Board of Trustees Rebecca Sandoval President Michelle Rivas Vice
Transkrypt
Board of Trustees Rebecca Sandoval President Michelle Rivas Vice
6 hli ntuj hnub tim 22, 2015 Board of Trustees Rebecca Sandoval President Michelle Rivas Vice President Michael Baker Clerk Bob Bastian Member Sonja Cameron Member Linda Fowler, J.D. Member Walter Garcia Kawamoto, Ph.D. Member Superintendent Steven Martinez, Ed. D. Nyob zoo txog rau cov Niam cov Txiv thiab tus Neeg Saib Xyuas, Re: Professional Learning Time (PLT) Lawb ntxov hnub Wednesday – Pib lub 8 hli xyoo 2015 Lub xyoo tshiab pheej los tsis txog tsuag tsuag! Peb twb nco nco peb cov me nyuam kawm ntawv thiab npaj siab yuav pom lawv dua thaum lawv rov tuaj nyob rau lub 8 hli hnub tim 20. Koj tus me nyuam nws daim ntawv qhia hoob thiab sij hawm yuav txawv me ntsis nyob rau xyoo 2015-2016. Tag nrho txhua tus me nyuam yuav lawb ntawv li 2 teev ntxov dua nyob rau txhua hnub Wednesday. Cov me nyuam yuav pib kawm tib lub sij hawm txhua txhua hnub. Twin Rivers hloov Professional Learning Time (PLT)/ Lawb ntxov hnub Wednesday los hloov qhov Pib Lig hnub Wednesday. Tau txiav txim tas tom qab peb txais tau peb cov niam cov txiv cov lus tseem ceeb hauv lub xov tooj uas peb hu tuaj nug nyob rau lub 5 hlis hnub tim 7 thiab hnub tim 10. Feem coob (61 feem pua) pom zoo PLT/Lawb ntxov nyob rau hnub Wednesday qhov no yuav pab koog tsev kawm ntawv ua kom tau raws li lub hom phiaj kom me nyuam kawm tau zoo ntxiv tuaj. PLT yog pom zoo los ntawm cov neeg ua hauj lwm li ntawm 65 feem pua thiab tag nrho txhua pab bargaining units hauv koog tsev kawm ntawv. Kev tshawb fawb qhia hais tias yav sawv ntxov yog lub sij hawm zoo rau cov me nyuam me los kawm ntawv. Lawv lub zog thiab txoj kev kawm nws zoo dua thiab yuav kav kom tag ib hnub. Cov me nyuam nkag siab cov ntawv qhia hauv hoob dua thiab lawv yuav kawm tau dua. Raws li cov haj tom no, peb ntseeg hais tias PLT/Lawb ntxov hnub Wednesday yog ib kauj ruam uas tseem ceeb los qhia ntawv rau koj tus me nyuam kom nws kawm tau sai thiab yuav zoo rau tag nrho cov me nyuam. Peb tab tom kho kom qhov kev hloov no nws yooj yim rau peb cov niam cov txiv. Sij hawm tsheb npav tuaj tos los tsev nyob rau txhua hnub Wednesdays yuav tuaj ntxov. Cov chaw thiab sij hawm npav los nres peb mam li tshaj tawm nyob rau lub 7 hli thiab yuav muab tso rau hauv koog tsev kawm ntawv lub vej xaij (website) thiab mam faib rau txhua lub tsev kawm ntawv tag nrho. Yog koj tus me nyuam nws tab tom kawm nyob rau tom qab lawb ntawv los sis hauv lub after-school program, cov neeg qhia yuav los coj cov me nyuam nyob rau hnub PLT/Lawb Ntxov hnub Wednesday. Lub sij hawm tshiab yuav tsis cuam tshuam txog peb cov kev sib tw ncaws pob. Yog lub sij hawm hloov li cas tus neeg qhia (coach) mam li tshaj tawm qhia. Peb lub zeem muag, ib txwm, yog kev qhia ntawv nyob rau hauv hoob, kho txoj kev kawm ntawv kom zoo ntxiv tuaj rau tag nrho cov me nyuam, thiab pab txhawb peb cov neeg ua hauj lwm raws li qhov lawv xav tau los sib pab qhia kom me nyuam kawm tau ntawv zoo ntxiv tuaj. Ua tsaug rau koj cov lus thiab koj txoj kev txhawb nqa hnub PLT/ Lawb Ntxov hnub Wednesday, thiab thov mus saib koog tsev kawm ntawv lub vej xaij (website) ntawm www.twinriversusd.org thiab koj lub tsev kawm ntawv lub vej xaij yog xav paub ntau tshaj no. To inspire each student to Peb Yog TR! extraordinary achievement every day Saib rau lub sam xeeb, Dr. Steven Martinez, Superintendent Twin Rivers Unified School District Physical Address: 5115 Dudley Blvd. McClellan, CA 95652 Mailing Address: 3222 Winona Way North Highlands, CA 95660 (916) 566-1600 FAX (916) 566-1784 www.twinriversusd.org