rebeka - Kolberg
Transkrypt
rebeka - Kolberg
REBEKA Opera kaszubska w 3 aktach Muzyka: Michał Dobrzyński Libretto, scenariusz - Tomasz Fopke Osoby: Karsczi – badacz folkloru – tenor Rebeka – dziewczyna – sopran Sãdza – sędzia – baryton Stazja – tajemnicza nieznajoma – rola mówiona – głos kobiecy Francusza – starsza kobieta – głos odtworzony ze starego nagrania Jón – przyjaciel i przewodnik Karskiego – rola mówiona Prokòp – zakulisowy obrońca w sądzie (przez megafon) Rąbca I – drwal – rola mówiona Rąbca II – drwal – rola mówiona Szëmón – mężczyzna – rola mówiona Mańdel – karczmarz – rola mówiona Szandara – żandarm – rola mówiona Rąbcë – chór męski, drwale AKT I Wnętrze XIXw. chaty kaszubskiej. Badacz folkloru Kamil Karsczi notuje opowieści i piosenki usłyszane od miejscowych i przybyłych z okolicznych miejscowości. Francusza …i tak król kôzôł ùszëc swi córce trzë sëknie: mòdrą jak niebò, strzébrzną jak miesąc a złotą jak słuńce. A do te jesz kòżëch ze wszëtczëch zwierzãtów swiata. Karsczi Co bëło dali? Francusza Prińcesa nie chca za swégò òjca jic. Założa kòżëch i wtim jã przeniosło w jiny môl. Do gãstégò lasu. Szła i doszła do zómkù, dze kùchôrka ji da w psy bùdze spac. Karsczi (notuje) … w psy bùdze spac… Francusza Prińc z negò zómkù bal wëprôwiôł, bò chcôł so nalezc brutkã do żeńbë. Kùchôrka pùszcza na tuńce nã prińcesã z psy bùdë, co so kléd mòdri jak niebò założa. I prińc leno z nią tuńcowôł. Karsczi … z nią tuńcowôł… Francusza Òna so swój kòżëch założa nazôt a prińc nick nie zmerkôł, że to ba òna. Żebë jã nalezc, òn jesz jeden bal zrobił i jesz jeden – a òna to strzébrzną sëkniã, to złotą sëkniã założa – i prińc le wcyg z nią tuńcowôł. I dôł ji swój piestrzéń złoti. Karsczi …piestrzéń złoti… Francusza Kùchôrka kôza ji zupã dlô prińca ùwarzëc a òna na spódk talerza nen piestrzéń pùsca. Prińcowi zupa szmaka a czej nalôzł w talôrzu piestrzéń, zawòłôł tã, co zupã ùwarza i pòznôł, że to je na, co mù sã widzy. Tim spòsobã dzewùs z psy bùdë doprzëszło do zómkù prińca. Karsczi I? Francusza …I długò żëlë a szczestlewie. Karsczi A mie to pòwiôdała? Francusza Wòjewsczich Francusza z Gòscëcëna Karsczi A Wami to pòwiôdała? Francusza Mòja mëmka, Miotkòwa Ana z Bólszewa Karsczi Dzãkùjã Wami baro. Z Bògã! Francusza Òstanita z Bògã! Wychodzi. Karsczi Cëż sã w Piãknym Lasu spiéwô, Szëmónie? Szëmón W Szëmôłdze, Panie. Karsczi Nié w Schön Waldze? Rąbcë Më jesmë Kaszëbi, nié Niemcë! (pieśń – cytat ludowy, dodana przez kompozytora) Zemia jãczi, mòrze rëczi, sztorm tuńcëje z falą. Wałë wësok, jak te chëcze z hùkã ò sztrąd walą. Bôt pòsłëszny je rëbôkóm, wiosłama pãcają Pòrze