čo. 4 SWOJEHO WUŽITKA NJEHLADAĆ - WITAJ
Transkrypt
čo. 4 SWOJEHO WUŽITKA NJEHLADAĆ - WITAJ
słowo tydźenja SWOJEHO WUŽITKA NJEHLADAĆ a) druhim njesebičnje pomhać b) jenož na sebje myslić c) šelhawje hladać Prawa je wotmołwa a. Jeli njehladaš při něčim swojeho wužitka, njemysliš na sebje a swoje lěpšiny, ale pomhaš druhemu bjez wuměnjenjow. Takle móžeš to tež prajić: pomocliwy, njesebičny, dobroćiwy, miłosćiwy Připódla prajene: Wobsteji tež rěčny wobrot „swojeho wužitka hladać“, štož ma napřećiwny woznam, mjenujcy zo mysliš najprjedy na sebje a potom hakle na druhich. Powšitkownje wužiwa so słowo „wužitk“, jeli maš abo nimaš z něčeho swój wužitk abo swojeho wužitka. Přikłady z rěčneho korpusa: Lubosć so njechwali, njehordźi so; nječini, štož so njesłuša, njehlada swojeho wužitka, pase so hněwa, njebjerje za zło; njewjeseli so z njesprawnosće, ale raduje so, hdyž prawda dobywa. (Swjate pismo Noweho Zakonja, Budyšin 1966) www.recny-centrum-witaj.de Słowo tydźenja je z pjera Lubiny Hajdukoweje. čo. 4