ECHO Script - Egal Shidad: Stories of Somali Health

ECHO Script
Emergency and Community Health Outreach
Final Script
Feb. 24, 2012
ECHO Show
“Xaa Tshuaj Tuaj rua tom tsev/Operation Medicine Delivery Test”
Word count:
1
Nyob zoo kuv yog Mao Thao hab yog tug coj kev sib thaam nyob rua huv ECHO.
Kuv muaj lug tseem ceeb thov tshaaj tawm rua ib tsoom nam txiv txug peb ib qhov kev
sim xaa tshuaj tuaj rua mej tom tsev npaaj paab rua pej xeem thaum muaj xwmtxheej
kev kub txhuv maaj heev.
Peb yeej tog txais tej ntawv tseem ceeb lug ntawm cov tuabneeg xaa ntawv. Nyob rua nub
kaaj lossi Sunday, lub tsib hlis ntuj, hnub tim 6, koj yuav tau txais ib yaam khoom huv koj
lub mailbox kws yuav paab kuam peb paub npaaj rua thaum muaj xwmtxheej kev kub
txhuv maaj heev. Yaam khoom ntawd yog ib lub fwj tshuaj qhuav xwb.
2
Vim licaag leejtwg txhaj xaa ib lub fwj tshuaj qhuav tuaj rua nub Sunday? Nuav yog ib qhov
kev sim ntawm Operation Medicine Delivery los yog Xaa Tshuaj kuam sai rua coob tug pej
xeem.
3
Yog thaum muaj xwm txheej kev kub txhuv maaj heev, hab yuav tsum tau faib tshuaj rua pej
xeem, cov tuabneeg xaa ntawv hab cov tub ceev xwm yuav xaa tshuaj tuaj rua ib lub tsev
ndlhau ib lub tsev.
4
Txhob txhawj - - tsis muaj xwmtxheej ceev taamsim nuav—hab peb tsis pum tas yuav muaj sai.
5
Tabsis peb yuav tau sim tsaam muaj teeb meem lug cuamtshuam xwb. Cov fwj tshuaj qhuav
yog siv rua qhov kev sim nuav xwb.
1
6
Yog koj nyob cov zip code nuav (55101, 55102, 55411, hab 55422) koj yuav tau txais ib lub
fwj tshuaj qhuav nyob rua thaum lub 5 hlis ntuj hnub tim 6.
7
Tejzag koj yuav xaav has tas: Kuv siv lub fwj tshuaj qhuav nua ua daabtsi? Qhov Ceeb,
tsis muaj daabtsi! Muab lub fwj pov rua koj lub thoob recycling kws ntim tej khom yuav
coj mug zum dlua.
8
Kev koomteg ntawm cov tuab neeg tom tsev xaa ntawv yog ib txuj hauv kev Tsoom Fwv xaa
tshuaj rua pejxeem thaum muaj xwmtxheej kev kub txhuv maaj heev.
9
Kev sim Xaa Tshuaj Tuaj yuav qha kuam suavdlawg paub tas ua tau zoo npaum lecaag taamsim
nuav, hab yuav txhim khu lecaag txhaj le zoo dlua ntxiv.
10
Kev npaaj nuav yog ib feem ntawm lub zeem muag paab rua kev noj qaab nyob zoo rua zejzog
kws hu uas Cities Readiness Initiative - lossis CRI.
11
CRI kev paab zejzog npaaj rua kev noj qab nyob zoo yog xaa tshuaj noj hab txhaaj sai rua
tuabneeg.
12
Kev xaa tshuaj ntawd yog kev koomteg lug ntawm Centers for Disease Control, U.S.
Department of Health and Human Services, U.S. Postal Service, hab Tsoom Fwv saib kev noj
qaab nyob zoo.
13
Tseeb tag, ntau lub koom hum lug koomteg ua haujlwm txhajle xaa tau tej tshuaj nuav rua peb
txhua leej txhua tug thaum muaj xwmtxheej kev kub txhuv maaj heev.
14
Le kuv has dhlau lug, tsis muaj xwmtxheej ceev taamsim nuav – tabsis peb xaav npaaj ua ntej.
Yog le ntawd peb txhaj le yuav xaa cov fwj tshuaj qhuav tuaj rua mej.
2
15
Vim coob leej tseem tsis tau muaj computer lossis Internet, yog les ntawd koj yuav tau
paab qha kuam koj tej phoojywg, koj tsev tuab neeg hab tej pejxeem zejzog paub txug
qhov kev sim nuav. Yog thaum puab tau txais cov fwj tshuaj qhuav nuav, kuam tsis txhob
txhawj – cale coj moog zum lossis recycle xwb.
16
Yog leej twg xav paub ntxiv, hu xuvtooj rau 1.888.883.8831 lossis saib huv website
www.echominnesota.org.
Kuv yoj Mao Thao rug rua ECHO vaam hab ca sab has tas peb cov lug nuav yuav paab tau mej
thaum muaj xwm txheej kev kub txhuv maaj heev.
3