Mloog Vajtswv Lus koj thiaj Muaj Sia Nyob Mus Ib Txhis
Transkrypt
Mloog Vajtswv Lus koj thiaj Muaj Sia Nyob Mus Ib Txhis
Mloog Vajtswv Lus koj thiaj Muaj Sia Nyob Mus Ib Txhis Vajtswv zoo li leej txiv uas muaj kev hlub heev. 1 Petus 5:6, 7 Vajtswv yog tus Tswv Tsim, thiab nws yeej mob siab peb. Ib leej txiv uas muaj kev hlub thiab muaj tswvyim, yeej cob qhia nws tej menyuam. Ib yam li ntawd, Vajtswv yeej cob qhia kom sawvdaws paub ua lub neej zoo thiab. Vajtswv muab qhov tseeb nthuav los qhia peb, kom peb thiaj muaj kev vam khom thiab kev zoo siab. Yog tias koj mloog Vajtswv lus, nws yuav tsom kwm thiab tiv thaiv koj. Nws yuav pab kom koj paub tu koj tej teeb meem. Tsis tas li ntawd xwb, koj yuav tau nyob mus ib txhis thiab! Phau ntawv no tsis yog luam los muag yuav nyiaj. Phau ntawv no tau luam tawm los pab tibneeg thoob qab ntuj kawm phau Vajlugkub uas yog txhawb los ntawm cov nyiaj pub dawb. Yog xav pub nyiaj siab dawb, mus rau hauv www.jw.org/hmn. Yog tias tsis pom qhia, cov Nqe uas sau cia rau hauv phau ntawv no yog los ntawm phau Vajtswv Txojlus Txhais Tshiab Xyoo 2004. Mloog Vajtswv Lus koj thiaj Muaj Sia Nyob Mus Ib Txhis Listen to God and Live Forever Luam Lub 3 Hlis Xyoo 2016 Hmong (White) (ll-HM) 5 2011 WATCH TOWER BIBLE AND TRACT SOCIETY OF PENNSYLVANIA Publishers Watchtower Bible and Tract Society of New York, Inc., Wallkill, New York, U.S.A. Made in the United States of America Peb Yuav Mloog Vajtswv Lus Li Cas? SAB 4 Tus Tseem Vajtswv Yog Leejtwg? SAB 6 Lub Neej Hauv Lub Vaj Kaj Siab Zoo Li Cas? SAB 8 Tom Qab Nkawd Mloog Xatas Lus Ua Li Cas Lawm? SAB 10 Thaum Dej Dag Nyab, Leejtwg Thiaj Mloog Lus Xwb? SAB 12 Vajtswv hais tias: “Los cuag kuv. Cia li mloog kom nej . . . thiaj li ciaj sia nyob.” Yaxaya 55:3 Kawm Los Ntawm Dej Dag Nyab Ntiajteb SAB 14 Yexus Yog Leejtwg? SAB 16 Yexus Txojkev Tuag Pab Tau Koj Li Cas? SAB 18 Thaum Twg Mam Li Muaj Lub Vaj Kaj Siab? SAB 20 Cov Mloog Vajtswv Lus Yuav Tau Txais Tej Koob Hmoov Twg? SAB 22 Yehauvas Puas Hnov Peb Tej Lus Thov? SAB 24 Yuav Ua Li Cas Tsev Neeg Thiaj Zoo Siab? SAB 26 Peb Yuav Tsum Coj Li Cas Thiaj Haum Vajtswv Siab? SAB 28 Peb Yuav Muab Siab Npuab Yehauvas Li Cas? SAB 30 Peb Yuav Mloog Vajtswv Lus Li Cas? Tus tseem Vajtswv tau tshoov kom neeg sau ib phau ntawv tseem ceeb heev, hu ua phau Vajlugkub. Phau Vajlugkub muaj Vajtswv lub tswvyim nyob rau hauv. Nws xav kom koj kawm tau lub tswvyim ntawd. Vajtswv lub tswvyim yuav pab tau peb tiag tiag. Yog tias peb mloog nws lus, peb yeej yuav muaj tswvyim thiab yuav paub txiav txim zoo. —Paj Lug 1:5. Vajtswv xav kom txhua leej txhua tus hauv ntiajteb no nyeem phau Vajlugkub. Tibneeg tau muab phau Vajlugkub txhais ua ntau yam lus. Yog tias koj xav mloog Vajtswv lus, koj yuav tsum nyeem thiab kawm kom to taub phau Vajlugkub. 