ECHO Script - ECHO Minnesota

ECHO Script
Emergency and Community Health Outreach
ECHO 19 Script:
“Yuav Nrug Mivnyuas Sis Txuas Lug Le Caag Txug Kev Ti Teg Ti Taw”
(How to Talk to Children About Crisis)
-- PACKAGE SCRIPT ONLY – For SPNN-TV to edit on behalf of ECHO
EDIT DIRECTIONS
AUDIO TRACK
SPNN-TV: Please remember to provide the
list of credits to Lillian for use with TPT
graphics during taping. Thank you. ECHO
--NAT SND – Classroom? Playground?
(1)
Mivnyuas yau txaus sab rua tej kev ua si
nyob rua txhua nub. Nyob rua txhua haiv
tuab neeg, muaj kev luag ntxhi nyob tom
tsev kawm ntawv, thaum ua si, nrug lub
cuab yig hab tej phooj ywg.
--NAT SND – Tornado video Source?
-- NAT SND—Tornado Video
(2)
Tabsis tej zag tej yaam kws peb naj nub ua
ca le raug hloov. Kev puam tsuaj puag
ntsoog xws le cua khaub lig, dlej nyaab,
losis kev sis ntaus sis tua cuam tshuam tej
yaam yug naj nub ua tsi has tom chaw ua
hauj lwm, huv tsev hab tom tsev kawm
ntawv. Nam txiv hab lwm tug yuav paab
tau cov mivnyuas npaaj puab tug kheej rua
tej lub sij hawm zoo le nuav.
(3)
Mivnyuas yeej paub thaum muaj tej yaam tsi
yog huv tsev losis nyob puag ncig puab. Tej
dluab txug vaaj tse kub nyab losis kev tsuv
rog dleb muaj peev xwm ua tau le caag rua
puab kev xaav hab kev ua ub ua nua.
(4)
Ib co mivnyuas quaj losis tu sab ntev ntev.
Ib co npau tawg losis pw ntau dlua losis
tsawg dlua qub. Tej zag mivnyuas tsi xaav
1/ Written and produced by the Emergency & Community Health Outreach Collaborative (ECHO). All rights reserved. For
information about ECHO visit www.echominnesota.org / HMONG April 2006
ECHO Minnesota | [p] 651.789.4342 | [email protected] | www.echominnesota.org
has txug tej xwm txheej kws tshwm sim
vim puab tsi paub yuav has le caag.
(5)
Ib yaam tseem ceeb heev yog yuav tau ncu
tas mivnyuas yuav tsum tau kev paab puab
txha to taub tas muaj xwm dlaabtsi thaum
muaj tej kev puam tsuaj puag ntsoog
tshwm sim tsi has nyob ze vaaj tse losis
nyob dleb. Nuav yog tej yaam koj yuav
paab tau:
(6)
Thaum muaj tej xwm maaj heev, yog ib
yaam tseem ceeb heev kws yuav tau siv sij
hawm ntau zog nrug mivnyuas. Rov lug
ua tej yaam yug txeev ua sai le sai tau.
Yuav tsum ca puab noj tej zaub mov kws
paab puab lub cev muaj zug, pw tsaug zug
zoo, moog kawm ntawv hab koom nrug tej
phooj ywg ua si. Kev siv sij hawm nrug tej
mivnyuas, koj paab tau rua puab tsi ntshai
hab qha tau tas koj hlub puab.
(7)
Sis thaam txug tej xwm txheej kws
tshwm sim. Ua ntej tshaaj, nug mivnyuas
saib puab paub le caag los yog puab nov
dlaabtsi. Kev ca puab xub has ua ntej, koj
yuav to taub zoo dlua tas puab xaav txug
dlaabtsi hab puab zoo le caag. Ntau zag
mivnyuas ntseeg tas yog tim puab txha le
muaj tej yaam phem tshwm sim. Siv cov
lug yooj yim qha txug tej yaam tshwm sim
mivnyuas txha le to taub. Koj qha txug cua
khaub lig rua ib tug mivnyuas tsib xyoos
yuav txawv le koj qha rua ib tug hluas.
