Pobierz tekst - Akademia Bajki Kaszubskiej
Transkrypt
Pobierz tekst - Akademia Bajki Kaszubskiej
Najpiękniejsze bajki i baśnie kaszubskie część 4 Czyta: Ewa Warmowska oprac. Grzegorz J. Schramke Ò tim, jak wilk z człowiekã chcôł sã spróbòwac Spòtkôł rôz wilk lësa, i mù rzekł: – Lësu, të wiész, że jô jem mòcny. Jô bë le sã chcôł rôz z człowiekã spróbòwac, chto je mòcniészi, ale jô nie wiém, chto to je człowiek. A lës mù rzekł: – Pùdzemë w krze nad drogą, to ce powiém, chto to je człowiek. Jak òni w tich krzach sedzelë, tej szło jedno dzéwczątkò, a wilk sã pitô: – Lësu, je to człowiek? A lës rzekł: – Nié, to le jesz bãdze człowiek. Za sztërk szedł stôri chłop przë krëkwi, a wilk sã zôs pitô: – Je to człowiek? – Nié, to ju béł człowiek. Jak òni jesz sztërk żdalë, tej szedł młodi lesny z flintą, a lës rzekł: – Wilkù, to je człowiek. Terô mòżesz sã z nim spróbòwac. Jak òn to rzekł, tak wilk zarô sënął prosto na lesnégò, ale lesny wzął i wpôlił mù z flintë, le gò nie zabił, bò miôł szrót na ptôchë. A pòtemù jesz kòlbą mù przësmarowôł, tak że wilk mùszôł ùcékac. Jak òn przëszedł, tej lës gò sã spitôł: – Në, chtëż je mòcniészi, të czë człowiek? A wilk rzekł: – Widzysz lësu, jak wëzdrzi mój łeb, jednak człowiek je mòcniészi òd mie. www.akademiabajkikaszubskiej.pl 8