4 Vajtswv siv phau Vajlugkub los qhia peb. 2 Timaute 3:16 Yehauvas cov Timkhawv yuav pab kom koj to taub phau Vajlugkub. Thoob plaws lub ntiajteb, lawv yog cov uas qhia qhov tseeb txog Vajtswv. Lawv zoo siab qhia Vajlugkub pub dawb rau koj. Yog tias xav kawm ntxiv txog Vajtswv, mus koom Yehauvas cov Timkhawv tom Tsev Nceeg Vaj. Vajtswv txojlus yog txoj tseeb.—Yauhas 17:17. Vim li cas peb ho cia siab tau rau Vajtswv? —Xwm Txheej Taug Kev 23:19. Thoob plaws ntiajteb tibneeg cuab pob ntseg mloog Vajtswv lus. Mathai 28:19 5 Tus Tseem Vajtswv Yog Leejtwg? Tsuas muaj tib tug tseem Vajtswv xwb, nws lub npe hu ua Yehauvas. (Khiav Dim 3:14, 15, hauv qab taw qhia) Nws yog ib tug Plig uas peb pom tsis tau. Nws hlub peb thiab nws xav kom peb hlub nws. Nws kuj xav kom peb hlub lwm tus thiab. (Mathai 22:35-40) Nws yog tus uas Loj Dua Ntais thiab yog tus tsim ib puas tsav yam. Thawj thawj yam uas Vajtswv tau tsim yog ib tug plig uas muaj hwjchim kawg li. Tom qab no tus plig ntawd muaj lub npe hu ua Yexus Khetos. Yehauvas kuj tsim cov tubtxib saum ntuj thiab. Yehauvas tau tsim ib puas tsav yam saum ntuj . . . 6 Vajtswv Yehauvas tau tsim tej hnub qub, lub ntiajteb, thiab ib puas tsav yam nyob rau hauv ntiajteb.—Chiv Keeb 1:1. Vajtswv muab av los puab thawj tug txivneej hu ua Adas. —Chiv Keeb 2:7. Vim li cas peb yuav tsum hwm Yehauvas? —Tubtxib Tes Haujlwm 17:24, 25. Vajtswv muaj tus cwj pwm zoo li cas? —Khiav Dim 34:6. thiab hauv ntiajteb. Qhia Tshwm 4:11 7 Lub Neej Hauv Lub Vaj Kaj Siab Zoo Li Cas? Yehauvas tsim thawj tug pojniam hu ua Eva. Nws muab Eva cob rau Adas yuav ua pojniam. —Chiv Keeb 2:21, 22. Yehauvas tsim nkawd tsis muaj ib qho txhaum li. Tsis hais nkawd tej roj ntsha mus rau nkawd tej kev xav, puavleej zoo kawg nkaus huvsi. Nkawd nyob hauv ib lub vaj zoo nkauj heev hu ua Edee. Lub Vaj Kaj Siab ntawd muaj dej, muaj txiv hmab txiv ntoo, thiab muaj tsiaj txhu. Yehauvas nrog Adas thiab Eva sib txuas lus thiab cob qhia nkawd. Yog tias nkawd mloog lus, nkawd yuav tau nyob lub Vaj Kaj Siab hauv ntiajteb no mus ib txhis li. 8 Yehauvas tsim tej yam zoo kawg nkaus rau Adas thiab Eva. Chiv Keeb 1:28 Muaj ib tug tubtxib saum ntuj sawv tawm tsam Vajtswv. Tus tubtxib limhiam ntawd