetka mòrze, chtërno przed gòdzëną jesz witało sã ze mną, pòdpłiwało do mòjich stóp, gëldzącë przënosëło zelgã znobù, terô òdpłiwô, pòkazëjącë wszëtczé dôrënczi, jaczé nazniosło òb całi dzéń. Machtné gladisë, leżącë na sztrądze, përzinkã nerwés, kò gwësno sã pòmilëłë, bò to nie je nen przëstónk, zbłądzëłë, wcyskają sã terô w mòrzëznã. Pôcórczi, mùszle, mòzajika kamieniów, zbùdowałë so sklënianą ramã do wieczórnégò, latnégò, mòrsczégò òbrôzka… A jô leżã, wëcygóm z piôskù òstatné cepło i jem jô sóm, nie czëjã nikògò, mòrsczi lëft chce mie rozsadzëc płëca. Dożdóm sã gwiôzd?” 1. Pòdzel przeczëtóny tekst na pòsobné òbrazë. Nadôj tim òbrazóm titlë. Na przymiar: pierszi òbrôz - <narrator na sztrądze>; drëdżi – <ptôchë w latnym tuńcu>; itd. Òpòwiédz baro sugestiwno, co malôrz mógłbë namalowac na kòżdim z òbrazów. 2. Rozbùduj kòżdi z òbrazów ò mëslë, wëpòwiescë i rojenia bòhatera, np.: słuńce – dzëwùje sã, nie chce zańc, reduje sã ze szczëstlëwòtë człowieka i bączka… 3. Tekst, chòc ùkazëje wëcyszanié rodë przed nocą, dërch jesz je baro dynamiczny. Co na tã dynamikã wpłiwô? Òmówi wszëtczé elementë. 4. W teksce je gôdka ò ramie do òbrôzka. IV Jakô je ta rama i co bë mogło bëc na tim òbrôzkù? 5. Gladisa to jinaczi flądra. Wëpiszë ze słowarza jiné synonimë tegò słowa. Ùłożë krótczi tekst, w chtërnym wëzwëskôsz wszëtczé zebróné synonimë. 6. Jak są w teksce ùkôzóné ptôchë? Jaczé sposobë pòeticczégo òbrazowaniô są do tegò ùżëté? 7. Na spòdlim tekstu òmów nastawienié narratora do „wiôldżégò bączka” i jinëch dzélów notërë. 8. Zgromadzë czile czasników (z tekstu i nié tëlkò), jaczé bãdą sã rzesziłë z jistnikã „mòrze”. Zapiszë je. Dopiszë do kòżdégò dalszé jistniczi i znankòwniczi: czasnik mòrze przënôszô znakownik wiôlgą jistnik zelgã 9. Òpòwiédz wëmëszloną przez Ce historiã nalézeniô sã gladisów na sztrądze. 10. Wëpiszë z Knédżi rzeczónków czile wëbrónëch, co sã rzeszą ze słowã „lato”. Chtërne z nich pasëją do nastroju tegò wëjimka? 11. Nazwij wsëczëca, jaczé ògôrniają narratora. Dopiszë do nich jesz jiné, jaczich doswiôdczô człowiek òb czas zôpadu słuńca nad mòrzã. 12. Czëtôj ostatny akapit tekstu i starôj sã Najo`` uczba - lekcjo`` 9 (19) ` ` dodôwk do „Pomeranii” najo_uczba_11_08.indd 4 2008-10-07 18:53:30 Gramatika w nim nalezc prôwdë ò żëcym człowieka w „kwiece wiekù”. Òsoblëwie skùp sã na głãbiach znaczeniów skrëtich w zapëtanim „Dożdóm sã gwiôzd?”. 13. Jaką rzeczónkã sparłãczoną z jistnikã „żëcé” mógłbë dac jakno puentã tegò wëjimka? Hana Makurôt ` ` Partikla jakno part mowë Partikla – je nieòtmieniwnym i niesamòstójnym partã mòwë, jaczi ni mô gwôsnégò znaczënkù. Partiklą mòże bëc słowò abò mòrfem. Fùnkcją partiklë w zdanim je nadawac wseczëcowé abò znaczënkòwé nacechòwanié. Mòdifikùje òna mëslã całégò zdaniô abò gwësnégò partu zdaniô. Partikla colemało nachôdô