48h-akcija 2012 - WITAJ

48h-akcija 2012 –
čestnohamtski angažement młodostnych w srjedźišću zjawnosće
Wot 01. – 03.06.2012 přewjedźeše so 48h-akcija wokrjesa
Budyšin! Tuta wotměła so hižo wjacore lět na jednym kóncu
tydźenja, wot pjatka připołdnja do njedźele připołdnja,
potajkim w běhu 48 hodźinow. Při tym steji čestnohamtski
angažement młodostnych w srjedźisću zjawnosće. W tutym
časowym
wotrězku
maja
młodostni
móžnosć,
samowuzwoleny
projekt
čestnohamtsce přesadźić a to ze zaměrom, něšto wobstajne za towaršnosć stworić.
Młodźinske kluby, sportowe towarstwa, młodźinske wohnjowe wobory, šulske
rjadownje, přećelske kruhi kaž tež druhe iniciatiwy a młodźinske skupiny pokazuja
zjawnosći, kak kreatiwny a wjelestronski młodźinski angažement je. Tak wobarbja so
busowe
zastanišća,
ponowjeja
so
sportnišća
a
hrajkanišća, sadźeja so štomy, hromadźa so wotpadki,
organizuja so wustajency, přewjedu so wjesne swjedźenje,
renowěruja so młodźinske kluby, hraje so dźiwadło a tak
dale. Paleta idejow je při tym tak wjelestronska kaž
sobuskutkowaci sami. Za wobdźělenje na tutej akciji
njedawaja žane wuměnjenja.
Tute lěto wobdźělichu so při akciji cyłkownje něhdźe 73 skupinow angažowanych
młodostnych cyłeho wokrjesa. Mobilnej młodźinskej dźěłaćerce Rěčneho centruma
WITAJ, Franciska Zopic a Judit Čornakowa, přewodźeštej 3 skupiny. Běchu to
młodostni z Worklec, Smječkec a Wotrowa.
___________________________________________________________________
WITAJ – Młodźinske socialne dźěło
Šulerjo 8. lětnika Serbskeje srjedźneje šule “Michał
Hórnik” we Worklecach porjeńšichu pjatk, 01.06.12
zhromadnje z wučerjom knjezom Šmitom wjesku,
stajachu
stołpy
za
chorhoje,
nabarbichu
busowe
zastanišćo a wurjedźichu městno wokoło pomnika
Michała Hórnika.
Wjesnjanosta knjez Brusk so šulerjam z
pokalom 48h-akcije a małej překwapjenku
dźakowaše a jich angažement chwaleše.
Mobilnej młodźinskej dźěłaćerce přepodaštej
młodostnym wosebite t-shirty z logom akcije.
Smječkečanscy
młodostni
přewjedźechu
zdobom pjatk dźěćacy swjedźeń. Na dnju
dźěsća přeprosychu wjesnych dźěći popołdnju
do wjesneho kluba, zo bychu so z nimi hrajkali,
paslili a na
łuce zhromadnje stanowali. Wo kreatiwny poskitk
staraštej so Judit Čornakowa a Franciska Zopic.
Při zhromadnej wječeri hromadźe z staršimi a
dalšimi wjesnymi, dźakowaše so wjesnjanosta
knjez Brusk pola młodostnych za angažement na
dobro wjeski. Sćěhowaše nócne pućowanje a
stanowanje. Na druhi dźeń dachu młodostni, dźěći
___________________________________________________________________
WITAJ – Młodźinske socialne dźěło
a starši swjedźeń při zhromadnej snědani wuklinčeć.
Wotrowski
młodźinski
klub
O2
staješe
lětuši
Streetsoccer
turněr
přećiwo
prawicarskemu ekstremizmej pod hesło 48hakcije. Tutón přewjedźa młodostni lětsa hižo k
štwórtemu razej zhromadnje z towarstwom
“Augen auf e.V.”. Turněr započinaše so sobotu,
02.06.12 w 18.00h. Cyłkownje wobdźělichu so 8
mustwow.
Wjesnjanosta
gmejny
Pančicy-
Kukow, knjez Mikela, zarjadowanje młodostnych wopytaše a pokal 48h-akcije
přepodaše. Hač do rańšich hodźin
móžachu
přihladowarjo
napjatym
hram sćěhować.
Tež
klětu
ma
so
akcija
zaso
přewjesć. Dajmy so překwapić, kotre
ideje so potom zwoprawdźa.
___________________________________________________________________
WITAJ – Młodźinske socialne dźěło