Serbski ludowy ansambl we Łužicy po puću
Transkrypt
Serbski ludowy ansambl we Łužicy po puću
NOWINARSKE WOZJEWJENJE Hóstna hra w Čornym Chołmcu: Serbski ludowy ansambl we Łužicy po puću Gala-program a serbska powěsć slubitej zajimawy kónc tydźenja połny tradicijow Budyšin, 11. meja 2011 „Krasna družka Łužica“ - k tutemu programej přeprošuje Serbski ludowy ansambl sobotu, dnja 4. junija 2011, w 19.00 hodź. na dwór Krabatoweho młyna w Čornym Chołmcu. Balet, chór a orchester SLA předstajeja njezabyte kompozicije z pjeć lětdźesatkow folkloristiskich chłóšćenkow. Klasikarjo: Program wobsahuje na tutym wječoru rejwansko-spěwne sceny „Zwony“, „Jański swěźeń“, „Dolnoserbski kwas“ a reje kaž „Dwuskokowa“ abo „Reja čołmarjow“. We wuskim zhromadnym dźěle ze serbskimi komponistami, mjez druhim z Janom Bulankom, Alfonsom Jancu, Detlefom Kobjelu a Janom Cyžom nasta hudźbny program, kotryž budźe pola přihladowarjow hłuboke zaćišće zawostajić. Kreatiwny tworićel: Dołholětny šefchoreograf SLA, Juraj Kubánka, stwori rejwanske sceny za tute předstajenje. Domizna Krabata Potajnstwo Čorneho młyna ma so njedźelu, dnja 5. junija 2011, rozrisać. Při kuzłarskim młynje w Čornym Chołmcu prezentuja balet a band SLA w 16.00 hodź. rejwanu bajku za dźěći po motiwach knihi Otfrieda Preußlera: Rjek ludoweje powěsće je syrota Krabat, kotryž chce pola Čorneho młynka wučbu nastupić. Tutón wobsedźi wulku kuzłansku knihu – koraktor – z kotrejž da so swět wobknježić. Čorny młynk zakuzła swojich młynskich wučomnikow prawidłownje do čornych rapakow, zo njebychu potajnstwo wuslědźili a da kóžde nowolětne ranje něšto złeho stać. Přez kubołćika, kotryž je jenož za publikum widźomny, so małe a wulke přihladowarjo do jednanja zapřijeja. Zhromadnje z Krabatom dožiwiće mnoho dyrdomdejstwow, doniž njeje móc Čorneho młynka přewinjena. Kulinariski poskitk: Na wobejoch dnjach móžeće sej butřankowe plincy, grilowane kołbaski a mjaso a wjele dalšich „Krabatowych specialitow“ w burskej stwi słodźeć dać. „Krasna družka Łužica“ sobotu, dnja 4. junija 2011, w 19.00 hodź. Zastup 12,- €, potuńšene 8,- €, za skupiny wot 20 wosobow sem płaći kartka 10,- € na wosobu. KRABAT abo Potajnstwo Čorneho młyna njedźelu, dnja 5. junija 2011, w 16.00 hodź. Zastup 8,- €, potuńšene 6,- €, swójbna kartka 25,- €. Zastupne lisćiki dóstanjeće w gmejnskim zarjedźe Čorny Chołmc (035722 / 91257), w Serbskim ludowym ansamblu a při dnjowej resp. wječornej pokładni. http://www.sne-gmbh.com Pressekontakt: Thomas J. Durgeloh, Tel: (0)3591 – 35 81 08, Fax: (0)3591 – 53 19 686, E-Mail: [email protected]