sã przed słowã, do jaczégò sã òna òdnôszô. Z semanticznégò pòzdrzatkù wëapartniwô sã nôslédné ôrtë partiklów: 1. mòdalné partiklë – wërôżają ùprocëmnienié subiektu do negò, ò czim gôdô. W òbrëmienim negò ôrtu nót je pòdzelëc partiklë na: – partiklë rozkôzënkù – niech, niech le, niechôj; – partiklë żëczbë – żebë, cobë, niechbë; – partiklë prôwdojuwernotë – bòdôj, pòdobno, gwës, gwësno, na gwës, mòże; – pëtającé partiklë – czë; – mnożné partiklë – razë; – pòcwierdzywającé partiklë – jo; – przékùjącé partiklë – nie, nié, ni, ani; 2. emòcjonalné partiklë – wërôżają wseczëcowé nacechòwanié: Jô doch to przeczëtôł! Biôj le z Bògã! Pòj le sã! Në gôdôj cos! Kò wiész, jak to je. 3. zmòcniwającé partiklë To bëło leno trzë razë. Jô nie wiedzôł le negò jednégò. Do kùńca rokù òstôł jesz miesąc. Jaż dwa dni nie bëło cebie w szkòle. Niechtërne partiklë parłãczą sã z pòprzedzającym je słowã, np. biôjże, grôjże. Òsoblëwé fùnkcje mają w kaszësczim jãzëkù partiklë: niech, -bë-, nie, nié, ni: Partikla niech – służi do ùrôbianiô fòrmów rozkôzownika 3. òsobë pòjedinczi i wielny lëczbë, np.: niech jidze, niech jidą; niech pisze, niech piszą. Partikla -bë- – służi do ùrôbianiô fòrmów zastrzigòwnika. W pòstpòzycji (pò czasnikù) partikla bë je dołącziwónô do czasnika. Do partiklë bë mògą bëc téż doparłãczóné òsobòwé kùnôszczi. Jô bë pisôł. Pisôłbëm. Jô bëm pisôł. Më bë piselë. Piselëbësmë. Më bësmë piselë. Partikla nie, nié, ni – służi do zaprzékòwniô negò, co wërôżô słowò abò rzeczenié, wprzódk jaczégò ta partikla sã nachôdô. W kaszëbsczim jãzëkù mómë trzë òrtografné wariantë przékùjący partiklë: ni – partikla ùżiwónô blós przed czasnikama miec, móc, mùszec. Partikla ni je brëkòwónô z wëmieniónyma czasnikama w jinfinitiwie (ni miec, ni móc, ni mùszec) i we wszëtczich fòrmach òtmianë, np.: jô ni móm, Dokùńczenié na str. VI Najo`` uczba - lekcjo`` 9 (19) ` ` dodôwk do „Pomeranii” najo_uczba_11_08.indd 5 2008-10-07 18:53:30 Gramatika të ni môsz, òn ni mô, òna ni mô, òno ni mô, më ni mómë, wa ni môta, òni ni mają; a téż w nieòsobòwëch fòrmach: ni ma (np.: ni ma wòdë), ni mòże (np.: tegò ni mòże zrobic), ni mùszi (np.: tam ni mùszi jic). nie – pisze sã przed wszëtczima pòòstałima czasnikama (òkróm: miec, móc, mùszec), np.: nie gadac, nie robiã, nie jidzesz, nie widzy, nie piszemë. nié – partikla ùżiwónô w fùnkcji zaprzékòwniô całégò zdaniô abò całégò rzeczeniô, a téż zaprzékòwaniô pòjedinczégò słowa niebãdącégò czasnikã (jistnika, znankòwnika, wielnika, zamiona) np.: Môsz të to zrobioné? – Nié. Jidzesz do szkòłë? – Nié, nie jidã dzysô. To nié wòda, le òdżin. Nié piãc, le dzewiãc. W pòdónym niżi teksce nalezë partiklë: Tu Czôrlińskô głosno krziknie, staje jak czej wrëtô... Rzecze: – Dosc ju! Niech pón szkólny dali mie nie czëtô; Jô tã kartã tu na miescu pòdrzã na kawałczi, Czej ten