Na demokratiju so zwažili

Serbske Nowiny, 06.09.2016
Zwólniwosć bě wulka, aktiwnje na serbskim předparlamenće dźěłać. Něhdźe 60 ludźi wobdźěli so wčera w Budyskim Kamjentnym
domje na zarjadowanju iniciatiwy za Serbski sejm „Na demokratiju so zwažić.“
Foto: SN/Maćij Bulank
Na demokratiju so zwažili
60 ludźi so na zarjadowanju iniciatiwy za Serbski sejm wobdźěliło
Budyšin (SN/CoR). Štož bě so wčera pod hesłom „Na demokratiju so zwažić: Serbski sejm – prěni
parlament Serbow“ popołdnju z koncertom skupiny Berlinska dróha a z filmom „Hüter der Tundra“ před
něhdźe połsta připosłucharjemi a přihladowarjemi w Budyskim Kamjentnym domje započało, je tež pjeć
hodźin pozdźišo přeco hišće něhdźe 40 ludźi w mjeńšich diskusijnych kołach dale zaběrało. Zajim za
Serbski sejm wobsteji, to je wčerawše zarjadowanje iniciatiwy za serbske ludowe zastupnistwo we
wobłuku 1. Budyskich tydźenjow demokratije jasnje pokazało. Sylnje zastupjena bě młodźina mjez wjace
hač 60 zajimcami, kotřiž so na hłownym zhromadnym forumje wobdźělichu. Tež zapósłanc Sakskeho
krajneho sejma Hajko Kozel (Lěwica), Budyski wyši měšćanosta Alexander Ahrens (njestronjan) a
přichodny direktor Załožby za serbski lud Jan Budar tam běchu. Wjele wuspěcha přeješe projektej
Serbski sejm čłon Europskeje swobodneje aliancy Bernat Joan i Mari z Katalanskeje.
Rěčnik iniciatiwy dr. Měrćin Wałda skedźbni na spočatku hornjo- a delnjoserbskeho foruma ze
simultanym přełožkom do němčiny na wuwiće íníciatiwy w minjenych štyrjoch lětach a na to, zo je
mieztym 750 ludźi peticiju za Serbski sejm podpisało. Po tym zo dyrbješe planowana prezentacija
delnjołužiskeho rěčníka iniciatiwy Hanza Wylema-Kella wo politiskim połoženju druhich mjeńšin
techniskich přičin dla wupadnyć, předstaji dr. Andreas Kluge z Drježdźan najnowši koncept Serbskeho
sejma a serbskeho zhromadźenstwa. Tak matej so hač do kónca tohole lěta Rada starostow kaž tež
pžedparlament skonstituować. W předparlamenće ma so potom hač do kónca 2017 eksekutiwny wuběrk
wolić, kotryž ma politiske iniciatiwy na stronskej, komunalnej, krainej, zwjazkowej a europskej runinje
zwoprawdźeć.
Wo koncepće pak njejsu wčera na hłownym forumje wjace diskutowali - předparlament započa takrjec
hnydom dźěłać a přitomni sćěhowachu rady namołwu, palace problemy, temy a prašenja zběrać.
Spěšnje běštej tafllčce z wjace hač 30 namjetami pjelnjenej. Hínak hač wot organizatorow předwidźane
pak njewužiwachu přítomni přihotowane wólbne urny, ale wothłosowachu po namjeće dr. Christiany
Píniekoweje pragmatisce ze smužkami pjeć najwažnišich temow: kompetency Serhskeho sejma,
serbske kubłanje, serbska rěč w nowych medijach, zhromadźenstwo a zachowanje Serbow kaž
zaručenje serbskeje rěče na wysokim niwowje. Po dalšim wolhłosowanju forum rozsudźí so dale z
prašenjom zaběrać, kotre politiske mocy ma serbski parlament měć. Jara rozdźělne předstawy wo nim
wuměnjachu sej wobdźělnicy na to w diskusijnej formje fish-bowla kaž tež w mjeńšich skupinach pod
nawodom Alexandera Ahrensa, intendanta NSLDź Lutza Híllmanna, dr. Wałdy a Ignaca Wjesele z
Chrósćíc.