Za rědny tango trjebaš dwě wósobje - Serbski
Transkrypt
Za rědny tango trjebaš dwě wósobje - Serbski
wědomnosć NOWY CASNIK – 45/08.11.2011 4 Za rědny tango trjebaš dwě wósobje Južo wót lěta 2008 pśewjeźo Serbski institut w Budyšynje w Slěpjańskich stronach wósebny projekt. Gromaźe z młogimi pomocnikami wón pśeslěźujo, kak se tam rědujo a kak funkcioněrujo to zgromadne žywjenje serbskich a nim skich wobydlarjow na wšakich pólach, kake dobre boki to ma a kake konflikty z tym tam su. Dr. Elke Černokožewa ma ako zagronita za empiriske ludowe slěźenje w instituśe ten projekt na starosći. Młody dr. Fabian Jacobs jo jej pśi tom wjelgin k pomocy. Wobej stej pśigótowałej to zmakanje z temu „Über Dualismus hinaus / Regio nen – Menschen – Institutionen in hy bridologischer Perspektive“ wót 27. do 30. oktobra w Slěpem. Něźi 100 luźi jo se wobźěliło, mjazy nimi w małkej lic bje wobydlarje. Pó wuwitanju pśez prof. Dietricha Šołtu, direktora Instituta (ten móžo lětosa slědk glědaś na swójo 60-lětne wobstaśe) a pśez Slěpjańskego šołtu jo dr. Elke Černokožewa wopi sowała zaměr togo slěźeńskego projekta a něntejšnego zarědowanja. Comy źinsa teoretiski a praktiski tu něntejšnu situaciju a te problemy w zgromadnem žywjenju Serbow a Nimcow analizěrowaś, pokazaś na konflikty a błuźenja, kenž su nastali a kenž mógu nastaś. Južo gaž se pšašamy: Chto jo Serb?, su te wótegrona wšake – jo wustajiła. A to njejo Slěpjański problem, ale Slěpe jo wšuźi w serbskej Łužycy. W dogromady 17 pśednoskach, w di skusiji a teke pśi zmakanjach ze Slě pjańskim ansamblom a w Rowniskem Njepilic dwórje su na wšaki part tu problematiku wobjadnali. Serbske, nim ske, bulgariske a awstriske eksperty su k tomu powědali a su wobswětlili tu aktualnu tematiku ze młogich bokow. Dr. Ludwig Ela ze Serbskego insti tuta jo pśedstajił, kak Serby a druge ludowe kupki wopytuju politiski swóje zajmy pśesajźiś a kake formy a struktury su za to móžne a wužytne. Tobias Fota: H. Adam Serbski institut jo wugótował w Slěpem wjeglin zajmne zarědowanje Połnimska drastwa njejo měnjejgódna Ze wšych stron Górneje a Dolneje Łužyce su pśichwatali na to zmakanje w Serb skem kulturnem centrumje w Slěpem. Marx z Lipska jo wó tom powědał, kak na pśikład w Macedońskej Cygany to politiske žywjenje sobu póstajaju. Kak w Slěpjańskich stronach w tuchylnej śěžkej situaciji dla grozecego wótbagrowanja se procuju, zdźaržaś tu wejsnu zgromadnosć a to serbske, to jo pśibytnym pśedstajił Manfred Hermaš wót Domowiny. Za nas jo ten dialog wó wšych problemach a ze wšymi to nejwažnjejše, jo gronił. Dr. Pětš Šurman jo wopytał wóte groniś na prowokantne pšašanje, lěc su Dolnoserby mjeńšyna w serbskej mjeń šynje a jo k tomu pśedstajił historiski a źinsajšny poměr mjazy Dolnymi a Górnymi Serbami. Wšake jo, což nas źěli, ale jo wjele wěcej, což na zjadnośijo. Wó roli ludoweje reje pśi twórjenju identity jo powědała Theresa Jacobs, dokto randka w Serbskem instituśe, a jeje cło wjek dr. Fabian Jacobs jo pśedstajił, kak jo na bikulturnych nimsko-serbskich šu lach na pśikład w Slěpem to „hybrido logiske“ žywe. Wó konfliktach a zgro madnosćach starych a młodych luźi jo referěrowała dr. Susanne Hozyna, a Ines Neumannojc z Chóśebuza jo pśed stajiła pśibytnym prědne rezultaty napša šowanja na Dolnoserbskem gymnaziumje k serbskej identiśe. Zarědowanje jo pokazało, až to „hybridske“ jo we dwójorěcnej Łužycy wšuźi žywe, wěcej pak na tom serbskem boce. Jadnaś pó metoźe „entweder-oder“ to njejźo, pytaś dej se to zgromadne, wó tom, což źěli a co jo to wósebne a hy nakše za Serba abo Nimca, wó tom musy se wótwórjonje a spšawnje powědaś. Za jaden rědny tango trjebaš dwě paršonje, jo něchten w Slěpem pšawje gronił. To płaśi teke za Serbow samych. Tak njejo to było tam jano wusoke teo retiske powědanje, ale wažna pomoc za praktiske źěło. Nic jano tych Serbow, ale teke tych Nimcow, wót kótarychž bóžko pak nikogo wiźeli njejsmy. H. A. Hybrid – jo to něco za