VAJTSWV MUAJ XOV ZOORAU PEB!

VAJTSWV MUAJ
XOV ZOO RAU PEB!
Phau ntawv no yuav pab tau koj li cas?
Phau ntawv no yuav pab kom koj muaj
lub siab xav kawm Vajtswv Txojlus, phau
Vajlugkub. Txhua zaj yuav muaj ib co lus nug
uas sau dub dub. Cov nqe Vajlugkub uas sau
qaij, yuav teb cov lus nug ntawd.
Thaum koj nyeem cov nqe Vajlugkub,
ua tib zoo xav seb lo lus teb yog li cas.
Yehauvas cov Timkhawv yuav zoo siab hlo
pab koj kawm txog Vajtswv Txojlus ntxiv.
Nyeem Luka 24:32, 45.
Koj yuav nrhiav cov nqe Vajlugkub li cas?
Lub npe no yog phau
ntawv hauv phau Vajlugkub.
Tus ntawv zauv no qhia
tias yog tshooj twg.
Nyeem Yauhas 17:3.
Tus ntawv zauv
no qhia tias yog
nqe twg.
YAUHAS 16:33—17:24
➤raug kev txom nyem nyuaj siab hauv lub ntiajteb no tiamsis nej cia li ua siab tuab. Kuv twb
kov yeej ntiajteb lawm.”
➤17 nws txawm tsa muag ntsia saum ntuj
Thaum Yexus hais tej ntawd tag lawm,
thiab hais tias, “Au leej Txiv, txog sijhawm
lawm. Thov ua rau koj leej Tub tau koob meej
ci ntsa iab, kom leej Tub thiaj ua rau leej Txiv
tau koob meej, 2 rau qhov koj pub hwjchim
rau leej Tub kav tag nrho ib tsoom neeg sawvdaws, kom leej Tub thiaj pub txojsia ib txhis
tsis kawg rau txhua tus uas koj muab cob rau
nws. 3 Txojsia ib txhis tsis kawg yog li no, yog
➤
qhov uas lawv paub koj uas yog tus Vajtswv tib
leeg uas yog tus tseem Tswv thiab paub Yexus Khetos uas koj txib los. 4 “Kuv ua rau koj
tau koob meej rau hauv ntiajteb rau qhov
© 2012
WATCH TOWER BIBLE AND TRACT SOCIETY OF PENNSYLVANIA
Vajtswv Muaj Xov Zoo Rau Peb!
Cov Luam
WATCHTOWER BIBLE AND TRACT SOCIETY OF NEW YORK, INC.
Brooklyn, New York, U.S.A.
Luam lub 10 Hli xyoo 2013
Phau ntawv no tsis yog luam los muag yuav nyiaj. Phau ntawv no tau luam tawm los pab tibneeg thoob qab
ntuj kawm phau Vajlugkub uas yog txhawb los ntawm cov nyiaj pub dawb.
Yog tias tsis pom qhia, cov Nqe uas sau cia rau hauv phau ntawv no yog los ntawm phau Vajtswv Txojlus
Txhais Tshiab Xyoo 2004. Muaj tej lo Vajlugkub tau muab sau qaij kom paub tias tseem ceeb. Thaum pom NW
qhia tias cov nqe ntawd yog los ntawm phau Vajlugkub Askiv New World Translation of the Holy Scriptures.
Nco ntsoov tias: Cov ntaub
ntawv uas muaj nyob hauv
phau ntawv no yog Yehauvas
cov Timkhawv luam tawm.
Photo Credits: Page 6, top, Dead Sea Scroll: Shrine of the Book, Photo © The Israel Museum, Jerusalem; page 6, middle, Greek Codex: From The
Codex Alexandrinus in Reduced Photographic Facsimile, 1909, by permission of the British Library; page 16, Hitler: Based on U.S. National Archives photo;
page 32, upper right, Greek Codex: From The Codex Alexandrinus in Reduced Photographic Facsimile, 1909, by permission of the British Library
Good News From God! Hmong (fg-HM)
Made in the United States of America
Ua hauv United States of America
1
Muaj Xov Zoo Dabtsi?
1. Vajtswv muaj xov zoo dabtsi?
Vajtswv xav kom tibneeg ua neej nyob kaj siab lug hauv lub
ntiajteb no. Nws hlub noob neej kawg li, nws thiaj tsim lub
ntiajteb thiab ib puas tsav yam nyob rau hauv. Tshuav tsis ntev
xwb, Vajtswv yuav tshem tawm tej kev txom nyem uas los raug
tibneeg niaj hnub no. Nws yuav muab lub neej zoo kawg nkaus
pub rau txhua haiv neeg. D Nyeem Yelemi 29:11.
Tsis tau muaj dua ib lub tseem fwv twg tshem tau tej kev
sib ntaus sib tua, kev mob kev nkeeg, kev ploj kev tuag li. Txawm
li ntawd los, Vajtswv muaj xov zoo rau noob neej tias, tshuav
tsis ntev Vajtswv lub tseem fwv yuav hloov tag nrho tej tseem fwv
hauv qab ntuj no chaw. Thaum ntawd tej pej xeem yuav muaj
kev thaj yeeb, tsis muaj ib tug yuav nroo mob li lawm.
D Nyeem Yaxaya 25:8; 33:24; Daniyee 2:44.
2. Vim li cas tseem ceeb ua luaj rau koj kawm txoj xov zoo?
Thaum Vajtswv muab cov neeg phem tshem tas lawm, yuav
tsis muaj kev txom nyem ntxiv lawm. (Xefaniya 2:3) Thaum twg
mam muaj li ntawd? Vajtswv Txojlus twb qhia tseg ua ntej txog
tej kev nyuaj siab uas peb muaj nimno. Tej xwm txheej puag ncig
peb ua pov thawj tias tshuav tsis ntev xwb, Vajtswv yuav rhuav
cov neeg phem tiag. D Nyeem 2 Timaute 3:1-5.
3. Peb yuav tsum ua li cas?
Peb yuav tsum kawm phau Vajlugkub, peb thiaj paub Vajtswv
zoo. Phau Vajlugkub zoo ib yam li tsab ntawv uas leej txiv sau rau
tus menyuam uas nws hlub. Phau Vajlugkub qhia kom peb paub
ua neej zoo tamsim no, thiab qhia tias peb yuav tsum ua li cas,
yav tom ntej peb thiaj tau txojsia mus ib txhis hauv lub ntiajteb.
Muaj tej txhia yuav tsis nyiam thaum koj pib kawm Vajlugkub.
Tiamsis nco ntsoov Vajtswv cog lus tias, peb yuav tau lub neej
zoo tshaj plaws yav tom hauv ntej. Tsis txhob pub leejtwg tav koj
txoj hau kev li. D Nyeem Paj Lug 29:25; Qhia Tshwm 14:6, 7.
3
2
Vajtswv Yog Leejtwg?
1. Vim li cas peb yuav tsum pe hawm Vajtswv?
Tus tseem Vajtswv yog tus uas tsim ib puas tsav yam. Ib
txwm thaum ub Vajtswv yeej nyob los lawm. Tsis muaj leejtwg tsim
nws; thiab nws yuav nyob mus ib txhis tsis muaj hnub kawg.
(Ntawv Nkauj 90:2) Txoj xov zoo hauv phau Vajlugkub los ntawm
Vajtswv. (1 Timaute 1:11) Tsim nyog peb pe hawm Vajtswv, vim
nws yog tus pub txojsia rau peb. D Nyeem Qhia Tshwm 4:11.
2. Vajtswv zoo li cas?
Tsis tau muaj neeg pom Vajtswv ib zaug li, rau qhov nws yog
ib tug Plig. Tej plig muaj hwjchim loj dua tibneeg ntiajteb uas
muaj roj ntsha. (Yauhas 1:18; Ntawv Nkauj 11:4) Txawm peb tsis
pom Vajtswv los, yog peb saib ib puas tsav yam nws tau tsim, tsis
hais tej toj roob hauv pes, txiv hmab txiv ntoo, thiab paj hmab paj
ntoos, nyias muaj nyias yam, peb pom nws lub tswvyim thiab
nws txojkev hlub. Lub qab ntuj khwb no loj thiab dav kawg nkaus
li, tej no kuj qhuas txog nws lub hwjchim uas loj kawg nkaus.
D Nyeem Loos 1:20.
Yog tias peb nyeem phau Vajlugkub, peb yuav hajyam paub
Vajtswv ntxiv. Peb yuav paub tias Vajtswv coj li cas, nws nyiam
thiab ntxub yam twg, thiab nws saib xyuas tibneeg li cas.
D Nyeem Ntawv Nkauj 103:7-10.
3. Vajtswv puas muaj npe?
Yexus hais tias: “Peb leej Txiv uas nyob saum ntuj, thov
sawvdaws hwm koj lub npe kom dawb huv.” (Mathai 6:9) Vajtswv
muaj ntau lub npe meej mom, tiamsis nws tsuas muaj tib lub
npe xwb. Ib haiv neeg yuav hu nws lub npe sis mentsis ntawm ib
haiv. Hmoob hu Vajtswv lub npe ua “Yehauvas.” Muaj ib txhia kuj
hu nws ua “Yave.” D Nyeem Khiav Dim 3:14, 15, hauv qab taw qhia.
Hauv ntau phau Vajlugkub, tibneeg muab cov npe meej mom
Tus Tswv lossis Vajtswv los hloov lub npe Yehauvas. Muaj tej phau
siv lub npe Yawmsaub los hloov thiab. Tiamsis thaum xub sau
4
phau Vajlugkub, Vajtswv lub npe tshwm txog 7,000 zaus. Thaum
Yexus tshaj tawm txoj xov zoo, nws yeej siv Vajtswv lub npe thiab
qhia rau tibneeg paub. D Nyeem Yauhas 17:26.
4. Vajtswv puas hlub tshua txog peb?
Peb pom tias coob leej ntau tus raug kev txom nyem. Puas yog
Vajtswv tsis mob siab tibneeg? Ib txhia ntseeg tias Vajtswv txhob
txwm tsim kev kub ntxhov los sim neeg siab, kom neeg ua txhaum.
Tiamsis tsis muaj tseeb li lawv hais ntawd.
D Nyeem Yakaunpau 1:13.
Ib yam li leej
Vajtswv saib noob neej rau nqe heev,
txiv
no, Vajtswv
nws thiaj cia peb xaiv seb peb puas yuav
taug txojkev zoo. Koj puas zoo siab tias
xav kom peb
Vajtswv cia peb xaiv li ntawd? (Yausua
tau zoo mus li
24:15) Tiamsis coob leej ntau tus xaiv txojkev phem. Lawv nyiam ua nruj ua tsiv, thiaj
muaj kev txom nyem qhov txhua qhov chaw. Thaum Yehauvas pom
tej kev limhiam no, nws tu siab heev. D Nyeem Chiv Keeb 6:5, 6.
