Kev Tub Quav Coj Mus Sojntsuam

Kev Tub Quav Coj Mus Sojntsuam
Koj tau txais lub taub cug quav uas nws yuav ua rau koj siv tau yoojyim rau tom tsev coj los mus tub me ntsis quav ntim
rau hauv. Cov kev qhia no nws yuav pab koj kom koj paub siv thiab thiaj li pab tau peb lub chaw sojntsuam (Laboratory)
no kom lawv ua tau tegnum zoo thiab thiaj li tsis tau yuav ua ob peb lwm uas yuav ntaus nqi kim kim.
Tej pob nws muaj li ntawm 1, 2, lossis 3 lub raj nyob rau hauv. (Tejzaum koj tseem yuav tau txais ib pob uas muaj cov
hau kaw thiab.) Cov raj no tejzaum ib co muaj kua ib co kuj ho tsis muaj kua nyob rau hauv thiab. COV KUA NYOB
RAU HAUV RAJ NWS LOM TAU! Tsis txhob muab haus thiab muaj khaws cia kom menyuam txhob ncav cuag
thiab kom deb ntawm tej tsiaj.
Yuav tau tso quav kom poob rau hauv tej lub tais huv huv, thiab QHUAV QHUAV. Siv tej lub tais uas lawv muab rau
koj coj los tso quav rau hauv yog hais tias lawv muab ib lub rau koj coj los siv. Siv tej lub menyuam tais yas me, cov taub
yas ntim kee lee, tej lam hwj lossis tej taub mis uas muab lub ncauj hlais lawm coj los cug. THOV:
*TSIS TXHOB tso zis rau lub tais cug ntawd
*TSIS TXHOB tso zis rau cov raj cug ntawd
*TSIS TXHOB cia lub raj poob rau hauv viv
1. Coj raj uas muaj kua yuav tau ntim li nram no: Qhib thawj lub raj. Siv rab diav uas lo rau ntawm lub ncauj raj
coj los daus tej thaj quav uas zoo li muaj ntshav, nplaum nplaum lossis nkos nkos rau hauv lub raj kom cov kua
uas muaj nyob rau hauv lub raj ntawd nce los txog txoj kab liab liab. Muab rab diav do cov quav, ntswj thiab kaw
lub hau kom ruaj ruaj thiab muab co co kom sib tov zoo zoo.
2. Coj raj uas tsis muaj kua yuav tsum siv rab diav daus coj los ntim rau lub raj kom txog li ib nrab ntau.
•
Yog hais tias tsis muaj quav ntau, daus ib dia loj loj rau hauv ib lub raj xwb los yeej tau. Nws tsis tas tias
yuav tsum ntim kom tag tej quav ntawd rau txhua txhua lub raj ntawd.
3. Sau npe rau daim ntawv uas muaj lo rau ntawm lub raj ntawd. Ib nyuag khij qhov kab ntawv ntawm lub raj seb
cov quav thaum daus ntawd nws zoo li cas. Muab ntim rau hauv lub hnab yas thiab muab tso rau hauv tubyees.
4. Ntxuav koj txhais tes kom zoo zoo thiab huv huv. Yog hais tias cov kua nyob hauv lub raj ntawd txaws lo lossis
txeej rau koj tej tawv nqaij lossis txaws rau qhov muag, tso dej hlob hlob los tsuag qhov muag. Yog hais tias tej tawv
nqaij txawv txav li cas, hais qhia rau koj tus kws kho mob paub.
**Peb xav kom xa cov raj no tuaj rau ntawm peb qhov chaw sojntsuam (Laboratory ) no kom sai li sai tau tom qab
uas daus tej no tag rau hauv cov raj ntawd.
CEEBTOOM: Yog hais tias muaj tshaj li ob peb pob hnab uas muab rau koj coj los daus quav rau hauv, ib hnab
ntawd nyias yuav tsum siv muaj nyias hnub. Pivtxwv li: thawj pob ntawd yog siv coj los daus quav rau hnub
Monday (yog hnub ib) thiab hnab tom qab yuav tau muab siv coj los daus quav rau hnub Tuesday (yog hnub ob).