Politiske zwuraznjenje woly nastupajo perspektiwiskeho

Politiske zwuraznjenje woly nastupajo perspektiwiskeho
bikulturelneho wuwića gmejny Radwor
We wjesnych zhromadźenstwach gmejny Radwor sy w poslednich lětstotkach nimale
jenož serbskich wobydlerjow nadešoł. Na zakładźe stawizniskich podawkow je w
běhu časa k procesam dóšło, kotrež su podźěl serbskorěčacych wobydlerjow lěto
wob lěto redukowali. Gmejnska rada wobhladuje serbšćinu jako kulturelne
wobohaćenje a samowusahowace znamjo. Tutu wosebitosć chcemy za přichod
zdźeržeć a wězo tež spěchować.
Serbšćina dyrbi so přez sćěhowace zakłady zawěsćić a skrućić:
1.
Gmejnska rada pohnuje wšitke towaršnostne mocy gmejny sobuskutkować, zo
we wjesnych zhromadźenstwach atmosfera wysokeho hódnoćenja napřećo
serbskej rěči a kultury eksistuje.
2.
Gmejna narěči wšitke starši, serbšćinu swojim dźěćom dale sposrědkować
resp. zhromadnje nawuknyć.
3.
WITAJ-projekty maja so intensiwnišo a perspektiwisce dale a bóle we wšitkich
pěstowarnjach gmejny poskićeć. Při tym so wosebje wot nošerjow
pěstowarnjow žada, na zwoprawdźenje dźiwać. Wšitke swójby gmejny su
namołwjeni, wšojedne hač serbskeho abo němskeho pochada, dwurěčne
poskitki w pěstowarnjach wužiwać.
4.
W Serbskej zakładnej šuli Radwor so dźěći po koncepće 2plus wuwučuja.
Tuta metoda přinjese najwjetši wuspěch, hdyž so dźěći hižo ze serbskimi
předznajomnosćemi do šule přijimuja. Za přichod měło so zawěsćić, zo wšitke
dźěći z tutymi předznajomnosćemi do zakładneje šule zastupja. Tute
předkubłanje dyrbi so jako samozrozumliwosć wobhladować.
5.
Šulerjo Serbskeje srjedźneje šule Radwor měli dale a bole wukubłanje 2plus w
zakładnej šuli wopytać. Na zakładźe teho móže so dwurěčnosć tež w přirodoa towaršnostnowědnych předmjetach intensiwnišo wužiwać. Serbska srjedźna
šula Radwor pak je tohodla wšěm šulerjam wotewrjena, kiž po wopyće
němskeje zakładneje šule z nawuknjenjom serbšćiny započinać chcedźa. Tuta
wotewrjenosć słuži k polěpšenju tolerancy mjez serbskimi a němskimi
wobydlerjemi.
Gmejnska rada podpěruje – tež financielnje – nowe projekty, kiž słuža k spěchowanju
a hajenju serbskeje rěče. Wšitcy su namołwjeni, wotpowědne projektowe namjety
pola gmejny Radwor zapodać.