Vajtswv Yehauvas yeej hlub tshua tibneeg kawg li. Nws xav
kom peb txaus siab rau peb lub neej. Tsis ntev tom ntej no, nws
yuav muab cov neeg limhiam thiab tej kev txom nyem rhuav
tshem mus. Tiamsis vim li cas Vajtswv ho tsis rhuav tamsim
no? Peb mam li kawm ntxiv txog qhov no rau Zaj 8.
D Nyeem 2 Petus 2:9; 3:7,13.
5. Peb yuav nrog Vajtswv sib raug zoo li cas?
Yehauvas xav kom peb thov nws, peb thiaj nrog nws sib raug
zoo. Nws yeej xav paub peb txhua leej txhua tus. (Ntawv Nkauj
65:2; 145:18) Nws muaj lub siab xav zam txim rau peb. Txawm
tias peb ua tsis tau zoo txhua lub sijhawm los, nws yeej pom
thaum peb siv zog ua kom haum nws siab. Yog li ntawd, txawm
peb yog neeg txhaum los, peb yeej nrog tau Vajtswv sib raug zoo.
D Nyeem Ntawv Nkauj 103:12-14; Yakaunpau 4:8.
Tsim nyog peb hlub Yehauvas tshaj lwm leej lwm tus, vim nws
yog tus pub txojsia rau peb. (Malakau 12:30) Thaum koj kawm
ntxiv txog Vajtswv thiab ua raws li tej uas koj tau kawm, yuav qhia
tias koj hlub nws tiag. Koj yuav hajyam nrog nws sib raug zoo.
D Nyeem 1 Timaute 2:4; 1 Yauhas 5:3.
5
3
Txoj Xov Zoo Puas Yog Los
Ntawm Vajtswv Tiag?
1. Lub tswvyim hauv phau Vajlugkub, yog leejtwg lub?
Phau Vajlugkub muaj ib txoj xov zoo kawg li, uas qhia tias
tibneeg yuav tau nyob mus ib txhis hauv lub ntiajteb no. (Ntawv
Nkauj 37:29) Phau Vajlugkub muaj 66 phau ntawv me me nyob
rau hauv. Vajtswv tau txib li 40 tus txivneej los sau phau Vajlugkub. Mauxe yog tus sau thawj 5 phau ntawv Vajlugkub, kwvlam li
3,500 xyoo dhau los lawm. Thiab tus tubtxib Yauhas tau sau
phau ntawv kawg nkaus hauv phau Vajlugkub, kwvlam li 1,900
xyoo dhau los lawm. Puas yog cov neeg sau phau Vajlugkub,
sau raws li lawv lub tswvyim xwb? Tsis yog. Vajtswv siv nws lub
hwj huam tshoov kom lawv sau. (2 Xamuyee 23:2, NW) Yog
li ntawd, lub tswvyim hauv phau Vajlugkub yog Vajtswv lub.
D Nyeem 2 Timaute 3:16; 2 Petus 1:20, 21.
2. Vim li cas peb ho paub tias Phau Vajlugkub
yog Vajtswv tshoov neeg sau?
Peb paub tseeb tias phau Vajlugkub yog Vajtswv tshoov
neeg sau, vim txhua lo lus faj lem uas nyob hauv muaj tiav raws
nkaus li tau hais tseg. Tibneeg tsis muaj peevxwm qhia tau li
ntawd. (Yausua 23:14) Tsuas yog tus Vajtswv uas muaj hwjchim
loj kawg nkaus thiaj paub txog yav tom hauv ntej xwb.
D Nyeem Yaxaya 42:9; 46:10.
Tsis muaj ib phau ntawv yuav zoo li phau Vajlugkub. Vim
li cas? Tibneeg tau muab phau Vajlugkub txhais ua ntau pua
yam lus, thiab lawv tau luam tawm qas txhiab qas vam phau coj
los tseb. Txawm tias phau Vajlugkub yog ib phau ntawv qub
heev los, tej uas phau Vajlugkub hais ntsig txog lub ntiajteb no,
tej neeg tshawb txujci kuj pom tias muaj tseeb tiag. Thiab muaj
40 tus txivneej sau phau Vajlugkub tiamsis lawv sau sib dhos
zoo heev.1 Tsis tas li ntawd xwb, phau Vajlugkub qhia meej txog
Vajtswv txojkev hlub rau peb. Niaj hnub no, phau Vajlugkub
1 Mus nyeem phau ntawv hu ua Phau Vajlugkub Txoj Xov Yog Dabtsi?
6
tseem pab tau coob leej xyaum coj lub neej zoo. Vim
muaj tej pov thawj zoo li hais tas no, muaj tsheej plhom
leej thiaj lees tias phau Vajlugkub yog Vajtswv Txojlus.
D Nyeem 1 Thexalaunika 2:13.
3. Phau Vajlugkub qhia txog dabtsi?
Phau Vajlugkub qhia tias Vajtswv muaj ib lub ntsiab zoo kawg
nkaus rau noob neej. Vajtswv tsim kom noob neej muaj txojsia
nyob mus ib txhis hauv lub ntiajteb no, tiamsis tibneeg muab lub
vaj kaj siab ua poob lawm. Phau Vajlugkub qhia tias tom ntej
no Vajtswv yuav rov muab lub ntiajteb kho ua ib lub vaj kaj siab.
D Nyeem Qhia Tshwm 21:4, 5.
Vajtswv Txojlus muaj tej kevcai thiab tej hauv paus ntsiab
lus uas yuav pab tau peb. Tsis tas li ntawd xwb, phau Vajlugkub
pab peb pom tias Vajtswv coj li cas nrog tibneeg. Thaum
peb kawm txog tej keeb kwm ntawd, peb yuav pom tias Vajtswv
muaj tus cwj pwm zoo li cas. Yog li ntawd, phau Vajlugkub
yuav pab koj los paub Vajtswv thiab ua nws tus phoojywg.
D Nyeem Ntawv Nkauj 19:7,11; Yakaunpau 2:23; 4:8.
4. Koj yuav ua li cas koj thiaj nkag siab phau Vajlugkub?
Thaum Yexus qhia tibneeg, nws piav ib nqes zuj zus, kom lawv
“to taub Vajtswv Txojlus.” Phau ntawv no yuav qhia raws li tus
qauv uas Yexus tso tseg, peb thiaj nkag siab Vajtswv Txojlus.
D Nyeem Luka 24:27, 45.
Txoj xov zoo hauv Vajtswv Txojlus yeej zoo tshaj plaws li.
Txawm li ntawd los, coob leej tsis nyiam thiab tsis xav kawm
phau Vajlugkub li. Tsis txhob poob siab; qhov uas koj paub
Vajtswv yuav pab kom koj tau txojsia nyob mus ib txhis.
D Nyeem Yauhas 17:3.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 2.
7
4
Yexus Khetos Yog Leejtwg?
1. Yexus lub neej pib li cas los?
Yexus txawv ntawm peb tibneeg rau qhov nws yog ib tug plig
nyob saum ntuj ceeb tsheej ua ntej nws los yug ua tibneeg hauv
ntiajteb. (Yauhas 8:23) Yexus yog thawj yam uas Vajtswv tau
tsim, thiab Vajtswv yog tus uas tsim kiag Yexus. Tom qab ntawd,
Vajtswv mam li txib kom Yexus tsim ib puas tsav yam. Twb yog
vim li ntawd, Vajtswv Txojlus thiaj muab Yexus hu ua Vajtswv “tib
leeg” Tub. (Yauhas 1:14) Tsis tas li ntawd xwb, Yexus yog tus uas
cev Vajtswv lus, nws thiaj tau lub npe meej mom hu ua “Txojlus.”
D Nyeem Paj Lug 8:22, 23, 30; Khaulauxi 1:15; Yauhas 1:3.
2. Vim li cas Yexus los hauv ntiajteb no?
Vajtswv yog tus uas txib Yexus los rau hauv ntiajteb. Vajtswv
muab Yexus txojsia hloov los rau hauv tus ntxhais nkauj xwb, hu
ua Maivliag lub tsev menyuam. Yog li ntawd, Yexus txiv tsis yog
neeg ntiajteb. (Luka 1:30-35) Yexus lub hom phiaj los hauv ntiajteb yog li no: (1) Los qhia qhov tseeb txog Vajtswv, (2) los ua
qauv seb yuav npuab siab rau Vajtswv li cas thaum raug kev
nyuaj siab, thiab (3) los muab nws txojsia “txhiv” noob neej.
D Nyeem Mathai 20:28.
3. Vim li cas yuav tsum muaj ib tug los txhiv peb?
Tus nqe txhiv yog peev nyiaj them los tso ib tug neeg dim
ntawm lub txim tuag. (Khiav Dim 21:29, 30) Vajtswv lub ntsiab
rau noob neej, tsis yog kom peb txawj laus txawj tuag. Peb paub
li ntawd rau qhov Vajtswv qhia thawj tug txivneej Adas tias, yog
nws ua txhaum ces nws yuav raug txim tuag. Yog li ntawd, yog
tias Adas tsis ua txhaum ces nws
yeej tsis tuag li. (Chiv Keeb 2:16,
Yexus coj li cas
17; 5:5) Phau Vajlugkub qhia tias
kev tuag kis rau noob neej yog tim
tibneeg thiaj tsis
Adas. Nws xub ua txhaum nws tej
ntshai nws?
xeeb leej xeeb ntxwv txhua tus thiaj
—MATHAI 11:29;
MALAKAU 10:13-16.
ua txhaum. Peb thiaj cheem tsum tus nqe txhiv los tso peb dim
ntawm lub txim tuag. D Nyeem Loos 5:12; 6:23.
Leejtwg thiaj yuav txhiv tau tibneeg dim kev ploj kev tuag?
Thaum tibneeg tuag, twb yog lawv them lawv lub txim ntag. Yog
li ntawd, yeej tsis muaj ib tug neeg txhaum yuav txhiv tau lwm tus
txojsia kiag li. D Nyeem Ntawv Nkauj 49:7-9.
4. Vim li cas Yexus thiaj tuag?
Yexus tsis yog ib tug neeg muaj txim li peb. Yog li ntawd
yeej tsis tsim nyog nws raug kev ploj kev tuag. Tiamsis Yexus tuag
los txhiv tibneeg txhaum. Vajtswv hlub noob neej kawg li, nws
thiaj txib nws tus Tub los tuag rau peb. Yexus kuj hlub peb kawg
li thiab, nws thiaj ua raws li nws Leej Txiv lub siab nyiam es muab
nws txojsia los txhiv peb. D Nyeem Yauhas 3:16; Loos 5:18, 19.