hu ua Xatas uas yog Ntxwg Nyoog. Yehauvas qhia rau Adas thiab Eva tias, muaj ib tsob txiv ntoo uas nws txwv tsis pub noj. Yog nkawd noj, nkawd yuav tuag. Xatas tsis xav kom Adas thiab Eva mloog Yehauvas lus. Nws thiaj siv ib tug nab los hais rau Eva tias, yog Eva noj tsob txiv uas Vajtswv txwv tsis pub noj, Eva yeej yuav tsis tuag, tiamsis Eva yuav zoo li Vajtswv. Tej no yog lus dag xwb.—Chiv Keeb 3:1-5. Muaj ib tsob ntoo uas Vajtswv txwv tsis pub rau Adas thiab Eva noj. Chiv Keeb 2:16, 17 9 Tom Qab Nkawd Mloog Xatas Lus Ua Li Cas Lawm? Eva mloog tus nab lus, nws thiaj noj lub txiv. Tom qab ntawd, Eva kuj muab rau Adas noj thiab. Qhov uas nkawd ua li no txhaum lawm. Vajtswv thiaj tsis pub nkawd nyob hauv lub Vaj Kaj Siab. Nkawd tsev neeg ua neej txom nyem ntsuav. Nkawd txawj laus txawj tuag. Tom qab Adas thiab Eva tuag, nkawd tsis mus nyob rau sab yeeb ceeb; thiab tsis muaj nkawd nyob qhovtwg ntxiv lawm. Vim Adas thiab Eva tsis mloog Vajtswv lus, nkawd thiaj tuag. Chiv Keeb 3:6, 23 10 Tibneeg txawj tuag vim lawv yog Adas thiab Eva cov xeeb ntxwv. Cov tuag tsis pom kev, tsis hnov lus, thiab tsis txawj ua dabtsi li lawm.—Laj Lim Tswvyim 9:5, 10. Yehauvas tsis yog tsim kom tibneeg txawj tuag. Tsis ntev tom hauv ntej no nws yuav tsa cov tuag ciaj sawv rov los. Yog tias lawv mloog nws lus, lawv yuav tau nyob mus ib txhis. Vim li cas tibneeg ho txawj tuag?—Loos 5:12. Yuav tsis muaj kev tuag li lawm.—1 Khaulee 15:26. Cov tuag tsis muaj sia ib yam li tej hmoov av. Chiv Keeb 3:19 11 Thaum Dej Dag Nyab, Leejtwg Thiaj Mloog Lus Xwb? Adas thiab Eva muaj xeeb ntxwv coob heev hauv ntiajteb. Tom qab no, muaj ib co tubtxib saum ntuj nrog Xatas tawm tsam Vajtswv. Lawv txia los ua tibneeg, kom lawv thiaj tau yuav tibneeg tej ntxhais ua pojniam. Cov pojniam ntawd yug tau tej menyuam loj thiab siab, uas muaj zog thiab tsiv heev. Lub qab ntuj thiaj muaj neeg phem nyob puv ntia. Phau Vajlugkub hais tias: “Neeg tej kev phem loj kawg rau hauv lub ntiajteb, thiab pom tias lawv tsuas yog pheej xav zaj phem rau hauv lub siab mus li xwb.” 12 Tiam Nau-a nyob, tibneeg feem coob ua phem heev. Chiv Keeb 6:5 Nau-a yog ib tug neeg zoo. Yehauvas hais rau Nau-a tias nws yuav tso dej dag los nyab rhuav tshem cov neeg limhiam. Vajtswv hais kom Nau-a ua ib lub nkoj loj heev. Vajtswv kuj hais kom Nau-a coj nws tsev neeg thiab txhua yam tsiaj txhu mus rau hauv lub nkoj. Nau-a ceeb toom tibneeg tias Vajtswv yuav tso Dej Dag los nyab ntiajteb, tiamsis lawv tsis mloog. Ib txhia thuam