Xya Hli Ntuj

T H A W J P A W G T H A W J T S W J H W M T S A B X O V, X Y A H L I N T U J 2 0 1 6
Los ntawm Thawj Tswj Hwm
Thomas S. Monson
Tso Siab Ruaj Nrees
rau Peb cov Poj Koob
Yawm Txwv txoj Kev Ntseeg
J
ohn Linford muaj 43 xyoos thaum nws thiab nws tus
poj niam, Maria, thiab nkawd peb tug tub txiav txim
siab ncaim lawv lub tsev nyob hauv Gravely, Akiv Teb,
kom mus ntau txhiab mais koom nrog Haiv Neeg Ntseeg
nyob hauv lub Hav Salt Lake. Nkawd twb ncaim tus tub thib
plaub uas ua tub txib, muag nkawd tej khoom, thiab tau
sawv kev ntawm Liverpool caij lub nkoj hu ua Thornton.
Lawv txoj kev caij nkoj mus rau New York City, thiab txoj
kev mus rau Iowa, los tsis muaj teeb meem dab tsi. Tiam
sis pib muaj teeb meem tsis ntev tom qab ntawd, tom qab
tsev neeg Linford thiab lwm tus ntawm Tsoom Haiv Neeg
Ntseeg hauv Hnub Nyoog Kawg uas caij lub nkoj Thornton
ncaim Iowa City thaum lub Xya Hli Ntuj hnub tim 15, 1856,
koom nrog James G. Willie pawg neeg cab laub.
Huab cua tsis zoo thiab txoj kev nyuaj mus ua rau ntau
tus hauv lawv pawg neeg mob heev, tsis hais John los yog.
Nws mob thiab qaug zog heev lawv thiaj li yuav tsum tso
nws hauv lub laub uas lawv cab. Txog lub sij hawm uas
pawg neeg cab laub tuaj txog Wyoming, nws yeej tsis nyob
zoo. Ib pawg cawm neeg tuaj ntawm Salt Lake City tuaj
txog thaum lub Kaum Hli Ntuj hnub tim 21, ob peb teev ua
ntej John tso lub ntiaj teb no tseg. Nws tso lub ntiaj teb no
tseg thaum sawv ntxov nyob ze ntug Dej Sweetwater.
John puas khuv xim qhov uas nws twb tso kev nyab
xeeb thiab kev yooj yim tseg kom raug kev txom nyem,
thiab tej xwm txheej nyuaj thaum coj nws tsev neeg mus
rau Xi-­oos?
Ua ntej nws tso lub ntiaj teb tseg nws qhia nws tus poj
niam hais tias, “Maria, kuv tsis khuv xim li. Kuv zoo siab
tias peb tuaj. Ntshe kuv yuav mus tsis txog Salt Lake, tiam
sis koj thiab cov tub yuav mus txog, thiab kuv tsis khuv
xim tej yam uas peb twb raug yog tias wb cov tub loj hlob
tuaj thiab tu lawv tsev neeg nyob hauv Xi-­oos.” 1
Maria thiab nws cov tub twb mus txog Salt Lake. Thaum
Maria tas sim neej 30 xyoo tom qab ntawd, nws thiab John
twb tau ua neej uas muaj kev ntseeg, kev pab lwm tus, kev
teev tiam Vajtswv, thiab kev txi.
Kev ua ib tug Neeg Ntseeg hauv Hnub Nyoog Kawg
yog kev ua ib tug pioneer, vim pioneer txhais tias, “ib tug
uas npaj los yog qhib kev rau lwm tus raws qab.” 2 Thiab
kev ua ib tug pioneer yog kev paub ua kev txi. Txawm
yog cov mej zeej ntawm lub Koom Txoos tsis tas ncaim
lawv tej tsev thiab mus rau Xi-­oos, lawv yeej yuav tsum
tso lawv tej cwj pwm, kab lig kev cai, thiab cov phooj ywg
zoo qub tseg. Ib txhia txiav txim siab tias lawv yuav tsum
tsis txhob tham ntxiv nrog cov nyob hauv lawv tsev neeg
uas tsis pom zoo rau lawv ua mej zeej hauv lub Koom
Txoos. Tiam sis cov Neeg Ntseeg hauv Hnub Nyoog Kawg
yeej mus tom ntej, thiab thov Vajtswv tias cov uas lawv
hlub yuav to taub thiab lees txais lawv.
Txoj kev ua ib tug pioneer yeej tsis yooj yim, tiam sis
peb coj raws li tus Pioneer zoo tshaj plaws—tus Cawm
Seej—uas mus ua ntej, uas qhia peb tias peb yuav tsum
taug txoj kev twg.