5. Nimno Yexus ua dabtsi lawm?
Thaum Yexus los hauv ntiajteb, nws kho cov neeg muaj mob,
tsa cov tuag sawv rov los, thiab pab cov uas muaj kev nyuaj siab
txom nyem. Tej ntawd ua pov thawj txog tej uas Yexus yuav ua los
pab cov ncaj ncees rau yav tom hauv ntej. (Mathai 15:30, 31;
Yauhas 5:28) Tom qab Yexus tuag lawm, Vajtswv tsa nws sawv
rov qab los muaj lub cev plig. (Efexau 1:20) Yexus zaum ntawm
Vajtswv sab xis mus txog thaum Vajtswv tsa nws ua Vajntxwv
kav lub ntiajteb. (Henplais 10:12, 13) Niaj hnub no Yexus twb ua
Vajntxwv saum ntuj ceeb tsheej lawm. Nws cov thwjtim thiaj
tshaj tawm txoj xov zoo ntawd thoob plaws lub ntiajteb.
D Nyeem Daniyee 7:13,14; Mathai 24:14.
Tshuav tsis ntev xwb, Yexus yuav siv nws lub hwjchim kav
los rhuav tshem tej kev txom nyem hauv ntiajteb no thiab
rhuav cov neeg limhiam uas tsim kev kub ntxhov. Txhua tus uas
muaj kev ntseeg rau Yexus thiab mloog nws tej lus, yuav tau
nyob hauv lub vaj kaj siab hauv ntiajteb no mus ib txhis.
D Nyeem Ntawv Nkauj 37:9-11.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 4 thiab 5.
9
5
Vajtswv Lub Ntsiab Rau Lub
Ntiajteb Yog Dabtsi?
1. Vim li cas Vajtswv tsim lub ntiajteb?
Yehauvas tsim lub ntiajteb rau tibneeg nyob. Nws tsis tau
tsim thawj nkawm niam txiv, Adas thiab Eva nyob saum ntuj,
kom muaj tub muaj ki saum ntuj ceeb tsheej. Tiamsis ntuj ceeb
tsheej yog rau cov tubtxib saum ntuj nyob. (Yauj 38:4, 7)
Vajtswv tsim lub vaj Edee zoo nkauj heev rau Adas nyob. (Chiv
Keeb 2:15-17) Yog li ntawd, Yehauvas xav kom Adas thiab nws
tej tub ki muaj txojsia nyob mus ib txhis hauv lub ntiajteb no.
D Nyeem Ntawv Nkauj 37:29; 115:16.
Thaum chiv keeb lub vaj Edee thiaj li yog ib lub vaj kaj siab
xwb. Vajtswv xav kom Adas thiab Eva cov xeeb ntxwv huam vam
thoob ntiajteb, thiab nws xav kom lawv muab lub ntiajteb no tu
ua ib lub vaj kaj siab. (Chiv Keeb 1:28) Yog li, lub ntiajteb no yeej
yuav tsis raug rhuav tshem ib zaug li. Thiab noob neej yuav nyob
hauv lub ntiajteb no mus ib txhis. D Nyeem Ntawv Nkauj 104:5.
2. Vim li cas lub ntiajteb ho tsis yog ib lub
vaj kaj siab lawm?
Vim Adas thiab Eva nkawd tsis mloog Vajtswv lus, Vajtswv
thiaj tsis pub nkawd nyob hauv lub vaj kaj siab lawm. Txij thaum
ntawd los, tsis muaj leejtwg yuav kho tau lub ntiajteb no kom
zoo li lub vaj kaj siab ntawd. Phau Vajlugkub thiaj hais tias: “Lub
ntiajteb muab cob rau hauv cov neeg limhiam txhais tes.”—Yauj
9:24. D Nyeem Chiv Keeb 3:23, 24.
Puas yog Yehauvas ua tsis tau li nws tej lus cog tseg rau noob
neej? Tsis yog! Nws yog tus muaj hwjchim loj dua ntais. Tej uas
nws npaj tseg, yeej yuav muaj tiav. (Yaxaya 45:18) Vajtswv yeej
yuav kho kom tibneeg rov muaj lub neej li nws tau npaj tseg
thaum chiv keeb. D Nyeem Ntawv Nkauj 37:11, 34.
3. Vajtswv yuav kho lub ntiajteb no li cas?
Lub caij uas Yexus kav, nws yuav ntaus ib ntsuj rog hu ua
Amakedoo. Thaum ntawd Yexus thiab cov tubtxib saum ntuj
10
yuav muab cov neeg uas tawm tsam Vajtswv rhuav tshem tibsi.
Thiab Yexus yuav muab Xatas kaw 1,000 xyoo. Vajtswv cov tibneeg yuav dim Amakedoo vim Yexus yuav ua tus coj thiab tsom
kwm lawv. Tom qab ntawd, yuav muab lub ntiajteb kho ua ib lub
vaj kaj siab. Cov ncaj ncees yuav tau txais txojsia ib txhis tsis
kawg hauv ntiajteb no. D Nyeem Qhia Tshwm 20:1-3; 21:3, 4.
4. Thaum twg Vajtswv mam li rhuav kev txom nyem?
Yexus qhia tias yuav muaj ib “yam txujci” ua pov thawj tias
hnub kawg twb los ze lawm. Niaj hnub no, muaj kev kub ntxhov
ntau yam. Tej no qhia tias peb twb nyob rau “lub caij lub nyoog”
uas yuav kawg lawm, tej kab ke hauv lub sim ceeb no yuav dua
mus. D Nyeem Mathai 24:3, 7-14, 21, 22.
Thaum Yexus ua Vajntxwv kav 1,000 xyoo saum ntuj ceeb
tsheej tuaj rau ntiajteb no, nws yuav muab tej kev txom nyem
rhuav tshem huvsi. (Yaxaya 9:6, 7; 11:9) Yexus kuj yuav ua tus Pov
Thawj Hlob uas tshem tawm tibneeg lub txim txhaum. Vim muaj
Yexus tus nqe txhiv, Vajtswv yuav rhuav tshem kev mob kev nkeeg,
thiab kev ploj kev tuag. D Nyeem Yaxaya 25:8; 33:24.
5. Leejtwg yuav nyob hauv lub Vaj Kaj Siab?
Cov uas mloog Vajtswv lus yuav tau nyob hauv lub Vaj Kaj
Siab. (1 Yauhas 2:17) Yexus tau txib kom nws cov thwjtim mus
nrhiav thiab qhia cov neeg siab mos muag, kom lawv paub ua
lub neej haum Vajtswv siab. Niaj hnub no, Yehauvas tabtom cob
qhia coob leej ntau tus los nyob hauv lub Vaj Kaj Siab. (Xefaniya
2:3) Tom Yehauvas cov Timkhawv tej Tsev Nceeg Vaj, lawv siv
phau Vajlugkub los pab kom cov txiv paub hlub pojniam menyuam, thiab cov niam tsev paub hwm tus txiv. Cov niam txiv
thiab lawv cov menyuam koom ib lub siab pe hawm Vajtswv,
thiab xyaum raws li txoj xov zoo. D Nyeem Mikha 4:1-4.
Tom tej Tsev Nceeg Vaj,
koj yuav ntsib cov uas
hlub Vajtswv thiab xav ua
raws li nws siab nyiam
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 3.
11
6
Peb Puas Yuav Rov Pom Cov Uas
Tuag Lawd?
1. Puas muaj xov zoo txog cov uas tuag lawd?
Yexus muaj ib tug phoojywg zoo heev nyob hauv lub zos
Npethani, hu ua Laxalau. Thaum Yexus mus txog hauv Npethani,
Laxalau twb tuag tau 4 hnub lawm. Yexus thiaj nrog Laxalau 2
tug muam, Mathas thiab Maivliag mus tom lub qhov ntxa. Kuj
muaj neeg coob kawg li tuaj ntawd thiab. Thaum Yexus tsa
Laxalau ciaj sawv rov qab los, peb yeej paub tias Mathas thiab
Maivliag nkawd zoo siab tshaj plaws li, puas yog?
D Nyeem Yauhas 11:21-24, 38-44.
Mathas twb paub txoj xov zoo ntsig txog cov uas tuag lawm.
Nws ntseeg tias muaj ib hnub Yehauvas yuav tsa cov tuag sawv
rov qab los nyob hauv lub ntiajteb. D Nyeem Yauj 14:14, 15.
2. Cov tuag zoo li cas lawd?
Vajtswv muab hmoov av tsim ua tibneeg. (Chiv Keeb 2:7;
3:19) Peb tsis muaj ib tug ntsuj plig nyob hauv peb lub cev.
Tiamsis Vajtswv tsim peb tibneeg muaj roj muaj ntshav. Yog li
ntawd, tom qab ib tug neeg tuag lawm, tsis muaj ib yam dabtsi
yuav ciaj mus nyob rau lwm qhov. Nws lub hlwb tsis ua haujlwm
lawm. Nws lub cim xeeb los kuj kawg rau hnub ntawd lawm.
Thaum Laxalau sawv rov qab los, nws thiaj hais tsis txog qhov
uas mus nyob rau lwm qhov. Kev tuag zoo ib yam li tsaug zog
xwb. D Nyeem Ntawv Nkauj 146:4; Laj Lim Tswvyim 9:5, 6, 10.
Vajtswv puas siv hluav taws tsim txom cov tuag? Raws li
peb kawm, phau Vajlugkub qhia tias tom qab ib tug neeg tuag,
nws tsis paub dabtsi li lawm. Yog li tej lus qhia txog ntuj tawg yog
Vajtswv hais rau Adas
tias: “Koj yog hmoov
av, mas koj yuav rov
mus ua hmoov av.”
—CHIV KEEB 3:19.
12
lus dag, lus iab hiam Vajtswv xwb. Vajtswv yeej tsis tsim txom
tibneeg li ntawd ib zaug li.
Nyeem Yelemi 7:31.
3. Cov tuag puas nrog tau peb txuas lus?
Thaum ib tug neeg tuag, nws tsis hnov lus thiab nws nrog
peb txuas lus tsis tau lawm. (Ntawv Nkauj 115:17) Yehauvas txwv
tsis pub peb hu cov tuag. Vim li cas? Vim tias muaj ib co tubtxib
limhiam. Lawv hais lus rau tibneeg thiab ua txuj dag tias lawv yog
cov neeg uas tuag lawm.—Yuda 6.
