ntawv qhia saib nej daim ntawv tshaj qhia tub kawm ntawv star

ntawv qhia saib nej daim ntawv tshaj qhia tub kawm ntawv star

NTAWV QHIA SAIB NEJ DAIM NTAWV TSHAJ QHIA TUB KAWM NTAWV STAR
CALIFORNIA TXOJ KEV XEEM QAUV NTAWV TEEV TSEG 2011
CALIFORNIA LUB CHAW KHIAV DEJ NUM SAIB KEV KAWM
Daim ntawv qhia saib no yuav pab nej taug xyuas nej tus me nyuam daim ntawv tshaj qhia thiab tej kev pom zoo
uas raug muab. Qee phab ntawv ntawm nej tus me nyuam daim ntawv tshaj qhia raug txhais ib lo lus rau ib lo lus,
tab sis lwm phab ntawv raug txhais raws lub ntsiab lus dav dav ntau dua.
1. Tej lus qhia txog nej tus me nyuam
Ntawm no nej yuav pom nej tus me nyuam tus naj npawb tub kawm ntawv,
hnub yug, qib, hnub xeem ntawv, lub tsev kawm ntawv, thiab cheeb tsam tsev
kawm ntawv. Yog tias muaj, nej qhov chaw nyob rau kev xa ntawv kuj yuav
pom tshwm rau hauv phab ntawv no tib yam nkaus.
2. Tsab Ntawv Nthuav Me Ntsis Lus Qhia Ua Ntej tuaj ntawm Tuam
Thawj Coj Kev Qhia Ntaub Ntawv Pej Xeem hauv Xeev
Nyob Zoo txog Niam Txiv/Neeg Saib Xyuas,
Txhua xyoos, lub xeev txoj Kev Xeem thiab Kev Tshaj Qhia Raws Lus Teev
Tseg (STAR) yuav ntsuas nej tus me nyuam kev kawm tau rau kev caum
cuag California tej lus teev kev kawm txuj, uas piav qhia saib tag nrho cov tub
kawm ntawv yuav tsum paub thiab muaj peev xwm ua tau dab tsi nyob rau tej
thwb theem qib.
Daim ntawv tshaj qhia no yog nthuav tawm nej tus me nyuam cov qhab nia
hauv tej kev xeem STAR. Kuv txhawb kom nej los tham txog tej kev xeem tau
no nrog nej tus me nyuam thiab nej tus me nyuam tus(cov) xib fwb. Cov qhab
nia xeem tau no yuav muab tej lus qhia muaj nuj nqis rau nej txog nej tus me
nyuam tej kev tshaj lij thiab tej kev qaug qeb txuj ci, yog ib qho ntawm ntau yam kev qhia tawm saib peb cov tsev kawm
ntawv ua tau zoo li cas, thiab yuav pab peb to taub saib ntxim peb yuav ua tau li cas kom zoo dua qub rau tes hauj lwm
tseem ceeb dua ntais – kev npaj tub kawm ntawv kom vam meej hauv tsev kawm ntawv thiab dhau ntawd.
3. Nej tus me nyuam cov qhab nia ntsuas tau thiab tej theem kev ua tau
Saib nej tus me nyuam ua tau zoo li cas rau hauv California Txoj Kev Xeem Qauv Ntawv Teev Tseg (CSTs) los ntawm kev
saib tej kab dub tig sawv ntsug hauv qab tej zwb zaj kev kawm lub npe. Tus naj npawb saum toj ntawm tej kwb kab sawv
ntsug yog nej tus me nyuam tus qhab nia xeem tau kiag rau zaj kev kawm ntawd. Cov boxes zas xim rov sab laug thiab cov
lus ntaub ntawv hauv qab tej kab dub sawv ntsug yog qhia txog nej tus me nyuam theem kev ua tau rau tej zwb zaj kev
kawm. Nws muaj tsib theem kev ua tau: tshaj lij, paub txaus, pib paub, qis dua pib paub, thiab qis deb pib paub. Lub hom
phiaj hauv California yog kom tag nrho cov tub kawm ntawv ua tau txij theem paub txaus los yog tshaj lij.