mòrze tak, jak mewa, procëm fali gnają. Białka w trwòdze, płaczą dzecë, na sztrąd pòbieżelë, Bôt sã jima nie wëwrócył, wiele rib złowilë. Karsczi Wiém, jô to, wiém… A jak szła ta chòranka ò Kaszce? Szëmón (uspokaja wzburzenie) Tak, tej kòl naj to sã spiéwało tak: Rąbcë (oryginalna melodia ludowa) Terô Wama pòwiém, jakô Kaszka bëła, Czedë reno wstała, nigdë sã nie mëła. Głowë nie ùczesze, jizbë nie wëmiece. Słoma w jizbie leżi, w domù fóra smiecy. Twarzëczka sã zdarzi jak kòl kòminiarzi. Krowë nie wëdoji, ògòna sã bòji. Swinie w seni rëją, kòtczi statczi mëją, Talerze pòd ławą zarosłé mùrawą. Drzewa nie narąbiã, wòdë nie przeniosã We dnie jã wëtłëczã, w nocë jã przeproszã. Ùtopiła mie sã mòja Kaszka w stëdni. Mòcno jã żałujã, że jaż zemia dudni. Terô Wama pòwiém, jakô Kaszka bëła, Czedë reno wstała, nigdë sã nie mëła. Karsczi Jesz rôz, jo? Terô same słowa (notuje) Szëmón (dyktuje, niektórë wyrazy głośniej) ... sã nie mëła. … nie wëmiece … w domù fóra smiecy … jak kòl kòminiarzi … ògòna sã bòji … kòtczi statczi mëją … talerze pòd ławą … w nocë jã przeproszã. … mòcno jã żałujã, że jaż zemia dudni. Karsczi Dzãkùjã. Pòzdrówczi a dlô Kaszczi – zdrowaszczi! Śmieją się, Szëmón i Rąbcë wychodzą. Mijają się w progu z Rebeką. Karsczi (patrzy na Rebekę) A kògùm të jest, aniele? Rebeka (pąsowiejąc) Jô? Rebeka. Wë mie wòłelë? Karsczi Co mie pòwiész? Rebeka Nié za wiele Karsczi Cos zanócysz? Rebeka Leno tëli: Sama jem, żôrotnô serota na swiece. Dôwno jem wëpłaka za swim szczescym òczë. Kam mie je pòdëszką, ni móm òjca, matczi, Na jich grobach roscą w trôwie dzëczé kwiôtczi. Ò pòrénkù rosë sã napijã zëmny A na wieczór w kùli pòłożã sã cemny. Sama jem, żôrotnô serota… Lejla, lejla, lejlala… Karsczi (do siebie) Co sã ze mną dzeje? Ta melodia smùtnô… Serce tak bùgrëje… Dzéwczã… Aniół… Wpada przewodnik i przyjaciel Karsczégò- Jón. Jón Trudno! Dziewczyna wybiega. Bãdze w karczmie spanié. Mòjsze mô na górze Szëkòwac pòsłanié. Patrzy po pustej izbie. To ju dzysô kùńc je…? Karsczi (patrząc w kierunku drzwi za dziewczyną) Kùńc… Je… Rąbcë Żëcé przez pôlce jak wòda przecékô A të szãtopórczi a kòzlinczi spiéwôsz! Szpòrtë a bôjczi i lëdzczé gôdanié W twòjim zesziwkù wnetk nańdą mieszkanié. Jón Czas òdpòcząc! Chcemë jic do Mańdelowi karczmë! AKT II Karczma Mańdla. Rebeka usługuje. Drwale śpiewają swoją pieśń biesiadną. Jón z Karsczim wchodzą i siadają przy stole. Drwale wznoszą kufle siedząc po czterech przy stole. Jedna chójka – (uderzają się kuflami wstając) spùszczonô! Drëgô chójka – spùszczonô! Trzëcô chójka – spùszczonô! Czwiôrtô chójka – spùszczonô! Wypijają do dna, śpiewają