Nyeem Kevcai 18:10, 11.
4. Vajtswv yuav tsa leejtwg ciaj sawv rov qab los?
Vajtswv yuav tsa tsheej plhom leej uas tau tuag lawm,
ciaj sawv hauv qhov tuag rov qab los. Nws kuj yuav
tsa cov neeg uas tsis tau kawm txog nws, thiab tej tug
uas coj lub neej tsis zoo, sawv rov qab los thiab.
Nyeem Tubtxib Tes Haujlwm 24:15.
Vajtswv xav kom cov uas ciaj sawv rov qab los, kawm qhov
tseeb txog Vajtswv, muaj kev ntseeg thiab ua raws li Yexus hais.
(Qhia Tshwm 20:11-13) Cov uas xyaum coj zoo yuav tau txais
txojsia nyob mus ib txhis.
Nyeem Yauhas 5:28, 29.
5. Qhov uas Yehauvas tsa tibneeg sawv rov qab
los qhia li cas txog nws?
Vajtswv tau txib nws tus Tub los tuag theej peb lub txhoj, peb
thiaj muaj kev cia siab tias yav tom hauv ntej cov tuag yuav sawv
rov qab los. Qhov uas Vajtswv yuav ua li no, qhia tias Nws hlub
tibneeg tshaj plaws li. Ua li thaum cov uas tuag ciaj sawv rov qab
los, koj xav pom leejtwg tshaj?
Nyeem Yauhas 3:16; Loos 6:23.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 6, 7, thiab 10.
13
7
Vajtswv Lub Nceeg Vaj Yog Dabtsi?
1. Vajtswv lub Nceeg Vaj yog dabtsi?
Vajtswv lub Nceeg Vaj yog nws lub tseem fwv nyob saum
ntuj ceeb tsheej. Lub tseem fwv ntawd yuav hloov tej nom tswv
hauv ntiajteb chaw, thiab yuav kho kom ntuj ceeb tsheej thiab
ntiajteb zoo raws li Vajtswv lub siab nyiam. Tibneeg ntshaw ib
lub tseem fwv uas coj ncaj; Vajtswv lub Nceeg Vaj yuav ua tau li
ntawd. Lub Nceeg Vaj yuav pab kom sawvdaws nyob sib haum
xeeb. Txoj xov txog Vajtswv lub Nceeg Vaj yeej zoo kawg nkaus li.
D Nyeem Daniyee 2:44; Mathai 6:9,10; 24:14.
Thaum ib haiv neeg twg ciaj ua ib nceeg vaj, yeej muaj ib tug
vaj los kav lawv. Yehauvas tau tsa nws tus Tub Yexus Khetos ua tus
Vajntxwv kav Nws lub Nceeg Vaj. D Nyeem Qhia Tshwm 11:15.
2. Vim li cas tsim nyog Yexus ua Vajntxwv?
Tsim nyog Yexus ua Vajntxwv rau qhov nws muaj lub siab
dawb siab zoo thiab ua ncaj ua ncees. (Yauhas 1:14) Tsis tas
li ntawd xwb, Yexus muaj hwjchim pab tau txhua leej txhua tus,
vim nws yuav kav saum ntuj tuaj.
Tsis ntev tom qab Yexus sawv hauv
qhov tuag los, nws rov qab mus saum
Vim li cas
ntuj ceeb tsheej, thiab mus zaum
tsim nyog Yexus
ntawm Vajtswv sab tes xis. (Henplais
10:12, 13) Nimno Vajtswv twb
ua Vajntxwv?
tsa Yexus ua Vajntxwv kav lawm.
—MALAKAU 1:40-42.
D Nyeem Daniyee 7:13,14.
3. Leejtwg yuav nrog Yexus kav thiab?
Muaj ib pab uas yog “cov neeg dawb huv” yuav nrog Yexus kav
saum ntuj ceeb tsheej. (Daniyee 7:27) Yexus xub xaiv nws cov tubtxib ncaj ncees los ua cov uas yuav nrog nws kav. Txij thaum ntawd
los txog niaj hnub no, Yehauvas tau xaiv tej txhia pojniam thiab
txivneej uas muab siab npuab nws, los nrog Yexus kav thiab. Cov
neeg ntawd yuav sawv hauv qhov tuag rov qab los, muaj lub cev
plig ib yam li Yexus. D Nyeem Yauhas 14:1-3; 1 Khaulee 15:42-44.
14
Yexus muab cov uas yuav mus saum ntuj hu ua “pab nyuag yaj
me me” lossis pab yaj tsawg. (Luka 12:32) Yuav muaj pes tsawg
leej mus saum ntuj? Yuav muaj 144,000 leej nrog Yexus kav saum
ntuj tuaj rau hauv ntiajteb no. D Nyeem Qhia Tshwm 14:1.
4. Thaum Yexus pib kav tau muaj dabtsi tshwm sim?
Vajtswv lub Nceeg Vaj pib kav xyoo 1914.1 Thaum Yexus pib kav,
nws tau muab Xatas thiab Xatas cov dab ntiab tawm los rau hauv
ntiajteb no. Xatas npau taws kawg li, nws thiaj tsim ntau yam kev
kub ntxhov. (Qhia Tshwm 12:7-10, 12) Txij thaum ntawd los, noob
neej thiaj muaj kev txom nyem zuj zus ntxiv xwb. Muaj kev tsov kev
rog, kev tshaib kev nqhis, kev mob kev nkeeg, thiab av qeeg txhua
qhov. Tej no yog “yam txujci” ua pov thawj tias, tshuav tsis ntev
xwb Vajtswv lub Nceeg Vaj yuav los kav txhua yam hauv ntiajteb
no. D Nyeem Luka 21:7, 10, 11, 31.
5. Vajtswv lub Nceeg Vaj yuav ua dabtsi?
Niaj hnub no Vajtswv cov tibneeg tshaj tawm txoj xov zoo
thoob plaws ntiajteb. Lub Nceeg Vaj twb rub tau ib pab neeg
coob coob los ntawm txhua haiv neeg, los nyob sib haum xeeb.
Cov neeg no txo hwjchim zwm rau Yexus txojkev kav. Thaum lub
sim ceeb limhiam no raug rhuav tshem, lub Nceeg Vaj yuav tiv
thaiv lawv. Yog li ntawd, txhua tus uas xav txais tej koob hmoov
ntawm lub Nceeg Vaj, yuav tsum zwm rau Yexus txojkev kav.
D Nyeem Qhia Tshwm 7:9,14,16,17.
Lub Nceeg Vaj yuav siv li 1,000 xyoo los kho kom lub ntiajteb
no rov qab yog ib lub vaj kaj siab. Ib puas tsav yam yuav muaj
tiav raws li Vajtswv lub ntsiab thaum chiv keeb. Tom qab ntawd,
Yexus yuav rov muab lub Nceeg Vaj rau nws Leej Txiv ua tus kav.
(1 Khaulee 15:24-26) Koj yuav qhia leejtwg txog lub Nceeg Vaj no?
D Nyeem Ntawv Nkauj 37:10,11, 29.
1 Yog xav paub ntxiv txog xyoo 1914, thov mus nyeem phau ntawv hu ua Phau
Vajlugkub Qhia Txog Dabtsi Tiag? ntawm sab 246-249.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 8 thiab 9.
15
8
Ua Li Cas Vajtswv Cia Muaj Kev
Limhiam Thiab Kev Txom Nyem?
1. Vim li cas thiaj muaj kev limhiam?
Xatas tau dag ntxias noob neej, thiaj muaj tej kev limhiam
tshwm los. Ua ntej Xatas ntxeev siab rau Vajtswv nws yog ib tug
tubtxib saum ntuj uas zoo kawg nkaus; tiamsis nws nyob tsis ruaj
“hauv qhov tseeb.” (Yauhas 8:44) Tsim nyog tibneeg pe hawm Vajtswv xwb. Tiamsis Xatas ntshaw kom tibneeg pe hawm nws. Xatas
thiaj dag kom Eva txhob mloog Vajtswv lus. Adas kuj nrog Eva
ntxeev siab rau Vajtswv thiab. Vim Adas tau txiav txim siab tsis
mloog Vajtswv lus, noob neej thiaj raug kev txom nyem thiab kev
ploj kev tuag. D Nyeem Chiv Keeb 3:1-6, 19.
Thaum Xatas ntxias Eva ua txhaum, twb yog nws sawv tawm
tsam Vajtswv lub hwjchim kav ntag. Niaj hnub no, tibneeg
feem coob kuj tsis kam txais yuav Vajtswv txojkev kav. Phau
Vajlugkub thiaj qhia tias Xatas yog “tus uas kav ntiajteb.”
D Nyeem Yauhas 14:30; 1 Yauhas 5:19.
2. Puas yog Vajtswv tsis txawj tsim tibneeg?
Thaum Vajtswv tsim cov tubtxib saum ntuj thiab tibneeg, lawv
tsis muaj txim thiab tsis nyuaj rau lawv mloog Vajtswv lus. Txhua
yam uas nws tsim tau yeej zoo kawg nkaus. (Kevcai 32:4, 5) Vajtswv
tsim kom peb paub txiav txim seb peb yuav ua zoo los ua phem. Yog
tias peb hlub Vajtswv tiag tiag, peb yuav txiav txim siab ua qhov zoo
li nws siab nyiam. D Nyeem Yakaunpau 1:13-15; 1 Yauhas 5:3.
Vajtswv ncua
sijhawm ntev
heev rau tibneeg
kav, xwv thiaj
qhia tseeb tias
lawv kho tsis tau
noob neej tej
teeb meem
3. Vim li cas Vajtswv ho cia
muaj kev txom nyem los txog
niaj hnub no?
Txij thaum noob neej tawm tsam
Vajtswv hauv lub vaj Edee los, Yehauvas cia tibneeg kav tibneeg. Vim li
cas? Nws ua li no kom sawvdaws
pom tseeb tias, tibneeg txojkev kav
pab tsis tau noob neej. (Laj Lim Tswvyim 7:29; 8:9) Tibneeg twb kav tau
6,000 xyoo los lawm, lawv kho tsis tau tej kev tsov kev rog, kev mob
kev nkeeg, thiab kev nkhib kev nkhaus. Tag nrho tej no qhia tias
tsuas yog Vajtswv txojkev kav, thiaj yuav pab tau noob neej xwb.
D Nyeem Yelemi 10:23; Khiav Dim 9:16.