luag Nau-a; hos lwm cov ntxub nws. Thaum Nau-a ua lub nkoj tiav lawm, nws mam li coj cov tsiaj txhu mus rau hauv lub nkoj. Nau-a mloog Vajtswv lus, nws thiaj ua lub nkoj. Chiv Keeb 6:13, 14, 18, 19, 22 13 Kawm Los Ntawm Dej Dag Nyab Ntiajteb Nag los tau 40 hnub thiab 40 hmo. Dej nyab thoob plaws lub ntiajteb. Cov neeg limhiam tuag tas. Cov tubtxib phem rov txia ua lub cev plig; tom qab ntawd lawv tau lub npe hu ua dab. Cov uas nyob hauv lub nkoj thiaj dim xwb. Txawm tias tom qab no Nau-a thiab nws tsev neeg tuag lawm los, Vajtswv yuav tsa lawv ciaj sawv rov qab los nyob mus ib txhis. Vajtswv rhuav tshem cov limhiam, tiamsis Nws cawm Nau-a tsev neeg. Chiv Keeb 7:11, 12, 23 14 Xatas thiab cov dab tseem niaj hnub ntxias tibneeg. Niaj hnub no coob leej coj ib yam li cov neeg uas nyob rau Nau-a tiam, lawv tsis kam txais yuav Yehauvas txojkev cob qhia. Tsis ntev tom ntej no, Vajtswv yuav rhuav tshem cov neeg limhiam dua. —2 Petus 2:5, 6. Muaj ib txhia kuj coj li Nau-a. Lawv mloog Vajtswv lus thiab ua li nws hais. Lawv yog Yehauvas cov Timkhawv. Txiav txim siab taug txojkev uas coj mus tau txojsia.—Mathai 7:13, 14. Cov limhiam yuav raug rhuav tshem, tiamsis cov uas txo hwjchim yuav tau nyob kaj siab lug. —Ntawv Nkauj 37:10, 11. Vajtswv yuav rov qab rhuav tshem cov limhiam thiab cawm cov zoo. Mathai 24:37-39 15 Yexus Yog Leejtwg? Yog tias peb xav ua haum Yehauvas siab, peb yuav tau mloog nws tus tub lus thiab. Ua ntej Yehauvas tsis tau tsim Adas, Yehauvas twb xub tsim nws tus tub nyob saum ntuj lawm. Tus tub ntawd yog ib tug plig muaj hwjchim kawg li. Tom qab no, Yehauvas tau muab nws tus tub txojsia hloov los rau hauv ib tug ntxhais nkauj xwb hu ua Maivliag, lub tsev menyuam. Nws yug hauv Npelehee thiab nws hu ua Yexus.—Yauhas 6:38. Thaum Yexus nyob hauv ntiajteb, nws coj tus cwj pwm li Vajtswv. Nws muaj lub siab zoo hlub tshua tibneeg, thiab tibneeg tsis ntshai mus cuag nws. Nws kuj ua siab tawv qhawv qhia qhov tseeb txog Yehauvas rau lwm tus. 16 Yehauvas txib Yexus los hauv ntiajteb. 1 Yauhas 4:9 Yexus kho cov neeg muaj mob thiab tsa cov tuag ib txhia ciaj sawv rov los. Cov thawj coj ntxub Yexus, vim nws muab lawv tej lus dag thiab kev limhiam nthuav rau sawvdaws paub. Cov thawj coj ntxias kom cov neeg Loos muab Yexus tsim txom thiab tua nws pov tseg. Vim li cas ho tseem ceeb rau peb paub txog Yexus? —Yauhas 17:3. Ua ntej Yexus nqes los hauv ntiajteb, nws ua dabtsi saum ntuj?—Khaulauxi 1:15-17. Txawm tias Yexus ua zoo los, nws tseem raug luag ntxub. 