TV Program Script

ECHO Script
Emergency and Community Health Outreach
ECHO SHOW #12 “MENTAL HEALTH CARE DURING CRISIS”
„ PACKAGE SCRIPT ONLY – For SPNN-TV to edit
EDIT DIRECTIONS
AUDIO TRACK
B-Roll credits to:
We’ll use much from show
one (What is ECHO) and will
need to review those credits.
--1—
Nyob dlhau ib qhov kev ti teg ti taw losis tej kaam maaj
heev tsi yog ib yaam yooj yim rua ib leeg tug twg. Tej
kaam maaj heev kws luj—tsi has fuab cua puam tsuaj
puag ntsoog, tshuaj nchuav, kaab mob tshwm tuaj, losis
raug tawm tsaam lug ntawm tej tuab neeg phem—yuav
ua ib lub nraa nyaav heev rua zej zog.
Other possible credits:
#1: CDC for video from SNS
show to reveal script (a big
disease outbreak) and/or MN
#2: Homeland Security and
Emergency Management for
J-Pegs
#3: NWS and DPS for
weather video to cover
weather “disaster”
#4: Clinic video from several
ECHO shows (Flu #2)
--2—
Kev dlaws tej teeb meem rua tej lub sij hawm zoo le
nuav, ua yaam kws tsim nyog yuav tsum tau ua, yog ib
teg hauj lwm nyuaj heev. Muaj ntau yaam kws suav
dlawg yuav tsum tau ua, xws le sis koom teg ntawm zej
zog, lug tiv thaiv puab tug kheej hab puab lub cuab yig—
hab lug paab suav dlawg tiv dlhau tej xwm ti teg ti taw.
--3—
Hab thaum tej xwm ti teg ti taw dlhau taag, tseem muaj
ntau yaam num yuav tau ua, ua ntej txhua yaam yuav rov
nyob zoo le qub.
--4—
Rov ua kuas zoo le qub thaum raug tej xwm ti teg ti taw
yuav siv sij hawm ntev—tej zag yuav yog ob peb nub, tej
zag yog ib ob lim tam, tej zag yuav ntev dlua. Tuab lub
sij hawm ntawd, tej dlej num kws yug txeev ua tom chaw
ua hauj lwm hab tom tsev yuav tu ncaab tu ncua. Kev tu
ncaaj tu ncua nuav yuav hloov tau kev sis txuas lug
ntawm suav dlawg—lub cuab yig, phooj ywg, kwv tij zej
zog hab lwm tug kws koj ua hauj lwm nrug hab koj tso
sab tau rua. Muaj tej txha puab cov phooj ywg losis
puab tsev tuab neeg tau tso puab tseg.
1/ ECHO Show #12 written by the Minnesota Department of Health May 2005
Green Mong translation by Minnesota Translation Laboratory
ECHO Minnesota | [p] 651.789.4342 | [email protected] | www.echominnesota.org
--5—
Muaj ib lu lug has tas “tsi muaj ib tug kws pum tej xwm
txheej puam tsuaj puag ntsoog es tsi mob sab le.”
--6—
Kev nyuaj sab ntxhuv plawv kws yuav tau dlaws tej teeb
meem ti teg ti taw losis tej kaam maaj heev yuav txawv
rua ib tug tuab neeg lawm ib yaam, nyob ntawm puab
lub noob nyoog, puab yog quas puj los quas yawg, hab
puab kaab ke kev coj noj coj ua.
--7—
Ntau zag tej kev txhawj xeeb nuav yuav raug tau rua yug
cev nqaj dlaim tawv. Koj yuav mob taub hau. Koj yuav
nov tas koj lub plawv dlha ceev heev. Koj yuav pum tas
koj nkeeg heev txhua lub sij hawm.
--8—
Tej zag koj lub plaab yuav muaj teeb meem, losis muaj
teeb meem rua kev ua paa tsi cuag ncua. Koj yuav pum
tau tas koj noj zaub mov heev dluab qub—losis koj ca le
tsi nov tshaib plaab le lawm.
