ECHO Script - ECHO Minnesota

ECHO Script
Emergency and Community Health Outreach
Final Script
Oct. 6, 2011
ECHO Show
“Xwm Ceev Rau Lub Caij Los Daus”
-1Thaum koj nyob rau qhov chaw tshiab, muaj ntau yam koj yuavtsum tau paub. Xws li tej huab cua lossis xwm
ceev nyob rau lub nroog ntawv.
-2Nyob hauv Minnesota, muaj daus los ntau rau lub caij ntuj no. Thaum ntawv, Minneapolis thiab Saint Paul yuav
tshab xo txog Snow Emergencies lossis tej xwm ceev txog daus los ntau. Thaum no koj yuav tau nres tsheb
raws li txojcai qhia. Cov tsheb thob daus thiaj li thob tau tej kev thiab koj lub tsheb thiaj tsis rau cab.
-3Tej daus hauv kev yuavtsum raug thob kom sai li sai tau sub cov neeg pab pejxeem thiaj tsav tsheb tuaj tau.
Thaum hauv kev tsis muaj tsheb lawm, cov tsheb thob daus thiaj ua tau haujlwm zoo thiab sai.
-4Npaj uantej thiab kawm txog tej kevcai no uantej daus los. Thaum koj paub tej kevcai lawm, koj thiaj paub
nrhiav chaw nres tsheb rau lub sijhawm muaj daus ntau.
-5Qee tsab kevcai nres tsheb yuav hloov rau lub sijhawm muaj daus ntau. Minneapolis thiab Saint Paul tej kevcai
zoo tsis sib thooj. Koj yuavtsum paub koj lub nroog tej kevcai koj lub tsheb thiaj tsis raug cab.
-6Yog muaj daus los ntau, muaj ntau qhov chaw uas koj yuav hu nug tau. Nyob hauv Minneapolis, hu rau (612)
348-7669 seb koj nres tau tsheb rau qhov twg. Thiab koj mus saib tau hauv www.minneapolismn.gov/snow.
ECHO Minnesota | 125 Charles Ave., St. Paul, MN 55103 | www.echominnesota.org | 651-789-4337
-7Yog koj nyob hauv St. Paul, hu rau 651-266-7569 seb kevcai nres tsheb muaj licas rau lub caij los daus. Thiab
koj mus saib tau rau hauv www.stpaul.gov/snow. Ob lub nroog no li websites muaj kev tshab xo sau ua ntau
yam lus.
-8Tom qab kev tshab xo, kev nres tsheb rau hnub ntawv yuav hloov pib li 9 teev thaum tsaus ntuj. Yog koj tsis
nres tsheb raws li txojcai qhia, koj lub tsheb yuav raug cab thiab koj yuav poob nyiaj mus txhiv koj lub tsheb
rov qab los. Qhov no yuav nyuaj thiab tus nqi yuav kim.
-9Koj yuav tau koomtes ntau zaus koj lub tsheb thiaj tsis raug cab vim tias kev thob daus no siv sijhawm ntau
lwm ua. Hu xovtooj lossis mus saib rau koj lub nroog qhov website seb koj lub tsheb puas nres rau qhov chaw
uas raug tso cai.
-10Qhov yuav pab uantej tshab yog yuav tsum paub txog tej kevcai no uantej los daus. Thiab mloog kev tshab xo
rau thaum muaj daus ntau. Yog koj paub tej kevcai no lawm, koj yuav tsis raug kev txhawj xeeb thiab koj thiaj
tsis poob nyiaj.
ECHO Minnesota | 125 Charles Ave., St. Paul, MN 55103 | www.echominnesota.org | 651-789-4337