ECHO Phone - Egal Shidad: Stories of Somali Health

ECHO Phone
Emergency, Community and Health Outreach
ECHO Xuvtooj kev qha txug kev noj qaab haus huv rua lub yim hli: Kaab
Npaws West Nile
Thaum yoov ncauj nte tum koj, feem ntau koj dlaim tawv nqaj txob hab o. Tabsis ib
cov yoov ncauj nte tum koj ua tau rua koj kub cev, mob taubhau hab mob ib ce.
Yoov ncauj nte muaj ib cov kaab mob npaws hu ua “West Nile” kws yog chiv cov kaaj
mob nuav.
Koj tiv thaiv tau koj tug kheej hab koj tsev tuabneeg ntawm tej yoov ncauj nte yog
koj pleev tej tshuaj losis tsuag tej tshuaj kws muaj lu lug DEET sau rua ntawm poom
tshuaj txhua zag koj nyob nrau zoov. Koj yuav tau naav tsho npaav ntev hab rig
ntev, tshwjxeeb yog thaum sawv ntxuv hab thaum yuav laug tsaus ntuj kws yog lub
sijhawm cov yoov ncauj nte feem coob taabtom pib tawm tuaj. Koj yuav tsum ncu
quas ntshis muab tej dlej qub nyob huv tej taig, thoob, hab tej dlaab dlej rua noog
dlaa hliv tawm rua qhov yoov ncauj nte nyam ua mivnyuas rua qhov chaw zoo le
nuav.
Cov tuabneeg laug yuav mob nyaav heev lug ntawm cov kaab npaws West Nile Virus,
yog le yuav tau saib kuas tej vaaj tse muaj cov ntxaij thaiv qhov rooj qhov rais hab
tej qhov rooj kuas zoo txha thaiv tau yoov ncauj nte. Nrug puab thaam txug West Nile
Virus hab qha saib puab yuav tiv thaiv puab tug kheej le caag.
Ib tug twg kws muaj kev kub cev, mob taubhau hab mob ib ce yuav tau moog saib
kws tshuaj taamsim. Qhov nuav tseem ceeb heev rua cov quas puj cev tsi taabseeb,
cov leej nam kws pub mig rua mivnyuas hab cov laug.
Yog xaav paub txug zaaj ECHO TV rua lub hlis nuav, nyem 2
Yog xaav nov tej lug qha txug kev nyob kuas laaj lub caij ntuj suv, nyem 3.
Yog xaav nov tej zaaj ECHO xuvtooj txug kev noj qaab haus huv txij lub ob hlis lug,
nyem 4.
.
Yog xaav rov moog rua tom hauvpaug, nyem 5.
ECHO Minnesota | [p] 651.789.4342 | [email protected] | www.echominnesota.org