judôsz tam na réze jinszé kòchô białczi... Terô môsz!... Chto bë sã spòdzôł, że òn tak fôłszëwi, Wejle, jesz sã ji pòdobôł, ten òmóniec krzëwi! Jô doch jegò kòchóm szczerze nad wszëtkò na swiece, A òn płacy niewiérnoscą mie, biédny kòbiéce. [...] Tej pón szkólny głosno czichnął, bò zażił tobaczi, A tej rzekł: - Le dôj mù pòkù! Òn doch nie je taczi! Wa le jesta mést zôzdrosnô – mój të swiãti Bòże! – Czej gò ùscësnãła białka, czë òn za to mòże? Wierã wiész, że krew nié wòda, rãkôw nié chòlewa. Czë wej w raju i Jadóma nie skùsëła Jewa? Mòże bë i cebie czasã pòpadła gòrączka, Czejbë czule cã scësnãła jakô mãskô rączka. VI ` Uchwôlënk Radzëznë ~ Kaszëbsczégo ` Jazëka w sprawie stosowania kaszubskich imion`oficjalnych ` na literę A oraz ` ` ich zdrobnień ` ` Rada Języka Kaszubskiego proponuje stosowanie następujących kaszubskich imion oficjalnych* na literę A (kolumna II) oraz ich zdrobnień (kolumna III). Przykłady: Imię polskie Imię kaszubskie Zdrobnienie Abdon Abdón, Abdona Abdónk Abel, Abla Abel, Abla Abelk Abraham Ôbróm, Ôbrama Ôbrómk Achilles Achiles, Achilesa Ada Ada, Adë ADAM Adóm, Adama || Jadóm, Jadama Adómk || Jadómk, Adaméczk || Jadaméczk Adela Adéla, Adélë Ada, Déla, Adélka, Délka Adelajda Adélajda, Adélajdë Ada, Déla, Adélka Adolf Adólf, Adólfa Adi, Dólf Adolfa Adólfa, Adólfë Dólfa Adrian Adrión, Adriana Adriónk Adriana Adriana, Adrianë Adrianka Agapit Agapit, Agapita AGATA Agata, Agatë || Jagata, Jagatë Agaton Agatón, Agatona AGNIESZKA Agnes(a), Agnes(ë) ||Agnészka, Agnészczi || Jagnészka, Jagnészczi Gnésa, Asza, Gùsza, Agùla, Néska, Jagna Agrypin Agrëpin, Agrëpina Grëpink, Agrëpink Agrypina Agrëpina, Agrëpinë Grëpinka, Agrëpinka ALBERT Albert, Alberta Bert Alberta Alberta, Albertë Berta Gaga, Gasza, Agatka || Jagatka, Gata Najo`` uczba - lekcjo`` 9 (19) ` ` dodôwk do „Pomeranii” najo_uczba_11_08.indd 6 2008-10-07 18:53:32 Imię polskie Imię kaszubskie Zdrobnienie Albertyna Albertina, Albertinë Tin(k)a Albin Albin, Albina Bink, Albink Albina Albina, Albinë Binka, Albinka Albrecht Albrecht, Albrechta Brecht ALDONA Aldona, Aldonë Dona, Donka ALEKSANDER Aleksander, Aleksandra Aleks, Alk, Ksãder ALEKSANDRA Aleksandra, Aleksandrë Ksãdra, Alka Aleksy, -ego Aleks, Aleksa Alk, Ksãder Alfons Alfónks Alk, Alosz, Ali ALFRED Alfréd, Alfréda Fréd Alfreda Alfréda, Alfrédë Fréda ALICJA, -ji Alicjô, Alicje ALINA Imię polskie : : Klase strzedny szkołe ` Imię kaszubskie Zdrobnienie Annasz Anôsz, Anasza ANTONI, -ego Antón, Antona || Antoni, Antoniégò Antónk, Antk, Antéczk, Antoszéczk, Antósz(k), Tóna, Tónk ANTONINA Antónka, Antónczi || Antonina, Antoninë Antosza, Antoszka, Tón(k)a Anzelm Anzélm, Anzélma Zélmk Anzelma Anzélma, Anzélmë Zélm(k)a Apollo, -a || -ona || -ina Apòlo, Apòla Apolonia, -ii Apòla, Apòlë || Apòloniô, Apòlonie Pòlóna, Pòlka, Pòlësza, Pòla