Nws caw peb hais tias, “Los nrog kuv mus.” 3
Nws hais tias, “Kuv yog txoj kev, qhov tseeb thiab yog
txoj sia.” 4
Nws hais tias, “Los cuag kuv.” 5
1
teb no tseg lawm thiab yog cov zoo li cov neeg pioneer.
Ces nug lawv seb thaum twg lawv zoo li cov pioneer
thiab tau npaj txoj kev rau lwm tus. Cia li caw lawv xav
txog tej lub sij hawm thaum lawv ua kev txi thiab vim li
cas tsim nyog lawv tau ua li ntawd. Ces koj hais tau kom
lawv sau lawv zaj lus tim khawv txog “tus Pioneer zoo
tshaj plaws,” tus Cawm Seej.
Txoj kev no tej zaum yuav sim peb lub siab. Nyuaj
rau tej tug nyiaj tau tej lus thuam thiab lus cem ntawm
cov neeg tsis txawj ntse uas thuam kev coj dawb huv,
kev ua siab ncaj, thiab kev ua raws li Vajtswv tej lus txib.
Neeg ntiaj teb yeej thuam tib neeg uas ua raws li lawv
tej lub ntsiab cai. Thaum Vajtswv qhia Nau-­as ua ib lub
nkoj, cov pej xeem tau ntsia saum ntuj tsis pom cov huab
thiab thuam thiab cem—mus txog thaum ntuj los nag.
Nyob hauv thooj av teb chaws Amelikas puag thaum
ub, tib neeg ua xyem xyav, sib cav, thiab tsis mloog lus
mus txog thaum hluav taws ua rau lub nroog Xalahelas
kub hnyiab tag, cov av npog lub nroog Maulaunaihas,
thiab cov dej nyab lub nroog Maulaunais. Tsis tau muaj
kev thuam, kev saib tsis taus, kev plees kev yig, thiab kev
txhaum ntxiv. Tsuas muaj kev nyob ntsiag to thiab kev
tsaus ntuj nti. Vajtswv twb tsis ua siab ntev lawm, twb
muaj raws li Nws teem sij hawm lawm.
Maria Linford yeej tsis tau tso nws txoj kev ntseeg tseg,
txawm yog nws raug tsim txom nyob hauv Akiv Teb, nws
txoj kev taug mus rau “qhov chaw uas Vajtswv . . . tau
npaj,” 6 thiab tej kev sim siab uas nws nyiaj kom dhau thiaj
pab nws tsev neeg thiab lub Koom Txoos.
Thaum xyoo 1937 thaum ua kab ke kom nco txog Maria
nyob ntawm nws lub ntxa, Txwj Laug George Albert Smith
(1870–1951) nug Maria cov xeeb leej xeeb ntxwv: “Nej
puas txaus siab tso siab ruaj nrees rau nej cov poj koob
yawm txwv txoj kev ntseeg? . . . Cia li rau siab ua neeg
tsim nyog kom txais tau tag nrho tej yam uas [lawv] tau
ua rau nej.” 7
Thaum peb siv zog txhim tsa Xi-­oos nyob hauv peb lub
siab, peb tej koog zej zog, thiab hauv peb lub teb chaws,
thov kom peb nco txog kev ua siab loj thiab kev ntseeg
ntawm cov uas siv lawv dag zog tag nrho kom peb yuav
txais tau cov koob hmoov los ntawm txoj moo zoo uas
raug muab txum tim rov qab los, uas muab kev cia siab
thiab kev cog lus rau peb dhau los ntawm Yexus Khetos
txoj Kev Theej Txhoj.
COV HLUAS
Tso Siab Ruaj Nrees rau Kev Ntseeg
T
hawj Tswj Hwm Monson hais ib zaj dab neeg txog
ib tsev neeg pioneer ces hais ib zaj lus los ntawm
Thawj Tswj Hwm George Albert Smith: “Nej puas yuav
ua neej raws li nej cov poj koob yawm txwv txoj kev
ntseeg? . . . Cia li rau siab ua neeg tsim nyog kom txais
tau tag nrho tej yam uas [lawv] tau ua rau nej.” Txawm
koj cov poj koob yawm txwv yog cov neeg pioneer los
sis koj yog thawj tus mej zeej ntawm lub Koom Txoos
hauv koj tiam neeg, koj puas nrhiav cov uas coj yam
ntxwv txog kev ntseeg kom koj paub coj li cas thiab
kom koj muaj zog? Nov yog ib txoj ke uas koj siv tau
kom pib:
1. Sau ntawv txog ib co neeg uas koj qhuas. Tej zaum
lawv yog koj tsev neeg (tam sim no los sis yav tas los),
phooj ywg, cov thawj coj hauv lub Koom Txoos, los sis
cov neeg uas nyob hauv vaj lug kub.