Cov tub kawm ntawv nyob qib ob txog kaum ib raug xeem lus As Kiv thiab lej. Cov tub kawm ntawv nyob qib tsib, yim, thiab
kaum raug xeem kev tshawb fawb, thiab ib txhia tub kawm tsev kawm ntawv theem siab tej zaum kuj tau xeem tej kev xeem
kev tshawb fawb thaum xaus zaj kev kawm tib si. Tag nrho cov tub kawm ntawv nyob qib yim thiab kaum ib raug xeem keeb
kwm-kev nyob haum xeeb, thiab ib txhia tub kawm tsev kawm ntawv theem siab yuav tau xeem qhov kev xeem keeb kwm
ntiaj teb thaum xaus zaj kev kawm. Qhab nia raug muab rau tag nrho tej kev xeem nej tus me nyuam tau xeem. Yog tias
nej tus me nyuam tsis tau xeem ib los yog ntau dua qhov ntawm cov kev xeem no los yog yog tias ib tug qhab nia twg tsis
raug tshaj tawm, qhov no raug ceeb toom rau hauv nej tus me nyuam daim ntawv tshaj qhia.
4. Nej muaj peev xwm nrhiav pom tej kev xeem tau STAR txhij txhua nyob rau hauv California Lub Chaw Khiav Dej Num Saib
Kev Kawm Txuj (CDE) nplooj ntawv tso tej Kev Xeem Tau STAR hauv Nruab Ntug ntawm http://star.cde.ca.gov thiab nej
lub tsev kawm ntawv daim ntawv tshaj qhia kev ris dej num nyob rau hauv CDE nplooj ntawv tso Ntawv Tshaj Qhia Tsev
Kawm Ntawv Kev Ris Dej Num (SARC) hauv Nruab Ntug ntawm http://www.cde.ca.gov/ta/ac/sa/. Nej kuj muaj peev xwm
thov tau ib tsab ntawm daim SARC los ntawm nej tus me nyuam lub tsev kawm ntawv tib yam nkaus.
5. Kuv yuav tsum siv tej kev xeem tau STAR no li cas?
Phab ntawv no yuav ntaus tswv yim txog tej kev ua los tswj nej tus me nyuam kev kawm tau txuj ci, xam nrog rau tej kev
xeem hauv chav kawm, tej dej num teem ua, thiab tej qhab nia. Nej muaj peev xwm siv tau tej chaw muab lus qhia no los
tham nrog nej tus me nyuam tus xib fwb txog tej seem kev kawm ntsees twg rau kev nce kev kawm tau.
6. Ib qho lus ceeb toom rau kev siv tej lus qhia no
Ib qho kev xeem twg tsuas muaj peev xwm muab tau lus qhia tsawg tsawg xwb. Ib tug tub kawm ntawv twg xeem tib qho
kev xeem ntau tshaj ib zaug tej zaum yuav tau qhab nia siab zog los yog qis zog me me rau hauv tej swb seem kev kawm
raug xeem. Nej yuav tsum xyuas kom meej txog nej tus me nyuam tej kev tshaj lij thiab kev poob qis hauv tej seem kev
kawm no los ntawm kev tshuaj xyuas tej dej num ua hauv chav kawm, tej kev
soj ntsuam raws lus teev tseg, thiab tej ntawv tshaj qhia kev kawm tau hauv
lub xyoo.
7. Nej tus me nyuam tej kev tshaj lij thiab tej kev poob qis raws li
cov kev xeem no
Cov duab nthuav lus qhia no yog nthuav tawm qhov nej tus me nyuam ua tau
zoo li cas hauv tej seem kev kawm sib txawv rau tej qhwb qho kev xeem tau
xeem. Zaj kev kawm rau tej qhwb qho kev xeem raug teev tseg saum toj
ntawm tej dwb daim duab nthuav lus qhia. Cov ntawv tshaj qhia feem ntau
rau cov tub kawm ntawv nyob qib ob txog kaum ib yuav xam nrog rau lus As
Kiv thiab lej. Cov ntawv tshaj qhia rau cov tub kawm ntawv nyob qib yim thiab
kaum ib yuav xam nrog rau keeb kwm-kev nyob haum xeeb. Cov ntawv tshaj
qhia rau cov tub kawm tsev kawm ntawv theem siab tej zaum kuj xam nrog
rau kev xeem tau tej kev xeem thaum xaus zaj kev kawm hauv kev tshawb
fawb thiab keeb kwm ntiaj teb.
Tej nqe lus nug hauv cov CSTs raug cais ua pawg raws tej seem kev kawm
nthuav tawm rau sab laug ntawm tej dwb daim duab nthuav lus qhia. Tej
seem kev kawm no raug tso raws California tej qauv ntawv teev tseg, uas piav
txog qhov nej tus me nyuam yuav tsum paub thiab muaj peev xwm ua tau dab
tsi nyob rau tej thwb theem qib. (Yog tias nej tus me nyuam tsis xeem ib qho
twg ntawm cov CSTs tau npaj siab muab rau nws qib los yog yog tias ib tug qhab nia twg tsis muaj peev xwm raug tshaj
tawm, qhov no raug ceeb toom rau hauv daim ntawv tshaj qhia.)
