tam sim no nyob rau ntawm peb cov ntsis ntiv tes lawm.

tam sim no nyob rau ntawm peb cov ntsis ntiv tes lawm.

Cib fim puv nkaus lub ntiaj teb –
tam sim no nyob rau ntawm peb
cov ntsis ntiv tes lawm.
iPads Pab Tau Li Cas Rau Cov Tub Ntxhais Kawm Ntawv Hauv Tsoom
Fwv Tsev Kawm Ntawv Nroog Xees Phos Txoj Kev Kawm Raws Tus Kheej Lub Peev Xwm
Muaj cuab yeej technology nyob rau
qhov txhia chaw xws li tom hauj lwm
thiab hauv tsev txhua hnub. Digital
technology yog ib yam tseem ceeb
heev rau ntau yam hauj lwm. Nws yog
ib yam cuab yeej uas pab tau rau fab
tswv yim thiab ua tau ntau yam nyob
rau tom hauj lwm.
Cuab yeej technology los yeej tau pab
txoj kev kawm ntawv ib yam. Cov me
nyuam thoob lub ntiaj teb no yeej siv
computers, mobile tablets thiab lwm
yam cuab yeej los mus tshawb fawb,
sib txuas lus, sib pab thiab daws teeb
meem.
Tau ntau xyoo, Tsoom Fwv Tsev Kawm
Ntawv Nroog Xees Phos yeej siv
technology nrog lwm yam los tsim txoj
kev qhia kom haum rau txhua txhia tus
tub ntxhais kawm ntawv raws li qhov
uas lawv muaj peev xwm kawm tau kom
lawv kawm tau ntawv zoo tshaj qhov qub.
Tam sim no cov xib hwb muaj peev xwm
yuav qhia tau ntau yam tshaj rau cov tub
ntxhais kawm ntawv vim lawv ib leeg
muaj ib lub iPad los siv txhawb txoj kev
kawm lawm.
A Ua kom ib tug tub ntxhais kawm ntawv muaj
ib lub iPad txhais tau hais tias:
Nyob rau qib Pre-K
Ob tug tub ntxhais kawm ntawv yuav siv ib lub iPad nyob rau hauv chav kawm ntawv.
Lawv yuav siv tus account uas tsev kawm ntawv qhib rau lawv thiab lawv tus xib hwb
yuav saib xyuas thaum lawv siv iPad nyob rau hauv chav kawm ntawv. Yuav cia cov iPad
nyob twj ywm rau tom tsev kawm ntawv.
Theem Qis
Cov tub ntxhais kawm ntawv nyob rau qib K txog 5 ib leeg yuav tau ib lub iPad coj los
siv nyob rau hauv chav kawm ntawv. Lawv yuav siv tus account uas tsev kawm ntawv
qhib rau lawv thiab lawv tus xib hwb yuav saib xyuas thaum siv iPad nyob rau hauv chav
kawm ntawv. Tej zaum ib txhia tub ntxhais kawm ntawv uas nyob rau qib siab zog yuav
tau nqa lawv lub iPad coj mus siv tom tsev.
Theem Ob
Cov tub ntxhais uas kawm nyob rau qib 6 txog 12 mas ib leeg yuav tau ib lub iPad coj los
siv nyob rau hauv chav kawm ntawv. Lawv yuav siv tus account uas tsev kawm ntawv
qhib rau lawv. Tej zaum lawv yuav nqa tau lawv lub iPad coj mus siv sab nraud thiab tom
tsev.
Department of Personalized Learning | personalizedlearning.spps.org | 651-744-7107
iPads Pab Tau Li Cas Rau Cov Tub Ntxhais Kawm Ntawv Hauv Tsoom Fwv Tsev
Kawm Ntawv Nroog Xees Phos Txoj Kev Kawm Raws Tus Kheej Lub Peev Xwm
Cov tub ntxhais kawm ntawv
yuav ua dab tsi txawv thaum
sawv daws muaj iPad nyob rau
hauv chav kawm ntawv lawm?
Cov tub ntxhais kawm ntawv yuav
muaj peev xwm ua tau tej yam xws li
nram no:
iPads yuav pab tau li cas?