1 Petus 2:21-24 17 Yexus Txojkev Tuag Pab Tau Koj Li Cas? Tom qab Yexus tuag tau peb hnub, muaj ib co pojniam mus saib Yexus lub ntxa, tiamsis tsis pom nws lub cev lawm. Yehauvas twb tsa Yexus ciaj sawv rov los lawm. Tom qab ntawd, Yexus los tshwm rau nws cov tubtxib pom. Vim peb yog neeg muaj txim, yuav muaj li cas rau peb?—Loos 6:23. Yexus qheb kev kom peb txais tau txojsia ntev mus ib txhis. —Loos 5:21. 18 Yehauvas tau tsa Yexus ciaj sawv rov los ua ib tug plig muaj hwjchim heev. Yexus cov thwjtim pom Yexus mus saum ntuj lawm. Yexus tuag kom peb thiaj tau txojsia. Yauhas 3:16 Yexus muab nws txojsia los txhiv noob neej. (Mathai 20:28) Vim muaj tus nqe txhiv ntawd, Vajtswv thiaj qheb kev rau peb los txais yuav txojsia ntev dhawv mus ib txhis. Yehauvas tsa Yexus ua tus Vajntxwv kav tag nrho lub ntiajteb. Vajtswv yuav tsa 144,000 leej hauv ntiajteb no ciaj sawv rov los muaj txojsia nyob saum ntuj nrog Yexus. Yexus thiab cov 144,000 leej yuav kav lub tseem fwv saum ntuj uas yog Vajtswv lub Nceeg Vaj.—Qhia Tshwm 14:1-3. Vajtswv lub Nceeg Vaj yuav muab lub ntiajteb no kho ua ib lub vaj kaj siab. Yuav tsis muaj kev tsov kev rog, kev tub sab tub nyiag, kev txom nyem, thiab kev tshaib nqhis ntxiv li lawm. Tibneeg yuav muaj kev zoo siab tiag. —Ntawv Nkauj 145:16. Vajtswv lub Nceeg Vaj yuav foom koob hmoov li cas rau noob neej? —Ntawv Nkauj 72. Peb yuav tsum thov kom Vajtswv cia nws lub Nceeg Vaj los. —Mathai 6:10. Vajtswv tsa Yexus ciaj rov los thiab muab lub Nceeg Vaj rau Yexus kav. Daniyee 7:13, 14 19 Thaum Twg Mam Li Muaj Lub Vaj Kaj Siab? Phau Vajlugkub qhia tias tiam uas peb nyob no neeg yuav ntshaw nyiaj txiag, tsis mloog niam txiv lus, muaj lub siab heev, thiab nyiam kev lomzem heev dua li nyiam Vajtswv. Yuav muaj av qeeg loj, kev tsov kev rog, kev tshaib kev nqhis, thiab muaj mob kis rau ntau qhov. Tej no tabtom muaj tshwm sim tiag. Yexus kuj hais tias yuav muab txoj xov zoo txog lub Nceeg Vaj tshaj tawm thoob plaws lub ntiajteb. —Mathai 24:14. Tej xwm no ua pov thawj tias lub Nceeg Vaj yuav los kho lub ntiajteb. Luka 21:10, 11; 2 Timaute 3:1-5 20 Cov uas mloog Vajtswv lus yuav dim, thiab lawv yuav tau nyob hauv ib lub qab ntuj tshiab uas ncaj ncees. Tibneeg yuav tsis txhawj tsis ntshai, tiamsis lawv yuav sib hlub thiab nyob tso siab plhuav. Tsis ntev tom ntej no Yehauvas yuav rhuav tshem tag nrho cov limhiam. Xatas thiab cov dab yuav raug txim. Yexus hais tias yuav muaj dabtsi tshwm sim rau tiam uas peb nyob no?