Vajtswv txojkev kav yuav pab tau tibneeg lub neej. (Yaxaya 48:17,
18) Tsis ntev xwb Yehauvas yuav rhuav tshem tag nrho tibneeg
tej kev nom kev tswv. Tsuas yog cov uas txais yuav Vajtswv txojkev
kav thiaj tau nyob hauv lub ntiajteb no xwb.—Yaxaya 11:9.
D Nyeem Daniyee 2:44.
4. Vim li cas Vajtswv muaj lub siab ntev rau peb?
Vajtswv ua siab ntev rau peb, xwv peb thiaj qhia tau tias peb
muaj lub siab xav teev tiam nws tiag. Xatas liam tias tibneeg tsuas
teev tiam Yehauvas kom lawv tau koob hmoov xwb. Nws liam tias
peb tsis hlub Vajtswv hauv nruab siab tuaj. Ua li koj puas ntseeg li
ntawd? Yog tias koj coj lub neej li Vajtswv siab nyiam, qhov no yuav
qhia tias koj zwm rau Vajtswv txojkev kav thiab koj yeej hlub nws
tiag. D Nyeem Yauj 1:8-12; Paj Lug 27:11.
5. Peb yuav zwm rau Vajtswv
txojkev kav li cas?
Yog tias peb zwm
rau Vajtswv txojkev
kav, peb yuav tsum
coj raws li nws lub
siab nyiam
Yog tias peb zwm rau Vajtswv
txojkev kav, peb yuav siv sijhawm los
tshawb nrhiav Vajtswv Txojlus,
peb thiaj paub pe hawm raws li Vajtswv
siab nyiam. (Yauhas 4:23) Ib yam li Yexus, peb yuav tsum tsis txhob mus koom nrog kev nom kev tswv
thiab kev tsov kev rog, thiaj qhia tias peb tsis tuaj Xatas tog.
D Nyeem Yauhas 17:14.
Xatas xav kom tibneeg koom tej kev phem kev qias. Yog li ntawd,
thaum peb tsis kam ua tej ntawd, tej zaum peb cov kwvtij phoojywg
yuav cem yuav thuam peb. (1 Petus 4:3, 4) Peb yuav tau txiav txim
siab rau peb tus kheej. Peb puas yuav nrog cov uas hlub Vajtswv los
tsis nrog? Peb puas yuav mloog Vajtswv tej kevcai los tsis mloog?
Yog tias peb npuab siab rau Yehauvas tiag, ces yuav qhia tias, tej uas
Xatas twv txog Vajtswv ntawd tsis muaj tseeb. D Nyeem 1 Khaulee
6:9, 10; 15:33.
Vajtswv hlub tibneeg kawg nkaus li. Yog li ntawd, nws yeej yuav
rhuav tej kev phem limhiam thiab kev txom nyem. Cov uas muaj kev
ntseeg thiab zwm rau Vajtswv txojkev kav, yuav tau txojsia nyob mus
ib txhis hauv ntiajteb no. D Nyeem Yauhas 3:16.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 11.
17
9
Tsev Neeg Yuav Tsum Ua Li Cas
Thiaj Muaj Kev Zoo Siab?
1. Yuav kom tsev neeg muaj kev zoo siab, vim li cas ob niam
txiv yuav tsum sib yuav raws li txoj cai?
Tus Vajtswv uas “muaj kev zoo siab” muaj ib txoj xov zoo
uas yuav pab tau lub cuab lub yig muaj kev zoo siab. (1 Timaute
1:11, NW) Vajtswv yog tus txis thawj nkawm niam txiv. Yuav kom
tsev neeg muaj kev zoo siab ob niam txiv yuav tsum sib yuav raws
kev raws cai, cov menyuam thiaj muaj chaw tiag siab. Cov Khixatia
yuav tsum ua ntaub ntawv sib yuav raws li txoj cai hauv lub tebchaws uas lawv nyob.
Nyeem Luka 2:1, 4, 5.
Vajtswv xav kom tus txiv yuav ib tug pojniam xwb, thiab ib leeg
yuav tsum muab siab npuab ib leeg mus li. (Henplais 13:4) Vajtswv ntxub txojkev sib nrauj. (Malakhi 2:16) Tiamsis Vajtswv tso
cai rau cov Khixatia sib nrauj mus yuav dua lwm tus, yog tias nws
tus txij nkawm mus ua nkauj ua nraug lawm.
Nyeem Mathai 19:3-6, 9.
2. Ob niam txiv yuav tau sib hwm li cas?
Yehauvas tsim kom tus txiv thiab tus pojniam nyias muaj nyias
tes haujlwm, los sib txhawb sib pab, thiaj tab tau lub cuab lub
yig. (Chiv Keeb 2:18) Tus txiv tsev yuav tsum ntaus thawj hlo mus
khwv kom tsev neeg tau noj tau haus thiab kom tsev neeg txav ze
rau Vajtswv. Nws yuav tsum muab tej uas nws tus pojniam
cheem tsum, tso ua ntej ntawm nws tus kheej. Thiab ob niam
txiv yuav tau sib hwm, ib leeg xyaum hais lus mos lus muag
rau ib leeg. Txhua tus yog neeg txhaum, yog li ntawd, ob niam
txiv yuav tsum sib zam xeeb thiaj kaj siab.
Nyeem Efexau 4:31, 32; 5:22-25, 33; 1 Petus 3:7.
3. Yog tias tsis muaj kev zoo siab, puas tsim nyog sib cais?
Yog tias neb ob niam txiv muaj teeb meem, neb yuav tsum
xyaum ua siab ntev, ib leeg hais lus zoo rau ib leeg. (1 Khaulee
13:4, 5) Cov uas muaj txij nkawm yeej yuav ntsib kev nyuaj siab,
tiamsis Vajtswv Txojlus tsis tau hais tias, yuav tsum sib cais thiaj
kho tau.
Nyeem Malakau 10:9.
18
4. Cov menyuam, Vajtswv xav kom nej tau dabtsi?
Yehauvas xav kom koj muaj kev zoo siab. Nws tib leeg xwb
thiaj qhia tau kom koj muaj kev zoo siab thaum koj tseem
hluas. Nws xav kom koj khaws thiab mloog koj niam koj txiv
lus. (Khaulauxi 3:20) Tsis tas li ntawd xwb, Yehauvas xav
kom koj paub tias, koj yuav tau lub neej zoo tshaj plaws li
yog tias koj coj raws li Nws thiab nws tus Tub tej lus qhia.
Nyeem Laj Lim Tswvyim 11:9–12:1; Mathai 19:13-15; 21:15, 16.
5. Cov niam txiv, nej yuav pab nej cov menyuam muaj
kev zoo siab li cas?
Neb yuav tsum khwv kom neb cov menyuam muaj noj muaj
hnav, muaj vag muaj tse nyob. (1 Timaute 5:8) Tiamsis yuav kom
neb cov menyuam tau txojkev zoo siab tiag, neb yuav tsum qhuab
qhia kom lawv hlub Vajtswv Yehauvas thiab coj raws li nws hais.
(Efexau 6:4) Qhov tseem ceeb yog neb tseg tus qauv zoo rau lawv
xyaum. Yog tias neb hlub Vajtswv tiag yuav rub tau cov menyuam
lub siab kom xav xyaum ib yam li neb thiab. Tsis tas li ntawd xwb,
yog tias neb siv Vajlugkub los cob qhia, lawv yuav thoob tsib to
nrog.
Nyeem Kevcai 6:4-7; Paj Lug 22:6.
Yog tias neb txhawb thiab qhuas neb tej menyuam yuav pab
kom lawv ua tau zoo. Tseem ceeb rau neb qhuab ntuas menyuam,
lawv thiaj paub khiav deb ntawm tej kev phem uas yuav rhuav tau
lawv lub neej. (Paj Lug 22:15) Tiamsis nco ntsoov tias thaum cov
niam txiv qhuab qhia menyuam, tsis txhob rau txim hnyav dhau
lossis ua nruj ua tsiv rau lawv.
Nyeem Khaulauxi 3:21.
Yehauvas cov Timkhawv luam tau ntau phau ntawv
uas yuav pab tau cov niam txiv thiab cov menyuam. Cov
ntaub ntawv no yog rho los ntawm phau Vajlugkub.
Nyeem Ntawv Nkauj 19:7, 11.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 14.
19
10
Txojkev Ntseeg Tseeb Coj Li Cas?
1. Puas yog muaj tib txojkev ntseeg thiaj tseeb xwb?
Yexus qhia rau nws cov thwjtim tias, txojkev ntseeg tseeb zoo li
txojkev uas coj mus txog txojsia. Tiamsis Yexus hais ntxiv tias, tsuas
“muaj tsawg” tus thiaj nrhiav tau txojkev ntawd xwb. (Mathai 7:
14) Vajtswv xav kom peb pe hawm Nws raws li phau Vajlugkub
qhia. Cov uas pe hawm Vajtswv tiag tiag, yuav tsum koom tib
txojkev ntseeg xwb. D Nyeem Yauhas 4:23, 24; 14:6; Efexau 4:5.
“Nej yuav tsum
ceev faj cov
cuav xibhwb cev
Vajtswv lus.”
2. Yexus qhia li cas txog cov
Khixatia cuav?
Yexus twb ceeb toom tias, yuav
muaj cov xibhwb cuav los ntxias cov
Khixatia. Lawv ua txuj coj zoo li lawv
—MATHAI 7:15.
ntseeg Vajtswv thiab lawv tej pab tej
pawg ntseeg los kuj lees tias lawv yog
Khixatia thiab. Tiamsis yog koj saib lawv tes haujlwm koj yeej
paub tias, lawv yog cov Khixatia cuav xwb. Tsuas yog kev ntseeg
tseeb thiaj pab tau cov Khixatia coj tus cwj pwm thiab lub neej
uas Vajtswv pom zoo xwb. D Nyeem Mathai 7:13-23.
3. Txojkev ntseeg tseeb coj li cas?
Cov Khixatia tseeb coj raws li 5 yam no:
˛ Cov ntseeg tseeb suav tias phau Vajlugkub yog Vajtswv
Txojlus. Lawv coj raws li Vajlugkub tej hauv paus ntsiab lus. Yog
li ntawd, txojkev ntseeg tseeb txawv heev ntawm tej kev ntseeg
uas tibneeg xev tswvyim qhia. (Mathai 15:7-9) Cov ntseeg tseeb yeej coj
raws li tej uas lawv qhia. D Nyeem
“Lawv hais
Yauhas 17:17; 2 Timaute 3:16, 17.
tias lawv paub
Vajtswv tiamsis
qhov uas lawv ua,
lawv tsis lees yuav
Vajtswv.”
—TITAU 1:16.