kołysząc się objęci. Zybie wiater, zybie las Bãdze las, czej nie mdze nas! Płënie swòją strëgą czas Bãdze las, czej nie mdze nas! Sajdô zajk, sã tacy lës Bãdze las, czej nie mdze nas! W chòjnie cos hërlëkùje Bãdze las, czej nie mdze nas! Knipie sowa, zmikô mësz Bãdze las, czej nie mdze nas! Zebra dzéwczã malën kòsz. Bãdze las, czej nie mdze nas! Spôdô bóma, w lasu krzik Bãdze las, czej nie mdze nas! A pòd bómą rąbca spi Bãdze las, czej nie mdze nas! Wznoszą toast. Jedna chójka – spùszczonô! Drëgô chójka – spùszczonô! Trzëcô chójka – spùszczonô! Czwiôrtô chójka – spùszczonô! (wypijają do dna) Jón Gòscynny! Dwa piwa! Rąbcë (pieśń – cytat ludowy, dodana przez kompozytora) Rëbôcë, rëbôcë… (Rebeka stawia na stole piwo uśmiechając się do Karskiego) Karsczi Të? Mój aniół? Rąbcë Cëż wa tu robita? Rebeka Le Rebeka… Rąbcë Naprôwiómë sécë, bò ribka wëlecy Z ti dzurawi sécë… Karsczi Mój aniół? Jón Cos cë za nią òkò nëkô… Rąbcë Z ti dzurawi sécë… Karsczi Mój aniół? Karsczi (do Rebeki) Ta frantówka, ta kòmùdnô Cénią mie na serce padła I ni mògã mòcą żódną Z dëszi wërëmac ji zdrzadła… Kòżdi zwãk sã zdôwô zwònã Òbrôz lubny twôrz rozwidniô Leno: òna, òna, òna! A jô na pòstrónkù, biédny… Rąbcë Ale mù sã swiécą òczë! Cëż to za miôùczenié kòcé! Cëż to za miôùczenié kòcé! Ale mù sã swiécą òczë! Rebeka Tã frantówkã, tã kòmùdną Nôdzeja w redotną zmienia Bò jak starka rzekła mądrô: Kòżdi mô swój czas, bë kòchac… Òd nôpierszi w chëczi chwilë, Czedë pòzwôł mie aniołã Jakbë z nieba grom mie strzélił Jaż jem czësto òd te zmôłkna… Rąbcë Òna téż jak kòtka mrëczi! Zarô mdą we dwòje bleczec! Zarô mdą we dwòje bleczec! Òna téż jak kòtka mrëczi! Karsczi i Rebeka Jesmë sobie namieniony Serce sobie serce wëbra Tidrã miłotë zrzeszony – Jesmë na jedno! Rąbcë Në, cëdno! Zbùdëjemë sobie dodóm Skąd widk wòłac mdze w noc zëmną Dze naceszimë sã sobą - Jedno na jedno! Rąbcë A, jenkù! A czej wezwie ju Nôwëższi I òtemknie pórtã niebną Razã pùdzemë w swim szczescym Wiedno na jedno! Karsczi Rebeka zamierzają się pocałować. Jón To ju zbrzëgło! Mendel (głośno) Rebeka! Gòsce żdają! (ciszej) W nórce wiele zamôwiają… Rebeka Jidã! Jidã! Jón (trzyma róg z tabaką) Móm na tobakã chãtkã- bùcnã rogã w nôpiãtka! Karsczi Dôj i mie drëchù te pichù! Jón (śmiejąc się) Nie mdzesz tëli wzdichôł! (Zażywają. Kichają.) Drwale grają w karty. Rąbca I Wieselé! Czëła Wa, jak Détlafów Antonowi szło? Szedł nocą przez smãtôrz, miôł kąsk wëpité. Narôz sã spùrgnął - wpôdł w kùlã jak w mitã. Ni mòże wëlezc, sã legnął i ùsnął. Reno szandara, co gôdô „verfluchte” Stanął nad kùlą, na Antóna wzérô A ten spôł niebòrôk, z zëmna jaż zmiérôł