—Mathai 24:3-14. Cov limhiam yuav raug rhuav tshem. —2 Petus 3:7. Lub Nceeg Vaj yuav rhuav tshem tag nrho tej kev limhiam. 2 Petus 3:13 21 Cov Mloog Vajtswv Lus Yuav Tau Txais Tej Koob Hmoov Twg? Xav txog tej koob hmoov uas koj yuav tau txais yog tias koj mloog Yehauvas lus! Koj yuav tsis muaj mob muaj nkeeg li lawm. Yuav tsis muaj neeg phem nyob qhovtwg li lawm. Thiab koj yuav ntseeg tau sawvdaws siab. Yuav tsis muaj kev txom nyem, kev nyuaj siab, thiab kev quaj ntsuag. Tibneeg yuav tsis txawj laus thiab tsis txawj tuag li lawm. Cov tuag feem coob yuav sawv rov los muaj sia nyob hauv ntiajteb. Tubtxib Tes Haujlwm 24:15 22 Koj yuav tau nrog koj tsev neeg thiab koj cov phoojywg nyob ua ke. Lub neej hauv lub Vaj Kaj Siab yuav zoo kawg nkaus li. Yuav tsis muaj kev txhawj kev ntshai li lawm. Tibneeg yuav muaj kev zoo siab tiag tiag. Vajtswv lub Nceeg Vaj yuav rhuav tshem tag nrho tej kev txom nyem. Qhia Tshwm 21:3, 4 23 Yehauvas Puas Hnov Peb Tej Lus Thov? Yehauvas yog tus “mloog [peb] tej lus thov.” (Ntawv Nkauj 65:2) Yehauvas xav kom peb thov nws tawm hauv nruab siab tuaj. Peb yuav tsum thov Yehauvas tib leeg xwb. Yexus tau qhia kom peb paub thov Vajtswv.—Mathai 6:9-15. Vajtswv mloog leejtwg tej lus thov xwb?—Ntawv Nkauj 145:18, 19. 24 Vajtswv yeej hnov peb tej lus thov. 1 Petus 3:12 Peb yuav tsum thov kom muaj raws li Vajtswv lub siab nyiam saum ntuj ceeb tsheej thiab hauv ntiajteb no. Koj yuav tsum thov kom Yehauvas pab koj ua zoo, thiab kom koj muaj vag muaj tse nyob, muaj noj muaj hnav, muaj dej muaj num ua, thiab noj qab haus huv. Qhov uas koj tuav Yexus lub npe thov, qhia tias koj nco nws txiaj ntsig. Yehauvas tsuas hnov cov ncaj ncees tej lus thov xwb.—Paj Lug 15:29. Tsis txhob txhawj txog ib yam dabtsi.—Filipi 4:6, 7. Peb yeej thov tau Vajtswv txog txhua yam. 1 Yauhas 5:14 25 Yuav Ua Li Cas Tsev Neeg Thiaj Zoo Siab? Vajtswv txoj kevcai qhia tias ib tug txivneej tsuas yuav tau ib tug pojniam xwb. Tus txiv yuav tsum paub xav thiab hlub tshua nws tus pojniam. Tus pojniam yuav tsum koom tes nrog nws tus txiv. 26 Cov menyuam yuav tsum mloog niam txiv lus. Kev hlub yuav pab kom tsev neeg muaj kev zoo siab. Efexau 5:33 Vajtswv Txojlus qhia tias tus txiv yuav tsum hlub nws tus pojniam ib yam li nws hlub nws lub cev. Tus pojniam yuav tsum hwm nws tus txiv tiag tiag. Kev plees kev yi txhaum. Txojkev yuav niam hlob niam yau kuj txhaum thiab. Yehauvas Txojlus yuav pab tau lub cuab lub yig muaj kev zoo siab tiag. Coj lub neej kom dawb huv. —1 Khaulee 6:18. Hlub, cob qhia, thiab tiv thaiv koj cov menyuam.