Hmong entrance let
Transkrypt
Hmong entrance let
Koj tus menyuam tau raug xaiv los nrog koom lub teevxwm uas yuav los pab qhia tus menyuam kom paub nyeem ntawv losis pab kom nws txawj nyeem ntawv thiaj yuav los pab rau nws txojkev kawm ntawv. Lub teevxwm no hu ua ELI (Early Literacy Intervention). Kev loj hlob rau ntawm kev nyeem ntawv yob ib qhov tseemceeb rau hoob qib ib thiab ob, thiab yuav los muab kev pab rau nws txojkev kawm ntawv rau yam tom ntev. Cov zaj lub qhia (lesson) uas yuav kawm yuav muaj feem los pab rau nws kev nyeem ntawv, kev sau ntawv, thiab kev kawm lub suab tsiaj ntawv. Cov menyuam yuav mus sib ntsib nrog lawv tus xibfwb uas qhia ELI li 30 feeb , 4-5 zaus ntawm ib vastim nrog rau lawm kev kawm nyeem ntawv hauv lawm lub hoob kawm. Txhua hnub koj tus menyuam yuav nqa ib lub hnyab ntawv los tsev uas yuav muaj tej yam kawm thiab uasi nyob rau hauv. Lub hnyab, uas yuav tau nqa rov qab tuaj, yuav mauj ib phau ntawv hu ua “Take-Home Book”, ib daim ntawv uas xyuam sau ntawv, kev uasi hais txog nyeem ntawv, ib cov pib lus (word card), losis tej yam ntaub ntawv uas lawv ua hauv lub hoob txeevxwm ELI. Phau Take-Home Book yog ib phau ntawv luam uas koj tus menyuam tau nyeem hauv tsev kawm ntawv lawm. Koj tus menyuam nyeem tau phau ntawv laum rau lwm tus nyob hauv nej tsevneeg losis tus uas zov nws. Yog sawvdaw tsi khoom mloog, koj tus menyuam nyeem tau rau nws ib tus menyuam roj hmab uas nws nyiam. Qhov tseemceeb yog xav kom nws nyeem ntawv txhua hmo thiab xyaum tej yam uas nws kawm tau los nyeem ntawv. Hauv lub hnyab yuav muaj ib tshab ntawv rau cov niam txiv los pab tawm tswvyim rau kev yuav nyeem thiab sua ntawv uakev. Tej zaum tshab ntawv yuav muaj tej lub ntsiab lus rau koj thiab koj tus menyuam tham uakev txog, los tej kev yuav uasi li cas, thiab lwm lub tswvyim los pab koj tus menyuam loj hlob rau kev nyeem thiab sau ntawv. Tej yam uas muaj nyob hauv lub hnyav ntawv tsi yog ntawv nqa mus ua tom tsev tabsi yog los pab tawm tswvyim thiab txhawb ntxiv rau kev nyeem ntawv thiab los ua kom kev nyeem ntawv yog ib qhov kev lomzem rau nws. Koj thiab koj tus menyuam muaj feem ua tau tagnrho tej yam kev uasi uas muaj hauv lub hnyab, losis ua ntau npaum li nej muaj sijhawm rau xwb. Yog nej muaj sijhawm rau ib yam kev uasi xwb, yog zoo no thov nyeem phau Take-Home Book uas yuav los pab rau nws kev xyaum nyeem ntawv. Tus xibfwb ELI yuav txaus siab los teb nej tej lus nug txog lub teevxwm no thiab tej lus hais txog nej tus menyuam kev khoom rau qhov no. Tsi txhob ua siab deb thiab tuaj ntsib losis hu rau tsev kawm ntawv txog tej yam teebmeem uas koj muaj. Kev sib koomtes yuav pab koj tus menyuam kev loj hlob rau ntawm kev nyeem ntawv thiab sau ntawv kom los tau kev muaj yeej rau txojkev kawm ntaub ntawv yav tom ntej.