Rôd bë sã przëkrił, nawkół za czims sygô A ten „verfluchte” przez zãbë przecygô: – Terô cë zëmno, a za czim òdkòpôł? Tak Détlafòwi to szło w ùszłim rokù A òdnądka chłopskò, chòc w pitë biédze Nigdë, przenigdë bez smãtôrz nie jidze… Drwale się śmieją. Rąbca II Trumf! A ten wa czëła? Òtemklë wòlą òstatną Kapioszka I wiéta Wa co? Że ta jegò Zoszka Nick zapisóné nie dosta òd chłopa… Òna tej mésterka wza, natëchstopach A kôza nôdpis, co béł na tôblëczkã Miéniac. Wëkùmóné ba: „Spij w ùbëtkù!” A òna z żôlu za zôpis tak skrómny Dorëła: „póczi më sã nie pòtkómë”! Drwale się śmieją. Rąbca I Ej, Rebeka! (sadza przechodzącą z pustymi kuflami Rebekę sobie na kolana) Nie dôj czekac! (drwale się śmieją) Rebeka policzkuje go i chowa się za kontuarem. Karsczi rzuca się na drwala przewracając go na ziemię, Jón rusza z pomocą, wszyscy się biją. AKT III Sala sądowa. Za kratą przy ścianie siedzą drwale a wśród nich Karsczi i Jón. Na ławie świadków kobieta z twarzą zakrytą woalką (Stazja), karczmarz Mańdel i Rebeka. Obecni są także Francusza i Szëmón. W centralnym punkcie izby stoi stół, na którym stoi krzyż. Za stołem siedzi sędzia. Zeznaje żandarm. Szandara Wstac! Sąd jidze! Wësoczi Sądze, pòrëch w gospòdze Statczi pòtłëkłé, mùnie òbité Jedzenié, picé je na pòdłodze A kòżdi rąbca pòrządno spiti Mańdel-gòscynny płacze do nieba Tej jem wprëczkòwôł piãc dlô pòrządkù Wzął, verfluchte, do kluzë jak trzeba Tëch pòd scaną zebrónëch gòłąbków… Sãdza Żid Mańdel ters pòwié, jak bëło… Mańdel Aj, Sądze Wësoczi! Waj, Sprawiedlëwi Co za nieszczescé sã w karczmie sta mòji Sromòta jakô! To nie dô sã wërzec! Sãdza Ad rem tu gadac! Òpòwiadôj, Żëdze! Mańdel Aj, rąbcë, co wzątk swój przënioslë w taszi Jak colemało co dniów czilenôsce Òdpòcząc przëszlë, waj, do karczmë naszi Pò drãdżim dniu, czedë ju drzewò zwiozlë… A w baszkã zagralë, a szpòrtowalë Jak wiedno głosno so rozpòwiadalë Nie wadza gòscóm to bawienié wcale Póczi ti dwaj nie zaajtakòwalë… Jón Cëganisz, Mańdel! Karsczi Kò to je łeż! Sãdza Ni môta głosu! Cëchò mie bëc! Jón Niech rzecze Rebeka! Karsczi Pòwiédz, jak bëło! Sãdza Bãdzeta sztël? Bò kôżã wóm sëłą Gãbë zasztopac a do te sztrôfã Dołożã za sądu znieważenié! (po krótkiej chwili) Kògò przesłëchac sąd sóm wié lepi! Niechle tej stanie tuwò… Rebeka! (do niej) Mówie, co tedë cã, dzéwczã, pòtka. Rebeka Ach, to mòja wina Mòja to przesprawa, Że jesmë tu ninia W tëch sądowëch ławach Jón je niedowinny Z Karsczim, jegò Drëchã` Jô jem zle zrobiła, Bò jem gò pòkòcha… Rąbcë Ale łże, jaż trzészczi! Rebeka Rësził mie na pòmòc, Czëdë rąbcë fifów Bëło ju za wiele.. Rąbcë Ale łże, jaż trzészczi! Rebeka (wzburzona) Jeden sã ùtcëwi W mòjim żëcym trafił A te kôrcze krzëwi… Rąbcë Co za cëzym patrzisz?! Rebeka Wa jesta zôzdrostny, Bò żódnô was nie chce! Rąbcë Ale łże, jaż trzészczi! Sãdza Skùńczëc mùszã jô z tim! Rąbcë Kòzë pasc mdzesz w piekle! Powoli zbliża się dama z woalką, wszyscy przyglądają się jej, milkną. Sãdza Chto Wë jesce? Stazja Stazja zez Gduńska Sãdza W ti sprawie cos jeszcze… Stazja Nie chcã, ale mùszã… (do Karskiego) Na zymkù, òb lato Czej sniég leżôł w smiotach Ga jeséń ba złotô Gòrała miłota… W noc cemną, w dzéń jasny Czej wia, bùten słota Dzes płënãłë blónë Gòrała miłota… Jem szła Twòjim szlachã Jak pies, krok za krokã Twim tchnienim òddicha Gòrała miłota… Pò chłopskù òblokłô Chòc serce ze złota Jô, pani ze swiata Gòrała miłota… Jem stała sã cénią, Towarza jak dôka Të jes mie nie widzył Gòrała miłota… (podnosi woalkę) W nen wieczór, w gòspòdze, w nym nórce cemnym, Sadła jem zdrzącë na cebie, mój mùlkù Jaż narôz grom dëszë ùbëtk mie wërwôł Czej ùzdrza jem cebie jak scyskôsz tã… Karsczi Stójle! Nie jem winny tobie jô nick Nie chcã ce na drodze Biôj précz! Stazja Mùlkù… Karsczi Précz! Sãdza Kùńc!!! Wastnô òbskôrża, że przë bitce w gòspòdze Ùkrôdł Wami piestrzéń drodżi ten tu, złodzéj (pokazuje na Karsczégò) Karsczi Co?! Stazja (szlocha) To bez zôzdrosc Wëbôcz miłi… Czë jesz dlô nas je nôdzeja…? Sãdza Co jô czëjã?! Krzëwi dokôz béł pòdóny! Prokòp (obrońca, niewidoczny, przez megafon) Wësoczi Sądze, nie ùńdze nick Wami. Kòżdëchny grzéch procëm i wina – jasné Niglë sprawã zamkniece wërokami Pòzwòlce dokôzë na „jo” òbjasnic… Całô wina w kòchanim, w kòchanim przesprawa Żódnëchné wseczëcé takcos bë nie sprawia Leno miłota, miłota, miłota… A ne rąbcowé szpòrtë, co z głowë rozgrzóny Nijak krziwdë nie zrobia, le co wërwas stóny Leno głëpòta, głëpòta, głëpòta… Miéjce, Wësoczi téż na to Sądze bôczenié Że nicht nie zdżinął, a pôrã statków je stłëkłëch Na sprawiedlëwé żdajemë tej òbsądzenié A cobë sąd w mądroscë ruchna béł òblekłi Sãdza W miono Kaizera, co dozérô sprawë nasze, Ksyżeca Pòmòrzô, Wendów i Kaszëb, skôzywóm: - rąbców, wszëtczich jak tu są, òkróm jednégò, co zaczął – na dwa dnie w sôdzy – za nen rejbach w gòspòdze; - tegò z nich, co zaczął, bë tësąc mark zapłacył; - Jana, za biôtkã – na dwa dni w klôtkã, - Stazjã, za sądu òcëganienié- na piãc tësący mark zapłacenié Kùreszce wastã, co sã Karsczi nazywô, za to, że… zadzywôł – na chùtczé z ti zemi wëjachanié, co niech sã ju witro stanie! Gaśnie światło. Następuje przeniesienie do pierwszej sceny. Karsczi śpi przy stole. Podchodzi Rebeka. Karsczi (patrzy na Rebekę) A kògùm të jes, aniele? KONIEC