2. Cia li sau tias lawv muaj tej cwj pwm twg uas koj
nyiam. Koj niam puas ua siab ntev tiag? Tej zaum koj tus
phooj ywg ua siab zoo rau lwm tus. Tej zaum koj nyiam
tus Thawj Tub Rog Maulaunais txoj kev ua siab loj.
3. Cia li xaiv ib tug cwj pwm los ntawm tej uas koj
sau thiab nug koj tus kheej, “Kuv yuav ua li cas kom tau
tus cwj pwm no? Kuv yuav tsum ua li cas kom muaj li no
nyob hauv kuv lub neej?”
4. Sau koj tej lub tswv yim kom muaj tus cwj pwm
no thiab tso rau ib qho chaw uas yuav yooj yim rau koj
pom ntau, kom koj nco txog koj lub hom phiaj. Cia li
thov Leej Txiv Saum Ntuj Ceeb Tsheej kom pab koj thiab
siv sij hawm txhua hnub seb koj ua zoo li cas. Thaum
koj xav tias koj twb coj cwj pwm no zoo txaus lawm,
koj xaiv tau ib tug cwj pwm tshiab.
Cia li nco qab tias thaum peb kawm coj cwj pwm
zoo, tsis yog peb saib taus peb cov poj koob yawm txwv
txoj kev ntseeg thiab lawv tej kev txi xwb, tiam sis peb
kuj coj yam ntxwv zoo rau lwm tus uas nyob ib puag
ncig peb thiab.
LUS CIM
1. Saib Andrew D. Olsen, The Price We Paid (2006), 45–46, 136–37.
2. The Compact Edition of the Oxford English Dictionary (1971), “pioneer.”
3. Lukas 18:22.
4. Yauhas 14:6.
5. Yauhas 7:37; kuj saib 3 Nifais 9:22.
6. “Los, Los cov Ntseeg,” Cov Nkauj Qhuas Vajtswv, zaj 15.
7. Saib Olsen, The Price We Paid, 203–4.
QHIA LOS NTAWM TSAB XOV NO
Cia li xav seb puas xav hais cov uas koj qhia kom xav
txog cov neeg hauv lawv lub neej uas tau tso lub ntiaj
2
COV ME NYUAM
Koj Yog Ib tug Pioneer Thiab!
P
ioneer yog cov neeg uas npaj txoj kev rau lwm tus.
Cia li teeb ib daim duab los yog nrhiav duab txog
koj ib tug poj koob yawm txwv. Koj puas nrhiav tau
ib zaj dab neeg txog qhov uas lawv tau ua li cas kom
npaj tau txoj kev rau koj taug? Cia li sau ob txoj kev
uas koj ua tau kom ua ib tug pioneer niaj hnub nim no.
Koj qhia tau koj tej lub tswv yim thaum koj muaj tsev
neeg hmo ua ke!
© 2016 los ntawm Intellectual Reserve, Inc. Ceev txhua txoj cai. Luam tawm
hauv Teb Chaws Amelikas. Pub luam tawm ua lus Akiv: 6/16. Pub txhais ua
lus Hmoob: 6/16. Kev txhais First Presidency Message, July 2016. Hmong.
12867 295
3
C O V M U S S A I B X Y U A S T O M T S E V T S A B X O V, X Y A H L I N T U J 2 0 1 6
Peb txoj Kev Muaj Peev Xwm
Ua Niam Ua Txiv Tsev
Kev Ntseeg,
Tsev Neeg, Kev Pab
Ua tib zoo thov Vajtswv kawm tej yam no thiab nug seb koj yuav tsum qhia dab tsi. Qhov
uas koj to taub “Tsev Neeg: Ib zaj Lus Tshaj Tawm rau lub Ntiaj Teb” yuav ua li cas kom koj
txoj kev ntseeg Vajtswv loj zuj zus thiab foom koob hmoov rau cov uas koj mus saib xyuas
tom tsev? Kom tau ntaub ntawv xov xwm ntxiv, cia li txuas rau reliefsociety.lds.org.