Npuab rau lub npe ntawm tej swb seem kev kawm yog tus naj npawb thiab qhov nqi feem pua ntawm tej nqe lus nug nej tus
me nyuam tau teb raug hauv seem kev kawm ntawd, sawv cev nrog ib lub diamond rau hauv daim duab nthuav lus qhia.
Txoj kab sawv ntsug yog nthuav tawm tus ncua ciam feem pua raug ntawm cov qhab nia tau rau cov tub kawm ntawv hauv
lub xeev uas tau qhab nia txij theem paub txaus hauv qhov CST rau zaj kev kawm ntawd. Nyob rau hauv qab daim duab
nthuav lus qhia yog ib co lus qhia ntxiv txog nej tus me nyuam kev ua tau rau tej qhwb qho kev xeem.
8. Phab ntawv no muaj ib qho ntawm tej hom lus qhia nram no:
•
•
•
Lus qhia ntxiv txog tej lus teev seem kev kawm lus As Kiv thiab tej lus teev seem kev kawm lej txij theem qib (qib ob
txog plaub, rau, thiab xya) los yog tej lus teev kev kawm Algebra I (qib xya)
Kev xeem tau tej seem kev kawm hauv kev tshawb fawb (qib tsib, yim, thiab kaum), keeb kwm-kev nyob haum
xeeb (qib yim thiab kaum ib), thiab cov CSTs thaum xaus zaj kev kawm
Chaw muab lus qhia ntxiv (qib tsib)
9. California Daim Ntawv Teev Npe Ntawv Nyeem (CRL) thiab/los yog Lus Qhia Ntxiv txog txoj Kev Xeem
STAR los yog Kev Soj Ntsuam Thaum Ntxov (EAP) (rau qib kaum ib)
CRL - Tus naj npawb teev npe ntawv nyeem tau pom zoo no raug tso raws nej tus me nyuam tus Qhab Nia Xeem Tau
California Tej Qauv Ntawv Teev Lus As Kiv. Nej tus me nyuam yuav tsum muaj peev xwm nyeem tau tej npe ntawv hauv
daim ntawv teev npe nws tus kheej. Muaj tseeb, tsis muaj tib qho kev xeem twg yuav qhia tau nej saib tej phau ntawv twg
nej tus me nyuam yeej muaj peev xwm los yog yuav tsum nyeem tau-txhawb kom nej tus me nyuam ntsuam xyuas lwm cov
naj npawb teev npe ntawv nyeem los nrhiav tej phau ntawv nyeem ntxim siab. Tej kev txawj nyeem tau ntawv zoo tseem
ceeb heev rau kev vam meej hauv tag nrho tej zaj kev kawm. Txhawb kom nej tus me nyuam nyeem ntawv hauv vaj tse.
Kev nkag xyuas California Daim Ntawv Teev Npe Ntawv Nyeem:
1. Mus xyuas CDE nplooj ntawv tso “STAR Results” hauv Nruab Ntug ntawm http://star.cde.ca.gov ces xaiv qhov chaw
tshuam “California Reading List”.
2. Xaiv “Search for a Reading List” mus nrhiav tej phau ntawv nyeem rau nej tus me nyuam.
EAP - Yog tias nej tus me nyuam yog nyob rau qib kaum ib thiab tau xeem California State University (CSU) Txoj Kev Soj
Ntsuam Thaum Ntxov (EAP) lawm, phab ntawv no kuj muab lus qhia tib si txog kev xeem tau EAP. Tej kev xeem tau EAP
raug siv los muab ib qho lus qhia tawm thaum ntxov txog tus tub kawm ntawv kev npaj txhij rau tej zaj kev kawm lus As Kiv
thiab/los yog lej txij college theem kev kawm hauv CSU los yog California Community Colleges (CCC) koom tes. Lus qhia
ntxiv txog EAP muaj peev xwm raug nrhiav tau hauv EAP lub Chaw Nruab Ntug ntawm http://www.collegeEAP.org.
10. Lus qhia ntxiv txog txoj Kev Xeem STAR
Phab ntawv no muab lus qhia txog qhov nej muaj peev xwm nrhiav tau tej lus teb li cas rau nej tej lus nug txog txoj Kev
Xeem STAR thiab nej tus me nyuam tej kev xeem tau txoj Kev Xeem STAR.
HMONG/Job #7697/GV