07-09 Stwortk zahaji so folklorny festiwal
Transkrypt
07-09 Stwortk zahaji so folklorny festiwal
Domowina, Postplatz 2/Póstowe naměsto 2, 02625 Bautzen/Budyšin Nowinska/casnikarska informacija Presseinformation datum: 09.07.2013 telefon: 550-202 wobdźěłarka: B. Felberowa e-mail: [email protected] Přeprošenje na X. mjezynarodny folklorny festiwal „Łužica“ Štwórtk zahaji so w Budyšinje X. mjezynarodny folklorny festiwal „Łužica“ 2013. Něhdźe 600 sobuskutkowacych předstajeja ludowe reje a hudźbu dnja 11. julija w Budyšinje, dnja 12. julija w Hochozy a dnja 13. a 14. julija w Chrósćicach. Programy wuhotuja kulturne čelesa z dźesać krajow. Nimo serbskich a dwurěčnych ansamblow wšěch drastowych regionow Łužicy su to: O'Shea-Ryan Irish Dancers z Awstralskeje, Les Mutins de Longueuil z Kanady, Ayarik z Jakutiskeje, Regionalny Zespół Pieśni i Tańca Kaszuby z Pólskeje, Folklorny ansambl Jurošik ze Słowakskeje, Chorwatska folklorna skupina Poljanci z Gradźišća w Awstriskej, Hanácký národopisný soubor Olešnica Doloplazy z Čěskeje republiki, „Martenica“ z Madźarskeje kaž tež balet Zebola a hudźbna skupina Ndungu Kina (Kongo/Němska). Kartki za zahajenski program w Budyšinje su jenož w Němsko-Serbskim ludowym dźiwadle a při wječornej kasy Na Hrodźe na předań. Kartki za programy w Hochozy předawaja so jenož tam. Kartki za zarjadowanja w Chrosćicach su hač do pjatka w předpředani pola časnikarja Njeka w Chrósćicach a w Budyskej Serbskej kulturnej informaciji na předań. štwórtk, dnja 11. julija: Předsyda Domowiny Dawid Statnik a předsyda přihotowanskeho wuběrka Marko Kowar witataj wukrajne ansamble štwórtk w 17 hodź. před a w Serbskim domje (fotowy termin). 18 hodź. podadźa so woni w swjedźenskim ćahu po měsće - přez Bohatu hasu a Hłowne torhosćo - na Hród, hdźež so po postrownych słowach Budyskeho wyšeho měšćanosty Christiana Schramma a Dawida Statnika w 19.30 hodź. zahajenski program lětušeho jubilejneho festiwala započnje. Telefon: (03591) 550 100, Fax: (03591) 424 08 • Internet: www.domowina.de, E-Mail: [email protected] 1 Bank: Deutsche Bank, Konto-Nr.: 6123269, BLZ 87070000 • Steuernr.: 204/140/02774 Pjatk, dnja 12. julija zeznaja wukrajne ansamble Delnju Łužicu. We 18.30 hodź. započnu so programy wukrajnych a łužiskich ansamblow w Hochozy z hudźbu, rejemi a regionalnymi specialitami na wjacorych burskich dworach. Sobotu, dnja 13. julija w 13 hodź. zahaji so program na jednym Chróšćan statoku a w 16 hodź. wustupja dźěćace a młodźinske skupiny z Łužicy. Sobotu w 14.30 hodź. su zajimcy a žurnalisća přeprošeni na folklorny sympozij na temu „Organizaciske struktury rejowarskich skupin a folklornych ansamblow” do „Jednoty” (barowy rum). Na nim wobdźěli so tohorunja předsyda Domowiny Dawid Statnik. časowy plan: - 14:30 witanje referenta Domowiny za kulturu a wukraj Clemensa Škody, zawod do tematiki - předstajenje Domowiny a předstajenje dźěłowych wobłukow refarata za wukraj - Marinov – SFAW (Wudwor) (předstajenje, wopisanje struktury dźěwałosće) - Ideja Zwjazka Serbskich Folklornych skupin - Gabriel Krawc – SRSS (Smjerdźaca) – předstajenje/jězby do wukraja (10 min.) - wukrajna kulturna skupina – tamniša organizacija folklornych ansamblow - wukrajna kulturna skupina – tamniša organizacija folklornych ansamblow - prašenja na skupiny - 16:00 kónc Wot 19 hodź. hudźi, spěwa a rejuje so na šěsć statokach, hdźež poskićuja stajnje tež kulinariske wosebitosće. Mjezynarodna party „Chróšćan specialita” započnje so w 23 hodź. Njedźelu, dnja 14. julija, su wěriwi w 10.30 hodź. na Božu mšu na swjedźenskej łuce přeprošeni. W 11.30 hodź. zaklinči tam dujerska hudźba a wotewrja so wiki tradicionalneho rjemjesła. Po witanju čestnych hosći přez předsydu Domowiny Dawida Statnika (12 hodź., jenož po přeprošenju) započnje so w 13 hodź. při wjacezaměrowej hali „Jednota” swjedźenski ćah po Chrósćicach, kiž wjedźe hač k swjedźenskej łuce při pomniku. Tam wustupja wot 14 hodź. ansamble z Łužicy a wot 15.15 hodź. pokazuje Serbski ludowy ansambl „Serbske reje”. W 16 hodź. zahaji so wulke festiwalne finale, w kotrymž hišće raz wšě wukrajne skupiny z wjace hač 300 wuměłcami sobuskutkuja. dalše informacije pod www.folklorefestival-lausitz.de akreditowanje medijow pola nowinskeje rěčnicy domowiny ([email protected]) 2