Serbow? Co to jo, jaden hybrid? Co za tym bej nje cuzym słowom „hybridologiski“ štycy? To jo se wěsće tak młogi pša Teke te domacne, te „Slěpjańske“ su se wobźělili na konferency a tam powědali su w diskusiji. šał, gaž jo gano w Casniku cytał program za zarědowanje Serbskego instituta w Slěpjańskem kulturnem centrumje z napismom „Über Dualismen hinaus / Regionen – Menschen – Institutionen in hybridologischer Perspektive“. Toś, glědajmy raz do leksikona. Tam cytamy pód słowom „hybrid“, až jo to jadna měšańca, kótaraž jo z dweju wě cowu gromadu zestajona. To mógu byś na pśikład zestajone słowo, ako awtomobil, ale teke pla rostlinow (na pśikład pla majsa) abo pla kokošow se take sta njo, gaž se wšake sorty skśicyju, až z togo něco kradu nowego nastanjo. Ale co ma to něnto ze Serbami cyniś? Dr. Susanna Hozyna ze Serbskego instituta jo Casnikoju tu wěc tak rozjasniła: Serby a Nimce su južo wjele hundert lět gromaźe žywe. Pśez to maju wjele zgromadnego, jaden jo wót togo drugego wšake pśewzeł, na pśikład do rěcy a do kultury. Weto jo nimski lud jaden lud za sebje, a rowno tak serbski lud. Jo nastała měšańca, ale my njocomy, až z togo na- stanjo jadna glěwka zupa, źož nichten wěcej njewě, co su pśi warjenju do njeje dali. Ně, to dej byś hejnak salat ze sadu abo zeleniny, źož jo wšake změšane, ale weto kuždy hyšći šmekujo, co jo tam nutśi... A take hybridne abo hybridologiske žywjenje a myslenje by mógało byś alternatiwa za pśichod serbstwa. Wěrno jo, až taku situaciju južo na młogi part w Dolnej a Górnej Łužycy mamy. Serbske luźe lubuju swóju rěc a kulturu a ju cesće a woplěwaju, ale rowno tak we wěstych situacijach w nimskem žywe su a to ako to swójo wobglěduju. Su toś bikulturne, dwójorěcne. Nawopak to pak wšuźi njejo – togodla teke by dejali nimske luźe se tak „hybridski“ mysliś a jadnaś. A hyšći něco musy se k tomu jas nje groniś: byś hybridnego myslenja to žednje njegroni, až ten, ako jo rozpalony Serb, Serb z duše a wutšoby, musy to serbske pušćiś. Daś wón dalej to serbske naprědk staja we swójom cełem myslenju a jadnanju! H. A. Wósebnje wjeliki zajm jo wubuźiło to, což jo Ines Kellerowa ze Serbskego instituta wulicowała wó serbskich drastwach w Slěpjańskich stronach. Pśi tom jo wóna głownje pśedstajiła tu tamnu połnimsku drastwu, kótaruž su žeńske chopili se woblekaś wokoło lěta 1880. Wóna jo tšochu hynakša ako ta tradicionelna burska – mjazy drugim njama tu hałbu, njejo tak bogata, za to tšochu modernjejša. Ju su se woblekali serbske žeńske a źowća. Dłujki cas – teke w casu DDR – njejo se toś ta połnimska drastwa tak pšawje akceptěrowała. Teke ludowědniki njejsu wó nju roźeli, togodla njejo hyšći docełego pśeslěźona. W lěśe 1972 jo se wóna na jubilej nem swěźenju w Slěpem w pśeśěgu pokazała, z lěta 1997 su se pupki pó połnimsku woblekali a z togo casa teke Edit Pjeńkowa z Rownego ju šyjo. W 34 wariantach toś ta drastwa eksistěrujo. Edit Pjeńkowa z Rownego: teke poł nimska drastwa jo rědna a woblubo wana. W žywej diskusiji k tomu jo Row niska pódšmarnuła, až wiźi tu poł nimsku drastwu rowno tak ako tu bursku ako wažnu a rědnu. A Ruta Mrozkojc z Trjebina jo powěźeła, až su něga we familijach rozsuźili, kak drastwa se nosy. Gizela Kotisekowa z Brězowki, ako pśipowěźujo program Slěpjańskego ansambla na jogo wu stupach, wustupujo we tej połnimskej drastwje. „Ja njejsom se tudy naroźiła, ale ja to serbske wjelgin lubujom, a woboje mógu z teju połnimskeju drastwu pśedstajiś“, jo groniła. Rowno toś ta problematika jo wjelgin derje pokazała, wó co jo šło na zarědowanju w Slěpem: ga wó to, až musymy wuknuś, to druge rozměś a akceptěrowaś. A nejskerjej mamy teke w Dolnej Łužycy z tym problemom cyniś, pśeto na pśikład w Kalawskich a Lubinskich stronach woblekaju se žeńske a źowća drastwu, ako njejo cysto serbska, ale z nimskimi elementami zwězana. Kak k tomu stojmy? – To njejo jano teoretiske pšašanje, ale teke wažne za praktiske serbske źěło. H. A.