˛ Yexus cov tseem thwjtim
yeej hwm Yehauvas lub npe. Yexus
yeej hwm Vajtswv lub npe heev, nws
thiaj tshaj tawm Vajtswv lub npe rau txhua leej txhua tus paub. Yexus tau qhia kom cov tibneeg txav ze rau Vajtswv. Nws kuj qhia
lawv thov Vajtswv, kom tibneeg hwm Vajtswv lub npe dawb huv.
(Mathai 6:9) Txojkev ntseeg twg thiaj li tshaj tawm txog Vajtswv
lub npe? D Nyeem Yauhas 17:26; Loos 10:13, 14.
˛ Cov tseem Khixatia tshaj tawm txog Vajtswv lub Nceeg Vaj.
Vajtswv tau txib kom Yexus los hauv ntiajteb no los tshaj tawm txoj
xov zoo txog lub Nceeg Vaj. Tsuas yog Vajtswv lub Nceeg Vaj thiaj li
yuav pab tau noob neej xwb. Yexus tshaj tawm lub Nceeg Vaj
ntawd mus txog hnub uas nws raug tua. (Luka 4:43; 8:1; 23:42,
43) Yexus hais tias nws cov thwjtim yuav tsum tshaj tawm txog lub
Nceeg Vaj ntawd. Yog li txojkev ntseeg twg, thiaj tshaj tawm txog
Vajtswv lub Nceeg Vaj? D Nyeem Mathai 24:14.
˛ Yexus cov thwjtim tsis koom nrog lub qab ntuj phem no.
Cov ntseeg tseeb yeej tsis koom nrog lub qab ntuj no tej kev nom
kev tswv, thiab tsis koom nrog tej kev cov nyom uas laj mej pej
xeem muaj. (Yauhas 17:16; 18:36) Tsis tas li ntawd xwb, lawv tsis
xyaum lub qab ntuj no tus cwj pwm thiab tej kev phem kev qias.
D Nyeem Yakaunpau 4:4.
˛ Cov tseem Khixatia yeej txawj sib hlub tiag. Cov ntseeg
tseeb coj li Vajtswv Txojlus lawv thiaj hwm thiab saib taus
txhua haiv neeg. Thaum ib haiv neeg sawv tawm tsam ib haiv
neeg, kev ntseeg cuav yeej koom tes nrog tej kev tsov kev rog
ntawd kiag. Tiamsis cov ntseeg tseeb yeej tsis koom li ntawd.
(Mikha 4:1-3) Cov tseem Khixatia zoo siab hlo siv lawv tej
nyiaj txiag thiab lub dag lub zog mus pab txhawb lwm tus.
D Nyeem Yauhas 13:34, 35; 1 Yauhas 4:20.
4. Koj puas paub txojkev ntseeg twg yog txoj tseeb?
Txojkev ntseeg twg qhia raws li Vajtswv Txojlus? Txoj twg hwm
Vajtswv lub npe? Txoj twg tshaj tawm tias tsuas yog Vajtswv lub
Nceeg Vaj thiaj cawm tau noob neej xwb? Txojkev ntseeg twg thiaj
txawj sib hlub thiab tsis koom kev tsov kev rog? Yog li koj xav seb,
txojkev ntseeg twg thiaj yog txoj tseeb? D Nyeem 1 Yauhas 3:10-12.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 15.
21
11
Vajlugkub Tej Hauv Paus Ntsiab
Lus Pab Tau Peb Li Cas?
1. Vim li cas peb yuav tsum tau Vajtswv txojkev cob qhia?
Tus Tswv Tsim yeej muaj tswvyim tshaj tibneeg. Nws zoo li Leej
Txiv uas hlub peb kawg nkaus li. Nws tsis tau tsim kom peb los ua
tus coj peb txoj hau kev. (Yelemi 10:23) Ib yam li tej menyuam yaus
cheem tsum leej niam leej txiv cob qhia, peb cheem tsum Vajtswv
txojkev cob qhia thiab. (Yaxaya 48:17, 18) Vajtswv thiaj muab nws tej
hauv paus ntsiab lus los cob qhia peb. D Nyeem 2 Timaute 3:16.
Yehauvas tej kevcai thiab nws tej hauv paus ntsiab lus yuav pab
peb xyaum zoo tamsim no, thiab yuav pab peb tau txojsia nyob
mus ib txhis rau yav tom hauv ntej. Tsim nyog peb nco Vajtswv txiaj
ntsig thiab mloog nws lus, rau qhov nws yog tus uas tsim peb txhua
leej txhua tus. D Nyeem Ntawv Nkauj 19:7, 11; Qhia Tshwm 4:11.
2. Vajlugkub tej hauv paus ntsiab lus yog dabtsi?
Vajtswv tej hauv paus ntsiab lus yeej txawv ntawm nws tej kevcai.
Txawv li cas? Tej hauv paus ntsiab lus yog tej lus tseeb uas pab tau
peb rau ntau txoj hau kev. Tiamsis tej kevcai tsuas hais tsi ntsees rau
ib yam twg xwb. (Kevcai 22:8) Ua ntej peb yuav ua ib yam twg, peb
yuav tsum ua tib zoo xav txog lub hauv paus ntsiab lus, seb peb yuav
coj li cas thiaj zoo. (Paj Lug 2:10-12) Xav txog lub hauv paus ntsiab
lus no: Vajtswv yog tus pub txojsia rau peb. Yog tias peb nkag siab
lub ntsiab lus no, peb yuav ua neeg xyuam xim. Tsis hais thaum peb
ua dej ua num, nyob hauv vaj hauv tsev, mus ua si, los peb yeej tsis
lam phov siav ua. D Nyeem Tubtxib Tes Haujlwm 17:28.
3. Ob lub hauv paus ntsiab lus twg tseem ceeb heev?
Yexus tau qhia txog 2 lub hauv paus ntsiab lus uas tseem
ceeb kawg li. Thawj lub yuav pab kom peb nkag siab tias, noob
neej tsim los muaj hauv paus hauv
ntsis. Vajtswv tsim peb los paub
thiab hlub nws, thiab kom peb
Tej hauv paus
muab siab npuab nws mus li. Yog
ntsiab lus yuav
li, ua ntej peb yuav txiav txim siab
pab tau peb
xyuam xim li cas?
—NTAWV NKAUJ 36:9.
ua ib yam dabtsi twg, peb yuav tsum nco ntsoov lub hauv paus
ntsiab lus no. (Paj Lug 3:6) Cov uas coj raws li lub hauv paus
ntsiab lus no yuav muaj kev zoo siab, yuav muaj kev sib raug
zoo nrog Vajtswv, thiab yuav tau txais txojsia nyob mus ib txhis.
D Nyeem Mathai 22:36-38.
Lub hauv paus ntsiab lus 2, yuav pab tau peb muaj kev sib raug
zoo nrog lwm leej lwm tus. (1 Khaulee 13:4-7) Yog tias peb coj
raws li lub hauv paus ntsiab lus no, peb yuav saib taus lwm leej
lwm tus ib yam li Vajtswv. D Nyeem Mathai 7:12; 22:39, 40.
4. Vajlugkub tej hauv paus ntsiab lus pab tau peb li cas?
Vajlugkub tej hauv paus ntsiab lus yuav pab tau kom lub
cuab lub yig txawj sib hlub, sib koom siab. (Khaulauxi 3:12-14)
Vajtswv Txojlus kuj pab kom tsev neeg nyob ruaj khov, vim
muaj lus qhia tias ob niam txiv yuav tsum nyob ua ke mus li.
D Nyeem Chiv Keeb 2:24.
Phau Vajlugkub yuav pab peb nrhiav tau noj tau haus. Cov neeg
nquag uas coj ncaj raws li phau Vajlugkub tej hauv paus ntsiab lus,
yog cov uas tej lospav xav tau los ua haujlwm ua ntej. (Paj Lug
10:4, 26; Henplais 13:18) Vajtswv Txojlus kuj qhia tias peb yuav
tsum txaus siab rau tej yam uas peb muaj. Tsis txhob muab nyiaj
txiag saib hlob dua qhov uas peb nrog Vajtswv sib raug zoo.
D Nyeem Mathai 6:24, 25, 33; 1 Timaute 6:8-10.
Phau Vajlugkub tej hauv paus ntsiab lus yuav pab tau peb kev
noj qab haus huv. (Paj Lug 14:30; 22:24, 25) Xws li, phau Vajlugkub muaj ib txoj cai uas txwv tsis pub quav dej quav cawv. Qhov no
yuav pab kom peb zam dhau tej teeb meem thiab kev mob kev
nkeeg. (Paj Lug 23:20) Yehauvas tsuas tso cai rau peb haus cawv
kom hauj sim xwb. (Ntawv Nkauj 104:15; 1 Khaulee 6:10) Vajtswv
tej hauv paus ntsiab lus tsis yog yuav pab kom peb coj huv xwb,
tiamsis yuav pab kom peb txojkev xav dawb huv thiab. (Ntawv
Nkauj 119:97-100) Tsis yog cov tseem Khixatia coj raws li Vajtswv
tej kevcai kom lawv tau zoo xwb, tiamsis lawv yeej muaj lub siab
hwm Vajtswv tiag. D Nyeem Mathai 5:14-16.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 12 thiab 13.
23
12
Koj Yuav Nrog Vajtswv Sib Raug
Zoo Li Cas?
1. Vajtswv puas hnov txhua tus tej lus thov?
Vajtswv caw kom txhua haiv neeg tig los thov nws, lawv thiaj
nrog nws sib raug zoo. (Ntawv Nkauj 65:2) Tiamsis tsis yog Vajtswv yuav mloog txhua leej txhua tus tej lus thov. Yog tias ib tug
txivneej ua phem thiab tsis hlub nws tus pojniam, Vajtswv yuav
tsis mloog nws tej lus thov. (1 Petus 3:7) Xav txog cov neeg Yixayee thaum ub. Thaum lawv tsis kam tso lawv tej kev phem tseg,
Vajtswv kuj tsis mloog lawv tej lus thov thiab. Yog li ntawd, peb
yuav tsum nco txiaj ntsig rau Yehauvas, uas nws cia peb los thov
nws. Nco ntsoov tias, yog ib tug neeg ua txhaum loj heev, tiamsis
nws ntxeev dua siab tshiab lawm, ces Vajtswv yuav mloog nws tej
lus thov thiab. D Nyeem Yaxaya 1:15; 55:7.
2. Peb yuav thov Vajtswv li cas?
Cov uas pe hawm Vajtswv yuav tsum thov nws tsis tu ncua,
thiab yuav tsum thov Yehauvas uas yog tus Tswv Tsim, tib leeg xwb.