•
•
iPads yog ib yam twj uas ua tau ntau yam los sis muaj txhua yam nyob rau hauv
xws li koob yees duab, wireless Internet, twj ntaus ntawv thiab siv tau ntau yam
software applications uas yooj yooj yim.
•
Sib pab sib koom tes nrog
lwm tus thiab cov xib hwb ua
txhua yam dej num yooj yim
dua
•
Siv ntau yam apps ua ke los
piav qhia txog tej ntsiab lus,
xws li cov apps kos duab uas
pab tau rau cov neeg uas qhov
muag pom thiaj kawm tau.
•
Kaw los sis thaij xib hwb tej lus
taw qhia thiab muab rov qab
qhib coj los saib kom to taub
thiab kawm tau.
•
Nrhiav zaj lus txhais los sis
qhov tseeb tam sim ntawd es
tsis txhob tseg tej nqe lus nug
tsis teb.
•
Siv duab mus kev, suab, suab
paj nruag thiab graphic design
los ua ntawv los sis teev tej
ncauj lus uas xib hwb qhia
tseg.
•
Siv cov apps uas qhia txog
tej chaw tiag tiag los tshawb
kawm txog Egyptian pyramids
los sis tej pawg hnub qub loj
loj uas nyob deb deb.
•
Siv lub iPad los sau tej yam
tseeb txog lub ntiaj teb no
nyob rau hauv chav kawm
ntawv thiab sab nraud, siv lub
twj iPad los ntsuam xyuas tej
no thiab muab qhia rau lwm
cov tub ntxhais kawm ntawv
kom pab tau lawv ua tau qhov
txawv.
iPads yog ib yam twj tsim nrog tej cuab yeej uas ua rau txoj kev kawm yooj yim rau
sawv daws siv.
•
Cov tub ntxhais kawm ntawv uas yuav tsum tau kev pab tshwj xeeb
muaj peev xwm siv tau lub iPad los ntawm kev nias daim screen
(touch screen), rub kom pom deb pom ze, twj nyeem ntawv, twj hais
lus kom ntaus ntawv, kho ntawv thiab kho kom tus ntawv loj me thiab
txawv xim.
•
Muaj cov apps uas yuav pab tau cov tub ntxhais uas hais ntau hom
lus kom lawv txawj lus thiab txawj nyeem ntawv tshaj qhov qub.
•
iPads yog ib yam uas yuav pab kom cov tub ntxhais kawm ntawv
muaj tswv yim los ua tej dej num hauv tsev kawm ntawv uas txhawb
tau lawv txoj kev kawm los ntawm kev siv suab paj nruag thiab video
qhia lwm tus.
•
iPads yuav pab cov tub ntxhais uas kawm tau ntawv ceev zog rau tej
txuj uas lawv kawm lawv tus kheej kom lawv kawm tau tej yam nyuab.
•
Txhua yam tub ntxhais kawm ntawv xav siv hauv iPad thaum yav tsaus ntuj,
lawv muaj peev xwm download tau thaum nruab hnub. Yog li no, tsis muaj
internet tom tsev los yeej siv tau.
•
Vim hais tias iPads yog ib yam uas nqa tau mus los yooj yim thiab muaj roj
teeb kav ntev heev. Yog li, yuav siv kawm ntawv qhov twg los tau.
•
Thaum cov tub ntxhais kawm ntawv muaj lawv lub iPad lawm, lawv yuav
khaws ceev cia zoo dua.
•
Cov iPad muaj lub plhaub khov heev thiab yuav tiv thaiv tau lub iPad zoo.
•
Kev tswj thiab saib xyuas kev nyab xeeb yuav yooj yim zog vim hais tias sawv daws
muaj tib hom twj technology.
•
Apple twb ua hauj lwm nrog tsev kawm ntawv tau ntau xyoo lawm thiab lawv
muaj peev xwm yuav pab tau cov tub ntxhais kawm ntawv thiab tsev neeg thaum
muaj teeb meem ntsig txog cuab yeej technology.
•
Ntau xyoo tom ntej no, peb yuav siv ntawv tsawg zog.
Department of Personalized Learning | personalizedlearning.spps.org | 651-744-7107