Thaum mivnyuas luj hlub tuaj lawd, koj
yuav pav tau ntau yaam dlua rua puab.
(8)
Noog koj cov mivnyuas es koj txha le paub
tas puab xaav le caag. Txhawb kuas puab
nug hab paab puab qha puab kev xaav ob peb
zag. Qha rua puab tas puab xaav le hov los
tsi ua le caag. Kev chim, kev tu sab, hab kev
meem txom yog tej yaam kws peb ib txwm
2/ Written and produced by the Emergency & Community Health Outreach Collaborative (ECHO). All rights reserved. For
information about ECHO visit www.echominnesota.org / HMONG April 2006
ECHO Minnesota | [p] 651.789.4342 | [email protected] | www.echominnesota.org
xaav thaum muaj tej xwm tsi zoo huv tsev,
tom tsev kawm ntawv, tom chaw ua hauj
lwm losis huv lub nplaj teb nuav.
(9)
Thaum muaj tej yaam phem tshwm sim, cov
laug xaav tiv thaiv tej mivnyuas ntawm qhov
tseeb. Nwg yog ib yaam zoo tshaaj rua koj
qha yaam koj paub dlua le laam dlaag tas tsi
muaj teeb meem dlaabtsi—txawm yog tsi yog
le hov. Ntau zag mivnyuas paub ntau tshaaj
le qhov kws koj xaav tas puab paub. Kev koj
qha qhov tseeb, koj pub rua puab nug tau hab
puab yuav qha tau rua koj tas puab xaav le
caag. Koj qha rua koj cov mivnyuas tas koj
xaav le caag los tau tabsis koj yuav tsum ua
rua koj cov mivnyuas to taub tas koj yuav
hlub puab txawm muaj kev ti teg ti taw npaum
le caag lug raug rua koj.
(10)
Xob nov qaab tu koj tug kheej. Thaum cov
laug ntsib tej yaam nyuaj, puab yuav taag kev
ca sab, raug muas, hab tu sab—tabsis puab
tseem yuav tau tu puab tej mivnyuas. Nrhav
dlua ib tug laug huv koj lub cuab yig, koj cov
phooj ywg, chaw pe hawm Vaaj tswv, hab tej
lub koom hum lug paab koj. Mivnyuas saib
ntsoov cov laug hab puab yuav coj hab ua ib
yaam le koj ua thaum muaj tej yaam ti teg ti
taw. Thaum koj tu koj tug kheej lawd, koj
yuav paab tau koj cov mivnyuas dlhau tej kev
ti teg ti taw zoo dlua.
(11)
Ib txuj kev yuav paab dlaws tej kev puam
tsuaj puag ntsoog kws tshwm sim tuaj, tsi has
tej tshwm lawv le fuab cua losis tej noob neej
ua, yog koj lug npaaj rua tej yaam ntawd ua
ntej. Yuav tsum qha meej rua mivnyuas saib
puab yuav moog rua qhov twg thaum puab
nov tej tshwb kws qha tas muaj cua khaub lig
nrov losis saib yuav hu rua leej twg thaum
muaj tej xwm maaj heev. Tej xwm maaj heev
tsi tshwm rua txhua txhua nub, tabsis yog
namtxiv hab mivnyuas npaaj tej hom phaj ua
ntej tas yuav ua le caag txha tsi muaj teeb
3/ Written and produced by the Emergency & Community Health Outreach Collaborative (ECHO). All rights reserved. For
information about ECHO visit www.echominnesota.org / HMONG April 2006
ECHO Minnesota | [p] 651.789.4342 | [email protected] | www.echominnesota.org
meem hab noj qaab haus huv…Ces txhua tug
yuav npaaj tau txhij dlua rua thaum muaj tej
yaam kws tog nwm ca le tshwm sim.
4/ Written and produced by the Emergency & Community Health Outreach Collaborative (ECHO). All rights reserved. For
information about ECHO visit www.echominnesota.org / HMONG April 2006
ECHO Minnesota | [p] 651.789.4342 | [email protected] | www.echominnesota.org