--9—
Koj yuav pum tau tas koj kev pw los kuj txawv lawm
hab…losis nwg nyuaj heev rua koj yuav xaav los ncu tau
yaam ub yaam nua.
--10—
Txawm tej yaam hloov zoo le nuav yuav tshwm rua koj
los tsi tshwm, kev nyuaj sab ntxhuv plawv kws tawm
nrug tej xwm ti teg ti taw losis kaam maaj heev nuav yeej
muaj tseeb.
--11—
Tej kaab ke kev lig kev cai hab tej zej zog nyag muaj
nyag kev kws yuav paab cuam tej tuab neeg kws ntsib tej
yaam kev nyuaj sab ntxhuv plawv le nuav.
--12—
Nyob rua huv koj lub zej zog, yaam kws zoo tshaaj
plawg ces yuav yog sis thaam txug tej xwm txheej nrug
koj tsev tuab neeg losis koj cov phooj ywg. Losis koj
moog nrhav kev paab lug ntawm tej tug kws nwg txawj
nplig hab noog koj has nyob rua huv mej kaab ke kev lig
kev cai—ib tug hauv zej hauv zog, ib tug txwj laug, ib
tug saib saab ntsuj plig, losis ib tug saib kev khu mob
2/ ECHO Show #12 written by the Minnesota Department of Health May 2005
Green Mong translation by Minnesota Translation Laboratory
ECHO Minnesota | [p] 651.789.4342 | [email protected] | www.echominnesota.org
nkeeg.
--13—
Tej zag koj xum nrhav ib tug kws num tawm tswv yim—
ib tug kws to taub mej cov lug, mej kev coj noj coj ua,
kaab ke, hab kev lig kev cai. Lub tsev saib phaab kev
noj qaab haus huv yuav paab nrhav tau ib cov txhais lug
rua cov pej xeem kws tsi paub lug Aaskiv txaus yog tas
puab xaav tau tug txhais lug.
--14—
Koj muaj peev xwm ua tau tej yaam yooj yooj yim lug tu
koj tug kheej lub sij hawm muaj kev ti teg ti taw.
--15—
Saib kuas koj pw txaus, hab noj tej zaub mov kws zoo
hab paab kuas koj ib ce muaj zug. Nrhav sij hawm rua
koj moog dlha ua si kuas muaj zug txhua nub, txawm tas
taug kev xwb los yeej zoo lawm. Lub sij hawm koj taab
tom ua hauj lwm los nyob quas tsawg, koj tug kheej yuav
tau ncu ntsoov tas ib nub twg, yuav tau ua paa luj luj
plaub los tsib zag sis law lag.
--16—
Maaj maam saib koj tug kheej—tsi txhob txhawj txug tej
yaam kws koj xaav tas ua caag koj tsi ua le nuav le u.
Hab ca sab rua koj txuj kev ntseeg tas nwg yog ib qhov
chaw cuab zug hab txhawb zug.
--17—
Kev npaaj yug tug kheej rua tej lub sij hawm ti teg ti taw
yeej nyuaj kawg le—hab nwg yuav raug rua ib leeg
txawv lawm ib yaam. Npaaj quas ntsoov rua kev kws tej
kev nyuaj sab ntxhuv plawv ntawm tej xwm ti teg ti taw
losis kaam maaj heev yuav ua rua koj zoo le caag. Hab
siv tej kev paab cuam huv mej lub zej zog lug paab dlaws
tej kev nyuaj sab ntxhuv plawv.
--18—
Yog koj tu koj tug kheej, koj hab koj lub zej zog yuav
zoo sai dlua—hab zoo tu qaab tu qua dlua. Qhov nuav
yog qhov kws peb yuav sis cog thaam uake lub sij hawm
nuav nyob rua huv ECHO-TV.
3/ ECHO Show #12 written by the Minnesota Department of Health May 2005
Green Mong translation by Minnesota Translation Laboratory
ECHO Minnesota | [p] 651.789.4342 | [email protected] | www.echominnesota.org