Pobierz tekst - Akademia Bajki Kaszubskiej
Transkrypt
Pobierz tekst - Akademia Bajki Kaszubskiej
Najpiękniejsze bajki i baśnie kaszubskie część 3 Czyta: dr Witosława Frankowska Alojzy Nagel Jiwer stôri gwiôzdczi Przódë gwiôzdczi, chtërne chòdzëłë pò Kaszëbach, mieszkałë we Gduńskù. Òd Barbarë jaż do trzecy adwentowi niedzelë òne chòdzëłë pò bògatëch gduńsczich krómach i kùpiwałë tam: zôbôwczi, bómczi, szokòlôdë, kùszczi, jabka i òrzechë dlô pòsłësznëch dzecy. Jedna z tëch gwiôzdków mia ju kùpioné fùl miech darënków, a tej nagle òna zachòrzała. Czej òna haszka, tej zdżinął ji ten miech, a czej òna sã wëlékarza, tej òna zaczãła szëkac kradnisza. Òna szła nôprzód do szandarë, ale ten kradnisza nalézc ni mógł. Tej òna szła na rénk i sã wëpitiwa lëdzy, czë òni ji miecha z darënkama nie widzelë, ale ti lëdze ò niczim nie wiedzelë. Czej òna przëszła nad Mòtławã i zaczãła sã gduńsczich bówków ò ten miech pëtac, tej òni zaczãlë sã z gwiôzdczi wëszczérzac. Gwiôzdka szła smùtno dali. Czej òna szła dodóm, tej òna sã spita ò to gòłąbka. Ten téż ò niczim nie wiedzôł. Bëła ju wilëjô Gòdów. Bëło ò przëpôłniu. Béł ju czas wërëknąc w dargã. Gwiôzdka mia w tim dniu òbéńc: Wësoką, Òsowã, Barnéwcz i Matarniã. W tim czasu nie bëło tam tëli bùdinków co terô, le tam – sam stoja jakôs chëcz. Do dodomù gwiôzdczi przëszłë: bòcón, kóń, kòzeł, kòminiôrz, szandara, strëch, baba, smierc i pùrtk. Òni żdelë tam i rozmiszlelë nad tim, co zrobic, bò bez darënków òni nie mòglë nigdze wërëknąc. Stała sã ju noc. Stôri zédżer na rôtëszu wëbił jednôscë razy. Stôré pétrochòwé latarnie òswietliwałë stôré, wąsczé gduńsczé gasë. Lëdze pòmału zaczãłë jic na pasterkã do kòscoła Świãtégò Niklosza. Jich nie bëło wiele, bò Gduńsk w tim czasu wikszim dzélã béł lëtersczi. Wnym przed dwiérze gwiôzdczi zajachôł wasąg. Zazwòniłë zwónczi, cziledzesąt krôsniãtów nalazło sã w jizbie i òdda gwiôzdcë pùsti miech i listã z pòsłësznyma i niepòsłësznyma dzecama. Gwiôzdka nôprzód jich szkalowa, ale czej òna sã dowiedza, że krôsniãta rozdałë darënczi według spisu, chtëren òna zrobia, tej òna sã ùcesza. Pòsłëszné dzôtczi sã ceszëłë, że òne dostałë darënczi. Nipòcëjôsze sã téż ceszelë, bò nie dostalë w nym rokù kòrbaczã. www.akademiabajkikaszubskiej.pl 5