Wuknjemy serbsce 2 - WITAJ

Wuknjemy serbsce 2
Za serbšćinu – cuzorěčnu wučbu předleži z dźěłowej knihu za 2. lětnik dalši material noweho
rjadu Wuknjemy serbsce.
Za wučerja podamy tu wšitke teksty z CD.
CD 1
Tu je Anja. Wona praji: Dobre ranje!
Tam je Jan. Jan praji: Witaj!
CD 2
Dobre ranje! Ja rěkam Jan.
Ja sym hólc.
Kak ty rěkaš?
Halo! Ja rěkam Anja.
Ja sym holca.
A kak ty rěkaš?
CD 3
To su Jan, Anja a Minka.
Jan ma bul. Anja nima bul. Wona ma roler.
Tam je Minka. Minka ma myšku.
CD 4
Anja, Tina a Pia su doma. Wone su wonka.
Anja ma klanku a barika. Klanka je nowa. Klanka ma čerwjeny šat.
Pia nima klanku. Pia ma knihu. Kniha je bruna.
Tina ma klanku a gameboy.
CD 5
To su Jan, Tim a Toni.
Woni maja kolesa. Jan ma nowe koleso. Koleso je zelene.
Toni ma módre koleso.
Tim ma bul. Bul je nowy.
CD 6
To je Tina. Tina je holca.
Tina ma klanku. Klanka je čerwjena.
Tu je Pia. Pia ma knihu. Je kniha módra?
Tam je Jan. Jan je hólc.
Jan ma koleso. Koleso je nowe.
To je Anja. Anja je holca. Ma Anja koleso?
Tu je Toni. Toni ma barika. Barik je bruny.
CD 7
Tu bydla Anja, Jan, nan, mać, wowka a dźěd.
Tam je Anja. Anja je wonka. Wona ma klanku a barika.
Wowka njeje wonka. Wona je w domje.
To je mać. Wona ma knihu. Kniha je nowa.
Tu je Jan. Jan ma bul. Bul njeje nowy.
Tam je nan. Nan ma traktor. Je traktor bruny?
1
CD 8
To je moja rjadownja. Wona je rjana. W rjadowni steja blida.
Tu je tafla. Tafla je wulka. Wona wisa w rjadowni.
Tafla je zelena.
Tam steji kamor. Kamor je wulki. W kamorje su knihi.
W rjadowni steji papjernik. Papjernik je bruny.
Što steji a što wisa w rjadowni?
CD 9
To je moja rjadownja. W rjadowni steji blido.
Tam je tafla. Tafla je wulka.
Wona wisa w rjadowni. Tam steji kamor.
Kamor je bruny. W kamorje su knihi.
CD 10
To je Anja. Anja ma rjanu tobołu. Toboła je módra.
W njej su knihi a zešiwki.
Na blidźe je pjerowka. Pjerowka je módra. Tam su tež barbjenčki, knihi,
zešiwki, wołojnik a drapak.
Anja ma žołty lineal a čerwjeny pjelnjak. Wona ma tež lěpk a nožicy.
CD 11
To je Jana. Jana moluje.
Wona moluje awto.
Awto je módre.
Što Jana moluje?
To je Tom. Tom pasli. Tom pasli masku.
Tom ma nožicy a lěpk.
Što Tom pasli?
To je Toni. Toni pisa.
Toni pisa na taflu. Tafla je zelena.
Toni ma krydu.
Što pisa Toni na taflu?
CD 12
jedyn, dwaj, tři, štyri, pjeć, šěsć, sydom, wosom, dźewjeć, dźesać
CD 13
jědnaće, dwanaće, třinaće, štyrnaće, pjatnaće, šěsnaće, sydomnaće,
wosomnaće, dźewjatnaće, dwaceći
CD 14
Tu je Anja. Wona ma rjanu drastu.
Anja ma nowu bluzu. Wona je pisana.
Suknja je módra.
Anja ma tež nowe cholowy. Cholowy su čorne.
CD 15
To je Jan. Wón ma rjanu drasta.
Jan ma nowe cholowy. Cholowy su brune.
Jan ma rjany čerwjeny pulower. Pulower je tež nowy.
Tam je běły pulower. Wón njeje nowy.
Na kamorje wisa košla. Wona je zelena.
W kamorje wisa tež rjany anorak.
CD 16
Moje ćěło
To je hłowa.
2
To je nós.
To je huba.
To je wóčko.
To je wucho.