—Kevcai 6:4-9. Coj zoo thiab muab siab npuab koj tsev neeg. Khaulauxi 3:5, 8-10 27 Peb Yuav Tsum Coj Li Cas Thiaj Haum Vajtswv Siab? Yog tias peb hlub Yehauvas, peb yuav tsis ua tej yam uas nws ntxub. Yehauvas tsis xav kom peb ua tub sab, qaug dej qaug cawv, thiab haus yeeb haus tshuaj. Vajtswv ntxub kev sib ntaus sib tua thiab kev rho menyuam. Nws txwv tsis pub txivneej deev txivneej, thiab nws tsis xav kom peb ua neeg siab hlob. Peb yuav tsum tsis txhob teev dab teev mlom. Vajtswv xav li cas txog txojkev ua khawv koob yees siv? —Kevcai 18:10-12. Vim li cas peb yuav tsum tsis txhob teev mlom? —Yaxaya 44:15-20. 28 Tsis txhob ua tej yam uas phem. 1 Khaulee 6:9, 10 Hauv lub Vaj Kaj Siab yuav tsis muaj cov neeg phem nyob qhovtwg li lawm. Yuav kom peb ua haum Vajtswv siab, peb yuav tau xyaum coj li nws. Peb yuav tsum muaj lub siab dawb siab zoo es hlub luag lwm tus. Peb yuav tsum coj ncaj. Muaj lub siab zam xeeb thiab khuvleej. Qhia Yehauvas thiab nws tej kevcai rau lwm tus. —Yaxaya 43:10. Xyaum coj li Yehauvas. —1 Petus 1:14-16. Hlub luag lwm tus. —1 Yauhas 4:7, 8, 11. Ua tej yam uas zoo. Mathai 7:12 29 Peb Yuav Muab Siab Npuab Yehauvas Li Cas? Tsis txhob koom nrog tej kev lig kevcai uas hla Vajtswv Txojlus. Yuav kom peb ua tau li no, peb yuav tsum ua siab tawv qhawv. Tsis txhob koom nrog tej kev nom kev tswv, rau qhov tej ntawd tsis txhawb Yehauvas thiab nws lub Nceeg Vaj. Yehauvas yuav tiv thaiv cov uas muab siab npuab nws. —Ntawv Nkauj 97:10. 30 Cia li tuaj Vajtswv tog. 1 Petus 5:6-9 Mus koom nrog Yehauvas cov Timkhawv; lawv yuav pab koj txav ze rau Vajtswv. Thaum koj muaj kev ntseeg txaus lawm, muab koj lub neej cob rau Yehauvas thiab ua kevcai raus dej. —Mathai 28:19. Kawm ntxiv txog Vajtswv, thiab xyaum coj raws li nws tej kevcai. Mloog Vajtswv lus. Nyeem phau Vajlugkub, thiab hais kom Yehauvas cov Timkhawv pab koj to taub Vajtswv Txojlus. Xyaum coj raws li koj tau kawm. Yog tias koj ua tej no, koj yuav tau nyob mus ib txhis. —Ntawv Nkauj 37:29. Ntxeev dua siab tshiab, Vajtswv thiaj zam koj lub txim. —Tubtxib Tes Haujlwm 3:19. Taug txojkev uas coj mus tau txojsia.—Mathai 7:13, 14. Txiav txim siab ua qhov zoo es mloog Vajtswv lus. Mathai 7:24, 25 31 ll-HM 160427 s
Podobne dokumenty
VAJTSWV MUAJ XOV ZOORAU PEB!
5. Nimno Yexus ua dabtsi lawm? Thaum Yexus los hauv ntiajteb, nws kho cov neeg muaj mob, tsa cov tuag sawv rov los, thiab pab cov uas muaj kev nyuaj siab txom nyem. Tej ntawd ua pov thawj txog tej ...
Bardziej szczegółowo