Trojozynk 9-10 serbsce - WITAJ

Trojozynk 9/10
Wučbnica hudźby „Trojozynk 9/10“ je nowowobdźěłane licencne wudaće nakładnistwa Volk und Wissen za
wyše šule a gymnazij. Zeserbšćiła je ju w nadawku RCW Chrysta Meškankowa, wudawaćel je Domowina –
Zwjazk Łužiskich Serbow z. t., Rěčny centrum WITAJ.
Koncepcija:
•
Wučbnica dawa nastorki za zajimawe wučenje a na praksu wusměrjene wuknjenje. Mnohotnosć temow
spěchuje zajim za hudźbu a zmóžnja wšelakore wučbne formy.
•
Wuknjenske wobłuki hudźenje a spěwanje, słuchanje a přemyslowanje, rejowanje, komponowanje,
improwizowanje su wusko mjez sobu splećene.
•
Šulerki a šulerjo móža swoje kmanosće hudźenja indiwiduelnje wutwarić.
•
Nowy kapitl zawoduje – na jednanje wusměrjene wašnje – do hudźbneje teorije.
•
Zwiski k literaturje a tworjacemu wuměłstwu, přirodźe a medijam wučinjeja integratiwny charakter
wučbnicy.
Wuhotowanje
•
Dwustronske foto na kapitl zawodowacych stronach budźi wćipnotu na nowe wobsahi.
•
Wosebite „Fermate“-strony na kóncu kóždeho kapitla wobsahuja zjimanja, poskićeja projekty a dr.
•
Mnohe pokiwy na žórła tworja wobsahowe wjazby.
•
Rozšěrjeny dźěl „Spěwy, hrajne kruchi a reje“ wudospołnja kapitlowe temy.
•
Přiwěšk wobsahuje šěroko zapołoženy hudźbny leksikon, zapis hesłow, wosobow a skupinow kaž tež
systematisce rjadowane přehlady spěwow, hrajnych kruchow, rejow a słuchanskich přikładow.
•
Wobjim: 272 stronow; wjacebarbna brošura
Wučbnica hodźi so w LND pod ISBN-čisłom 978-3-7420-1483-2 za płaćiznu 20,95 € skazać abo kupić.