232s_Domowina_frakcija_hk
Transkrypt
232s_Domowina_frakcija_hk
Nowinska zdźělenka 232s / 2012 09.05.2012 Marcel Braumann, nowinski rěčnik Serbja / kubłanje tel.: 0351 - 4935823 handy: 0171 - 8983985 faks: 0351 - 4960384 Kubłanskopolitiska dźěłowa rozmołwa z předsydu Domowiny Předsyda Domowiny při kubłanskopolitiskej dźěłowej rozmołwje z frakciju Lěwicy / serbske šulstwo tema šulskich iniciatiwow Ke kubłanskopolitiskej dźěłowej rozmołwje je frakcija Lěwicy w Sakskim krajnym sejmje dźensa předsydu Domowiny, Dawida Statnika, witała. Z frakcije běchu wobdźěleni: Frakciski předsyda dr. André Hahn, kubłanskopolitiska rěčnica Cornelia Falken, mjeńšinopolitiski rěčnik Hajko Kozel, społnomócnjena frakcije za naležnosće wobydlerjow, Andrea Roth, kotraž je zdobom koordinatorka sakskich šulskich iniciatiwow. Při tym je so dojednało, zo so hišće lětsa zeńdźenje sakskich šulskich iniciatiwow k temje „Serbja a serbske šulstwo“ wotměje. Po rozmołwje je předsyda Domowiny, Dawid Statnik, prajił: „Zakładne zasady šulskeje politiki w Sakskej a Braniborskej maja so tak tworić, zo wone rěčne přežiwjenje serbskeho ludu zmóžnjeja. Při tutych wužadanjach je we woběmaj krajomaj hišće rezerwow jednanja, kotrež dyrbimy zaměrnje doslědźić a wučerpać.“ Serbski zapósłanc a mjeńšinopolitiski rěčnik frakcije Lěwicy w Sakskim krajnym sejmje Hajko Kozel k tomu doda: „Wobkedźbujo aktualnu situaciju w Braniborskej a tamniše rozestajenja wo přichodźe projekta Witaj je sakska krajnosejmska frakcija Lěwicy z předsydu Domowiny wo serbskim šulstwje wuradźowała. Debata wo přichodnych strukturach federalizma w Němskej dóstanje přez Serbow a jich woprawnjene naroki na kubłanski system přidatny wažny impuls. Dokelž njesmě zamołwitosć za spěchowanje serbskeje rěče w šuli na hranicach zwjazkowych krajow zastać. Haj, tule je z mjeńšinopolitiskeho wida tež zwjazk sobuzamołwity.“ Fraktion DIE LINKE im Sächsischen Landtag Bernhard-von-Lindenau-Platz 1, 01067 Dresden Unsere Internet-Adresse: http://linksfraktion-sachsen.de