(Mathai 4:10; 6:9) Peb yuav tsum tuav Yexus lub npe thov rau qhov
Yexus tuag txhiv peb tej kev txhaum. (Yauhas 14:6) Yehauvas tsis xav
kom peb niaj hnub thov cov qub lus xwb, lossis qog tej lus thov uas
lwm tus sau tseg cia. Nws xav kom peb thov nws tawm hauv nruab
siab tuaj. D Nyeem Mathai 6:7; Filipi 4:6, 7.
Txawm peb thov Vajtswv twjywm hauv nruab siab xwb los
Vajtswv yeej paub tibsi. (1 Xamuyee 1:12, 13) Nws xav kom peb
thov txhua lub sijhawm, tsis hais thaum peb sawv, thaum peb
yuav mus pw, ua ntej peb yuav noj mov, thiab thaum peb muaj
kev nyuaj siab. D Nyeem Ntawv Nkauj 55:22; Mathai 15:36.
3. Vim li cas cov Khixatia tuaj sib txoos ua ke?
Muaj cov tibneeg tsis ntseeg Vajtswv nyob puag ncig peb.
Lawv niaj hnub thuam Vajtswv tej lus cog tseg, txog lub
ntiajteb tshiab. Yog li ntawd, yeej tsis yoojyim rau peb nrog
Vajtswv sib raug zoo. (2 Timaute 3:1, 4; 2 Petus 3:3, 13)
24
Peb yuav tsum mus koom cov uas ntseeg Yehauvas. Thaum
peb sib txoos ua ke, ib leeg thiaj txhawb tau ib leeg lub zog.
D Nyeem Henplais 10:24, 25.
Thaum peb nrog cov neeg uas hlub Vajtswv ntaus phoojywg,
ces yuav pab peb muaj kev sib raug zoo nrog Vajtswv. Yog tias
peb mus koom Yehauvas cov Timkhawv tej kev sib txoos, peb
yuav ntsib cov uas muaj kev ntseeg heev rau Vajtswv, ces yuav
txhawb tau peb txojkev ntseeg thiab. D Nyeem Loos 1:11, 12.
4. Koj yuav nrog Vajtswv sib raug zoo li cas?
Koj yuav tsum ua tib zoo xav txog tej ntsiab lus uas koj tau
kawm hauv phau Vajlugkub, koj thiaj sib raug zoo nrog Vajtswv.
Xav txog tej yam uas Vajtswv tau ua, nws tej lus qhuab qhia,
thiab nws tej lus cog tseg. Yog tias koj thov Vajtswv thiab
muab tej no coj los ua tib zoo xav ces koj yuav pom tias,
Vajtswv txojkev hlub thiab nws lub tswvyim loj npaum li cas.
D Nyeem Yausua 1:8; Ntawv Nkauj 1:1-3.
Koj yuav tsum tso siab plhuav rau Vajtswv thiab muaj kev ntseeg
rau nws, koj thiaj nrog Vajtswv sib raug zoo. Nco ntsoov tias kev
ntseeg zoo ib yam li tsob qoob uas yuav tau ywg dej tas zog thiaj
tawg paj txi txiv. Yog li ntawd, ua zoo xav seb yog vim li cas koj ho
tau los ntseeg Vajtswv. Qhov uas koj ua li ntawd yuav txhawb tau
koj txojkev ntseeg. D Nyeem Mathai 4:4; Henplais 11:1, 6.
5. Yog tias koj nrog Vajtswv sib raug zoo yuav pab
tau koj li cas?
Yehauvas yeej tsom kwm cov uas muab siab npuab nws. Nws
muaj peevxwm tiv thaiv lawv, tsis pub lawv raug tej yam uas yuav
txo tau lawv txojkev ntseeg, thiab ua rau lawv plam txojsia ib txhis
tsis kawg. (Ntawv Nkauj 91:1, 2, 7-10) Yehauvas cob qhia kom peb
txawj zam tej yam phem, peb thiaj noj qab nyob zoo thiab tau kev
zoo siab. Yehauvas yog tus qhia kom peb tau lub neej zoo tshaj
plaws. D Nyeem Ntawv Nkauj 73:27, 28; Yakaunpau 4:4, 8.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? hauv tshooj 17.
25
13
Yuav Ua Li Cas Rau Tej
Kev Ntseeg?
1. Puas yog txhua txojkev ntseeg puavleej zoo?
Hauv txhua txojkev ntseeg, muaj ib txhia xav ua raws li Vajtswv
lub siab nyiam thiab. Txoj xov zoo hauv phau Vajlugkub qhia tias,
Vajtswv yeej nco ntsoov thiab hlub tshua cov ntawd. Tu siab heev
uas muaj ntau txojkev ntseeg txhawb tej kev limhiam hauv qab
ntuj no. (2 Khaulee 4:3, 4; 11:13-15) Tibneeg tshawb pom tias,
muaj ntau txojkev ntseeg ua cov nyom tej nom tswv, npaj siab tua
tej haiv neeg kom tu noob nrho, koom kev tsov kev rog, thiab
tseem ua phem ua qias los yuam tej menyuam yaus thiab. Tej kev
phem no yeej ua rau cov uas ntseeg Vajtswv tiag tiag, tsis zoo siab
kiag li! D Nyeem Mathai 24:3-5, 11, 12.
Kev ntseeg tseeb yeej qhuas txog Vajtswv. Tiamsis kev ntseeg
cuav ua tsis tau haum Vajtswv siab. Tej kev ntseeg cuav qhia cov
nyom phau Vajlugkub. Lawv qhia tej lus dag txog Vajtswv thiab
txog cov tuag. Vajtswv Yehauvas xav kom txhua tus los paub qhov
tseeb txog nws. D Nyeem Laj Lim Tswvyim 9:5, 10; 1 Timaute 2:3-5.
2. Yuav Ua Li Cas Rau Tej Kev Ntseeg?
Vajtswv yeej tsis txaus siab rau kev ntseeg cuav tej lus dag
ntxias. Lawv lub qhov ncauj lam lees tias lawv hlub Vajtswv tiamsis
lawv lub siab ntshaw plias Xatas lub qab ntuj xwb. (Yakaunpau
4:4) Vajtswv Txojlus muab txhua txojkev ntseeg cuav piv rau lub
“tuam ceeb Npanpiloo.” Thaum dej nyab ntiajteb tas, tibneeg tau
tsa lub nroog loj ntawd. Txhua yam kev lig kevcai xub pib ntawm
lub nroog ntawd tuaj. Tshuav tsis ntev xwb, Vajtswv yuav muab
txhua txojkev ntseeg uas dag ntxias thiab quab yuam noob neej,
rhuav tshem mus. D Nyeem Qhia Tshwm 17:1, 2, 5, 16, 17; 18:8.
Muaj xov zoo dabtsi ntxiv? Yehauvas yeej pom cov neeg siab
ncaj uas tseem nyob hauv kev ntseeg cuav es tsis tau paub nws.
Yehauvas thiaj txib nws cov tibneeg mus qhia lawv, kom tau los
paub qhov tseeb thiab. D Nyeem Mikha 4:2, 5.
26
3. Cov uas xav ua raws li Vajtswv lub siab nyiam
tiag yuav tau ua dabtsi?
Yehauvas yeej hlub tshua cov tibneeg uas xav paub qhov tseeb
thiab xav coj zoo. Nws txhob kom lawv tso kev ntseeg cuav tseg.
Cov uas hlub Vajtswv tiag yeej zoo siab hlo hloov lawv lub neej,
los ua raws li Vajtswv lub siab nyiam. D Nyeem Qhia Tshwm 18:4.
Nyob rau thawj ib puas xyoo, cov uas xav ua raws li Vajtswv lub
siab nyiam tiag, yeej zoo siab hlo txais yuav txoj xov zoo uas cov
tubtxib qhia. Txoj xov zoo ntawd pab kom lawv xyaum Yehauvas
txoj kevcai tshiab, kom lawv muaj kev zoo siab, muaj chaw vam
khom thiab coj lub neej muaj hauv paus hauv ntsis. Lawv ntseeg
txoj xov zoo ntawd, lawv thiaj muab Yehauvas tso ua ntej hauv
lawv lub neej. Lawv tseg tau tus qauv zoo kawg li rau peb xyaum!
D Nyeem 1 Thexalaunika 1:8, 9; 2:13.
Yehauvas zoo siab tos txais cov uas tso kev ntseeg cuav tseg. Yog
tias koj los cuag Yehauvas, nws yuav zoo siab txais koj los ua nws ib
tug phoojywg. Koj yuav muaj ib pab kwvtij tshiab uas teev tiam Yehauvas. Thiab yav tom hauv ntej, koj yuav tau txais txojsia ntev dhawv
mus ib txhis. D Nyeem Malakau 10:29, 30; 2 Khaulee 6:17, 18.
4. Vajtswv yuav kho kom txhua lub tebchaws
muaj kev xyiv fab li cas?
Tshuav tsis ntev xwb, kev ntseeg cuav yuav raug puam tsuaj.
Nov yog ib txoj xov zoo kawg li. Tom qab Vajtswv rhuav tshem kev
ntseeg cuav, yuav tsis muaj leejtwg quab yuam tibneeg lawm. Yuav
tsis muaj leejtwg dag ntxias kom tibneeg tawg ua pab ua pawg li
lawm. Thaum txog lub sijhawm ntawd, txhua tus uas muaj sia
nyob yuav koom ua ib lub siab, los pe hawm tus tseem Vajtswv tib
leeg xwb. D Nyeem Qhia Tshwm 18:20, 21; 21:3, 4.
Kev ntseeg tseeb
pab tibneeg sib
koom siab
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? hauv tshooj 15 thiab 16.
27
14
Vim Li Cas Vajtswv Ho Muaj
Ib Lub Koom Haum?
1. Vim li cas Vajtswv muab kevcai rau cov Yixayee
coj yam li ib lub koom haum?
Vajtswv tau rhawv kab ke thiab kev lig kevcai rau Aplahas cov
xeeb ntxwv coj. Nws muab lawv hu ua haiv neeg “Yixayee.” Lawv
tib haiv neeg xwb thiaj muaj txojkev ntseeg tseeb thiab coj raws li
Vajtswv Txojlus tiag. (Ntawv Nkauj 147:19, 20) Vajtswv thiaj hais
tias, txhua haiv neeg yuav tau txais koob hmoov los ntawm cov
Yixayee. D Nyeem Chiv Keeb 22:18.
Vajtswv tau xaiv cov Yixayee los ua nws cov timkhawv. Lawv
tej keeb kwm qhia tseeb tias, cov uas ua raws li Vajtswv tej
kevcai yeej tau zoo tiag. (Kevcai 4:6) Yog peb ua tib zoo kawm
txog cov Yixayee, peb yuav paub zoo txog tus tseem Vajtswv.