Ala, Aluszka, Alinka, Hala Ariadna Ariadna, Ariadnë Ariadka Alina, Alinë Alinka Arkadiusz Ark Alojza Alojza, Alojzë Liza, Ala Arkadiusz, Arkadiusza ALOJZY, -ego Alojzy, Alojzégò Lojs, Lizy, Alosz, Alo, Lizk Arnold Arnóld, Arnólda Arno Arnolda Arnólda, Arnóldë Arnóldka Amadeusz Amadéùsz, Amadéùsza Déùszk, Déò Aron Arón, Arona Arónk Amanda Amańda, Amańdë ARTUR Artur, Artura Arturk Astryda Astrida, Astridë Amelia, -ii Améla, Amélë Méla Astridka, Stridka Anastazja, -ji Stazjô, Stazje || Anastazjô, Anastazje Stazyjka, Taja, Tajka AUGUST Agùst, Agùsta Agùstk, Gùst(k), Gùstéczk Anastazy, -ego Stazy, Stazégò || Anastazy, Anastazégò Stazyjk, Stazulk, Nastk Augusta Agùstina, Agùstinë Agùstinka, Gùstka AUGUSTYN ANDRZEJ Andris, Andrisa || Andrzéj, Andrzeja Andrisk, Jãdroch, Jãdroszk Agùstin, Agùstina Agùstk, Gùst(k), Gùstéczk Augustyna Aneta Anéta, Anétë Anétka, Nétka Agùstina, Agùstinë Agùstinka, Gùstka Angelika Andżelika, Andżeliczi Dżelika, Andżela Aurelia, -ii Aùréla, Aùrélë Aùrélka AURELIAN Aniela, Anielë Anielka Aùrelión, Aùreliona Aùréliónk ANIELA Anita Anita, Anitë Anitka, Nitka ANNA Ana, Anë || Anna, Annë Anka, Anul(k)a, Nusz(k)a, Nuszeczka, Anéczka, Anusz(k)a, Anulinka * Po postaci mianownikowej, po przecinku, podaje się pełną formę dopełniacza. Najo`` uczba - lekcjo`` 9 (19) ` ` dodôwk do „Pomeranii” najo_uczba_11_08.indd 7 VII 2008-10-07 18:53:32 Krziżówczi 1 1. Dlo `` dzecy 2 1. Biôłé, do picô, òd krowë. 3 2. Òjc òjca. 3. Strôszk z marchwiowima zãbama. 4. Swiécy w nocë na niebie. 5. Pòstãpny miesąc pò lëpińcu. 4 5 6. Miticzny zwiérz, jaczi je w herbie Kaszub. 6 7. Wies, w chtërny nachôdają sã kamianné krãdżi. 7 8. Miono jednégò z pòmòrsczich ksãżąt. 9. „Kaszëbsczé jezora, kaszëbsczi ...”. 8 9 2. Dlo `` starszich 1. „Wiém, jô wiém, nie pòwiém, 1 co w ògrodze rosce, ...”. 2 2. Ten, co zaprzedôł diôbłu swòjã dëszã. 3 3. Jinaczi pùjk. 4 4. Maska panëszczi. 5. Aùtor 5 dokazu „Gôd- ka ò Januszu Skwierku, nôsławniéjszym grajkù ka- 6 szëbsczim”. 6. Fòrma deminutiwnô òd słowa 7 ptôch. 8 7. Starka, chtërna mô pòd swòją òpieką lasë. 9 8. Kaszëbsczi bóg mòrza. 9. Jezoro na Kaszëbach. 10 10. Jeden z młodoka- szëbów. 11 11. 12 Wies, òdprawionô w jaczi òstała pierwszô swiãtô mszô w kaszëbsczim jãzëkù. 13 12. Pamiątka architekturë jakô jidze nalezc w Gduńskù. 13.„Kòżdô sarna trzimô sã ...”. Zrëchtowała: Hana Makùrôt Za pòprawné òdpòwiedzë redakcjô zrëchtowała ksążkowi nôdgrodë. Najo`` uczba – edukacyjny dodôwk do „Pòmeranii” ` Redakcjô: Mark Adamkòwicz, Jiwòna Joc Kòrekta: Tomasz Fópka Skłôd DTP: Ana Dunst Stałô wespółrobòta: Daria Sëlka-Bonna (òbrôzczi), Teresa Czerwińskô, Róman Drzeżdżon, Hana Makùrôt, Janusz Mamelsczi, Aleksandra Pająk, Danuta Pioch, Lucyna Sorn VIII Najo`` uczba - lekcjo`` 9 (19) ` ` dodôwk do „Pomeranii” najo_uczba_11_08.indd 8 2008-10-07 18:53:32