Wupisanje nadawkoweho zrěčenja Załožba za serbski lud ma
Transkrypt
Wupisanje nadawkoweho zrěčenja Załožba za serbski lud ma
Wupisanje nadawkoweho zrěčenja Załožba za serbski lud ma wotpohlad, w kooperaciji ze serbskimi institucijemi, prezencu serbskeje rěče wosebje w nowych medijach rozšěrić. Za to je so zakładna koncepcija wudźěława (přiłoha). Zaměr projektow wusměri so na runoprawne wužiwanje serbskeje rěče na dźěłowym městnje a wšědny dźeń. K tomu maja slědowace naprawy słužić: 1. wutworjenje wobšěrneho digitalneho słowoskłada/digitalneho tekstoweho korpusa a kwalitatiwnje wěsteje podpěry serbskeje rěče w digitalnych programach ( za wuwiwanje digitalneje serbskeje prawopisneje kontrole, online słowniki w rozdźělnych formatach, digitalneje přełožowanskeje posłužby) 2. serbšćinu online nawuknyć a zwučować (cross-medialne wuwučowanske a wuknjenske srědki, digitalne wuknjenske hry, kurs serbšćiny jako wusywanje w interneće z pruwowanskimi podłožkami) 3. natwar serbskeje digitalneje biblioteki a encyklopedije (zjeće aktualnych a stawizniskich žórłow a tekstow, wobšěrny wutwar serbskeje encyklopedije, wjazanje sorabistiskich poskitkow) 4. serbski internet (natwar interaktiwnych serbskich pytanskich mašinow a serbskeje socialneje computeroweje syće; zakótwjenje serbšćiny do mjezynarodnych standardowych komisijow, integracija serbskeju rěčow do najwažnišich platformow). Za realizowanje jednotliwych wobsahowych ćežišćow maja so srědki třećich nawabić, trěbne spěchowanske programy namakać a wotpowědne konkretne próstwy na spěchowanje wudźěłać. Za konkretne nadawki so wotpowědne dodatne zrěčenja wotzamknu. Hdyž maće nazhonjenja na polu projektneho managementa, při nawabjenju spěchowanskich srědkow a znajeće zasadne zarjadniske struktury, wjeselimy so na Waše zamołwjenje a Waš poskitk hač do 13. septembra 2013. Załožba za serbski lud, Póstowe naměsto 2, 02625 Budyšin e-mejlka: [email protected]