D Nyeem Yaxaya 43:10,12.
2. Vim li cas cov tseem Khixatia ho coj li ib lub koom haum?
Tom qab no, cov Yixayee tsis mloog Vajtswv lus. Vajtswv thiaj
tsa lub koom txoos Khixatia los hloov lawv chaw. (Mathai 21:43;
23:37, 38) Nimno, cov tseem Khixatia yog cov uas ua timkhawv
txog Yehauvas. D Nyeem Tubtxib Tes Haujlwm 15:14, 17.
Yexus tau qhia kom nws cov thwjtim mus tshaj tawm txoj
xov zoo rau txhua haiv neeg paub, thiab pab kom lawv los ua
nws cov thwjtim. (Mathai 10:7, 11; 24:14; 28:19, 20) Txoj haujlwm no yeej yuav xaus rau tiam kawg no. Tsis tau muaj ib zaug li,
uas Yehauvas tau coj tsheej plhom leej thoob qab ntuj los pe
hawm nws raws li qhov tseeb. (Qhia Tshwm 7:9, 10) Cov tseem
Khixatia muaj ib lub koom haum, kom lawv thiaj zoo sib txhawb
sib pab. Thoob ntiajteb, thaum lawv sib txoos ua ke, lawv yeej
kawm tib co ntsiab lus xwb. D Nyeem Henplais 10:24, 25.
3. Yehauvas cov Timkhawv lub koom haum
rau tiam no, pib li cas?
Lub caij 1870, muaj ib pab tub kawm Vajlugkub tau pib tshawb
nrhiav txog tej lus qhia tseeb hauv phau Vajlugkub. Lawv pom tias
28
thaum Yexus nyob hauv ntiajteb no, nws tau txib kom lub koom
txoos Khixatia mus tshaj tawm txoj xov zoo rau lwm tus. Yog li
ntawd, lawv thiaj pib tshaj tawm txog lub Nceeg Vaj kom mus
thoob qab ntuj. Xyoo 1931, lawv tau saws lub npe hu ua Yehauvas
cov Timkhawv. D Nyeem Tubtxib Tes Haujlwm 1:8; 2:1, 4; 5:42.
4. Yehauvas cov Timkhawv lub koom haum coj li cas?
Nyob rau thawj ib puas xyoo, cov koom txoos Khixatia uas
nyob txawv tebchaws tau txais kev cob qhia los ntawm pab kwvtij uas ntaus thawj. Cov kwvtij ntawd xam pom tias, Yexus yog
lub Taubhau ntawm lub koom txoos. (Tubtxib Tes Haujlwm 16:
4, 5) Ib yam li ntawd, Yehauvas cov Timkhawv thoob qab ntuj
muaj ib pab kwvtij uas ntaus thawj. Pab Uas Ntaus Thawj saib
xyuas Yehauvas cov Timkhawv tej ceg uas nyob thoob qab ntuj.
Tej ceg ntawd pab txhais lus, luam ntawv, thiab xa tawm tej
ntaub ntawv Vajlugkub ua 600 yam lus. Yog li ntawd, Pab Uas
Ntaus Thawj yog cov uas siv Vajlugkub los txhawb nqa thiab cob
qhia cov koom txoos thoob qab ntuj. Muaj tshaj li 100,000 lub
koom txoos diam. Hauv txhua lub koom txoos, muaj cov kwvtij
uas coj raws li Vajlugkub teem tseg, uas tuav haujlwm ua txwj
laus, lossis ua cov saib xyuas pawg ntseeg. Cov txwj laus no hlub
tshua Vajtswv pab yaj kawg li. D Nyeem 1 Petus 5:2, 3.
Yehauvas cov Timkhawv tshaj tawm txoj xov zoo thiab
nrhiav tibneeg los ua Yexus cov thwjtim. Ib yam li cov tubtxib
thaum ub, lawv tshaj tawm ib lub tsev rau ib lub tsev. (Tubtxib
Tes Haujlwm 20:20) Peb kuj zoo siab kawm Vajlugkub nrog cov
uas nyiam qhov tseeb tiag. Tiamsis Yehauvas cov Timkhawv tsis
yog nyob ib lub koom haum xwb. Peb zoo li pab kwvtij uas nyob
thoob qab ntuj uas txawj sib hlub kawg li. Peb txiv Yehauvas hlub
peb heev. (2 Thexalaunika 1:3) Yehauvas cov Timkhawv koom
ib lub siab xav ua raws li Vajtswv lub siab nyiam xwb. Lawv
kuj zoo siab hlo pab luag lwm tus. Yeej tsis muaj ib pab kwvtij
hauv ntiajteb no yuav muaj kev zoo siab npaum li lawv.
D Nyeem Ntawv Nkauj 33:12; Tubtxib Tes Haujlwm 20:35.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 19.
15
Vim Li Cas Ho Zoo Rau Koj
Kawm Ntxiv?
1. Yog tias koj kawm Vajlugkub ntxiv yuav pab tau koj li cas?
Peb vam tias tej uas koj tau kawm hauv phau ntawv no, twb
txhawb koj txojkev hlub rau Yehauvas lawm. Tiamsis koj yuav
tsum rau siab kawm Vajlugkub ntxiv, txojkev hlub ntawd thiaj loj
hlob. (1 Petus 2:2) Yuav kom koj muaj txojkev cia siab nyob mus
ib txhis, koj yuav tsum kawm Vajtswv Txojlus ntxiv mus, koj thiaj
txav ze rau Vajtswv. D Nyeem Yauhas 17:3; Yuda 21.
Thaum koj paub Vajtswv zoo zuj zus, koj yimhuab muaj
kev ntseeg rau nws. Txojkev ntseeg no yuav pab kom koj ntxeev
dua siab tshiab thiab hloov koj lub neej los ua tej yam zoo
raws li Vajtswv lub siab nyiam.—Henplais 11:1, 6.
D Nyeem Tubtxib Tes Haujlwm 3:19.
2. Qhov uas koj paub Vajtswv pab tau lwm tus li cas?
Thaum koj kawm tau ib yam zoo, koj yeej xav qhia rau lwm tus
paub, puas yog? Rau siab kawm ntxiv, koj thiaj paub siv phau
Vajlugkub mus qhia lwm tus txog Yehauvas txoj xov zoo thiab tej
uas koj ntseeg. D Nyeem Loos 10:13-15.
Tej zaum koj yuav xub qhia txoj xov zoo rau koj cov kwvtij
neej tsa thiab cov phoojywg paub. Nco ntsoov ua siab mos siab
muag qhia. Tsis txhob thuam lawv txojkev ntseeg. Tiamsis qhia
lawv txog Vajtswv tej lus cog tseg hauv phau Vajlugkub. Tsis tas li
ntawd xwb, lwm tus yuav qhuas koj tus cwj pwm, heev dua li tej
lus uas koj hais. Yog li ntawd, peb yuav tsum ua zoo rau lawv.
D Nyeem 2 Timaute 2:24, 25.
3. Koj yuav txais koob hmoov dabtsi?
Yog tias koj kawm Vajtswv Txojlus, koj yuav loj hlob ntawm
sab kev ntseeg. Thaum kawg koj yuav muaj ib txojkev sib raug zoo
tshwj xeeb heev nrog Yehauvas. Vajtswv yuav suav tias koj yog
nws ib tug menyuam. D Nyeem 2 Khaulee 6:18.
Koj yuav muaj ib txojkev
sib raug zoo uas tshwj
xeeb heev nrog Yehauvas
4. Koj yuav ua li cas ntxiv koj thiaj loj hlob?
Yuav kom koj loj hlob ntawm sab kev ntseeg, koj yuav tsum rau
siab kawm Vajtswv Txojlus ntxiv. (Henplais 5:13, 14) Hais kom Yehauvas ib tug Timkhawv siv phau ntawv hu ua Phau Vajlugkub Qhia
Txog Dabtsi Tiag? los pab koj. Yog tias koj yimhuab kawm Vajtswv
Txojlus, koj yimhuab tau zoo xwb. D Nyeem Ntawv Nkauj 1:1-3;
73:27, 28.
Yehauvas yog ib tug Vajtswv uas muaj kev zoo siab. Nws yog
tus muab txoj xov zoo rau peb. Yog tias koj zeem Vajtswv cov tibneeg ua phoojywg, ces koj yuav txav ze rau Vajtswv thiab. (Henplais 10:24, 25) Rau siab ntso ua raws li Yehauvas lub siab
nyiam, koj thiaj nrhiav tau lub neej zoo tiag tiag, uas yog txojsia ib
txhis tsis kawg. Qhov uas koj nrog Vajtswv sib raug zoo yog yam
zoo tshaj plaws li. D Nyeem 1 Timaute 1:11; 6:19.
Yog xav paub ntxiv, mus nyeem phau ntawv Phau Vajlugkub
Qhia Txog Dabtsi Tiag? ntawm tshooj 18.
31
Phau Vajlugkub
Qhia Txog Dabtsi Tiag?
Tau muab phau ntawv no
txhais ua ntau pua yam
lus. Thiab muab tso hauv
Is Taws Nej (Internet)
ntawm: www.jw.org/hmn
KOJ XAV PAUB
TXOG LUB
NTSIAB TWG?
1
4
8
12
Yexus Khetos
Yog Leejtwg?
Ua Li Cas Vajtswv
Cia Muaj Kev Limhiam
Thiab Kev Txom Nyem?
Koj Yuav Nrog Vajtswv
Sib Raug Zoo Li Cas?
5
9
13
www.jw.org/hmn
Muaj Xov
Zoo Dabtsi?
Vajtswv Lub Ntsiab
Rau Lub Ntiajteb
Yog Dabtsi?
Tsev Neeg Yuav Tsum
Ua Li Cas Thiaj Muaj
Kev Zoo Siab?
Yuav Ua Li Cas Rau Tej
Kev Ntseeg?
2
6
10
14
Vajtswv Yog
Leejtwg?
Peb Puas Yuav Rov Pom
Cov Uas Tuag Lawd?
Txojkev Ntseeg
Tseeb Coj Li Cas?
3
7
Txoj Xov Zoo Puas
Yog Los Ntawm
Vajtswv Tiag?
Vajtswv Lub Nceeg
Vaj Yog Dabtsi?
11
Vajlugkub Tej Hauv
Paus Ntsiab Lus Pab
Tau Peb Li Cas?
Vim Li Cas Vajtswv
Ho Muaj Ib Lub
Koom Haum?
fg-HM