To su włosy.
To je šija.
To je brjuch.
To je ruka.
To je porst.
To je noha.
To je koleno.
To su palcy.
To je chribjet.
CD 17
Ja rěkam Beata. Mam rjane brune włosy. Moje cholowy su módre.
Ja rěkam Fabian. Ja mam wulki nós. Moja košla je žołta.
Ja rěkam Toni. Mam zelenej woči. Moja huba je wulka.
Ja rěkam Katja. Ja mam čorne włosy. Moje cholowy su čerwjene.
CD 18
Na burskim statoku
Tu bydli naša swójba. My mamy wulki dwór.
Na dworje je wjele zwěrjatow.
Tam su kokoše, ćipki a honač. Honač je pisany.
Ćipki su žołte. Tež swinje, nukle, kruwy a konje su na dworje.
Tam je kóčka. Wona je čorna.
Mamy tež bruneho psyka. Wón rěka Belo.
CD 19
Ja sym Tina. To je pola nas doma. Mamy swinje, nukle, kruwy,
konje a dwaj psykaj.
Tam su kruwy. Kruwy su wonka. Kelko kruwow to je?
CD 20
Anja, Jan a mać su w zwěrjencu.
Tam su 3 elefanty. Elefanty su wulke. Wone maja wodu.
Tu su nopawy. Wone njejsu wulke. Nopawy su na trawje.
W zwěrjencu su tež wopicy. Wopicy su brune.
Kelko wopicow to je?
CD 21
Je nalěćo.
Słónco rjenje swěći.
Na łuce su rjane kwětki. To su tulpy, krokusy, narcisy a sněhowki.
Jan je wonka. Wón kolesuje.
Anja je tež wonka. Wona ma bul.
Je Minka tež na łuce?
CD 22
Je lěćo.
Słónco rjenje swěći.
Łuka je zelena. Na łuce su rjane pisane kwětki.
Anja, Jan a psyk su wonka. Jan ma bul.
A što čini Anja? Wona so čumpa.
W lěću so dźěći tež rady kupaja. To je wulke wjeselo.
Tam je Tina. Wona liza lód. Hmmm, lód je dobry!
3
CD 23
Je nazyma.
Wětřik sylnje duje. Lisćo pada ze štoma.
Kajke je lisćo? Lisćo je pisane.
Anja ma zmija. Zmij ma rjanej woči a čerwjenu hubu.
Tu je Jan. Wón pyta hriby. Hriby su brune.
Znaješ hriby?
CD 24
Je zyma.
W zymje so sněži. Sněh je běły.
Jan twari sněhoweho muža. Sněhowy muž ma wulki čerwjeny nós a čornej
woči. Tam je Anja. Wona ma sanje. Anja sankuje.
W zymje dźěći tež rady sněhakuja. To je wulke wjeselo!
CD 25
Ptači kwas
W januarje maja ptački kwas.
Sroka a hawron kwasujetaj. Stajamy taler na wokno.
Ptački darja nam pječene sroki a hněžka.
To so dźěći wjesela.
CD 26
Dźěći swjeća póstnicy. To je wulke wjeselo.
Anja je princesna. Wona ma rjany šat.
Jan je cowboy a Tim je pirat.
Tom je pčołka. Dana je law a Tina je kuzłarka.
Feliks je clown a Pia je kóčka.
Dźěći maja pisane balonki.
Tam steja tež pampuchi. Hmmm, pampuchi jara słodźa.
CD 27
W nalěću su jutry.
Jan pyta jutrowne jejka. Jejka su pisane.
W hněžku su 4 jejka. Tež zajac z šokolady je w hněžku.
Na łuce su rjane kwětki. To su tulpy, krokusy a narcisy.
Tam je jehnjatko. Wone je běłe.
Widźiće bruneho zajaca?
CD 28
Anja ma narodniny. Wona so wjeseli.
Jan dari knihu. Wowka dari klanku.
Tina gratuluje tež k narodninam. Wona ma dar.
Tina praji: „Wjele zboža k narodninam!“
A štó dari kwěćel?
CD 29
Swjećimy hody.
Mamy rjany hodowny štom. Na štomje su kule a swěčki. Kule su
pisane. Na kamorje steji rjana pyramida.
Tu je rumpodich.
Wón ma za Anju a Jana dary. Za Anju ma nowu knihu.
Janej dari rumpodich nowe awto. Awto je módre. Jan so jara wjeseli.
4