T
xwj Laug Dallin H. Oaks ntawm
Pawg Kaum Ob tug Thwj Tim
qhia hais tias, “Vajtswv cov me
nyuam ntsuj plig yuav tsum yug los
hauv lub ntiaj teb thiab muaj cib fim
kom huaj vam mus rau txoj sia nyob
mus ib txhis. Vim peb paub txog
lub hom phiaj ntawm txoj hau kev
zoo siab, kuv ntseeg tias tej yam uas
muaj nqi loj tshaj plaws nyob hauv
lub ntiaj teb thiab saum ntuj ceeb
tsheej yog peb cov me nyuam thiab
peb cov xeeb leej xeeb ntxwv.” 1
Txwj Laug Neil L. Andersen
ntawm Pawg Kaum Ob tug Thwj
Tim hais tias:
“Peb ntseeg tias kev muaj tsev
neeg thiab kev muaj me nyuam
yeej yog ib qho zoo. . . .
“‘. . . Vajtswv tau hais rau [Adas
thiab Evas], Neb cia li muaj tub
muaj ki coob, neb tej xeeb leej xeeb
ntxwv thiaj li yuav huam vam mus
nyob thoob plaws ntiaj teb’ [Chiv
Keeb 1:28]. . . .
“Nyob hauv Yexus Khetos lub
Koom Txoos ntawm Tsoom Haiv
Neeg Ntseeg hauv Hnub Nyoog
Kawg peb yeej tsis tau tso txoj lus
txib no tseg.” 2
Txawm muaj ib txhia uas tsis
yog niam tsis yog txiv nyob hauv
lub neej no, peb yeej tu tau cov me
nyuam tsis hais lawv muaj hnub
nyoog li cas los yog. Peb tau cov
koob hmoov uas los ntawm qhov
uas peb yog Leej Txiv Saum Ntuj
Ceeb Tsheej tsev neeg, thiab peb
muaj kev xyiv fab thiab raug tej kev
sim siab vim peb muaj ib tsev neeg
nyob hauv lub ntiaj teb. Thiab, neeg
coob yuav ua niam tsev txiv tsev
mus ib txhis thaum yav tom ntej.
Vaj Lug Kub Ntxiv
Phau Ntawv Nkauj 127:3; Mathais
18:3–5; 1 Nifais 7:1; Mauxes 5:2–3
Zaj Dab Neeg uas Muaj Sia
Txwj Laug Andersen hais tias,
“Muaj ntau tus neeg nyob hauv
lub ntiaj teb no uas hais tias qhov
uas yus muaj me nyuam tsis tshua
tseem ceeb los sis hais tias yuav
tsum tos kom muaj ib tsev neeg los
sis tsis muaj me nyuam ntau heev.
Tsis ntev tas los kuv cov ntxhais
tau qhia kuv txog ib qho blog uas
ib tug niam tsev ntseeg Khetos (tsis
yog ntseeg li peb) uas muaj tsib
tug me nyuam. Nws hais tias: ‘[Yog
yus loj hlob] nyob hauv kab lig kev
cai no, yeej nyuaj saib kev ua niam
tsev zoo li cov neeg hauv phau Vaj
Lug Kub Npaiv Npaum saib. . . .
Cov me nyuam tsis tseem ceeb
npaum li kev kawm ntawv qib
siab. Tsis tseem ceeb npaum li
kev ncig mus ua si hauv lub ntiaj
teb. Tsis tseem ceeb npaum li kev
mus ua si thaum tsaus ntuj raws
li yus lub siab nyiam. Tsis tseem
ceeb npaum li kev dhia cev hauv
lub tsev qoj cev. Tsis tseem ceeb
npaum li ib txoj hauj lwm uas yus
muaj los sis xav muaj.’ Ces nws
hais tias: ‘Kev ua niam tsev tsis
yog ib qho yus lam ua xwb, yog
ib qho hauj lwm. Tsis yog yus
khaws cov me nyuam vim yus xav
tias lawv ntxim hlub dua tej daim
nqi xa ntawv. Tsis yog ib qho yus
ua tau yog yus muaj sij hawm ua
xwb. Yeej yog qhov uas Vajtswv
twb pub sij hawm rau yus ua.’” 3
LUS CIM
1. Dallin H. Oaks, “The Great Plan of
Happiness,” Ensign, Kaum Ib Hlis Ntuj
1993, 72, 75.
2. Neil L. Andersen, “Children,” Liahona,
Kaum Ib Hlis Ntuj 2011, 28.
3. Neil L. Andersen, “Children,” 28.
Xav Txog Qhov No
Peb tsev neeg nyob hauv lub
ntiaj teb no zoo li peb tsev neeg
nyob saum ntuj li cas?
© 2016 Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Akiv: 6/16. Pub txhais ua lus Hmoob: 6/16.
Kev txhais Visiting Teaching Message, July 2016. Hmong. 12867 295