ECHO Phone - ECHO Minnesota
Transkrypt
ECHO Phone - ECHO Minnesota
ECHO Phone Emergency, Community and Health Outreach Monthly Health Advice (MHA): Carbon Monoxide Poisoning EZ Route File Name: MHA CarbMono Poison Application: Green Call Flow Node: Monthly Health Topic (in all the languages) (1) Carbon monoxide yog ib cov nkev phom sij heev kws koj yuav sim tsi tau, tsi pum, losis tsi nov tsw. Yog le, cov nkev nuav yuav “nkaum” tau ntawm tej cua kws peb ua paa. Ua paa es nqug tau cov nkev carbon monoxide nuav yuav ua rua koj lub qhov muag pum kev tsi zoo, dlag taub hau, qaug ncig leeg, tsi meej pem hab xeev ntuav. Nwg kuj yuav txu tau koj txuj sa. (2) Carbon monoxide muaj tshwm thaum hlawv tej roj huv tej taub rhaub kuam tsev suv (furnace), qhov cub hab tej lub tshuab cua suv kws miv (space heater) huv tej vaaj tse. Thaum tej khoom siv rua huv tsev nuav ua hauj lwm zoo, puab xaa cov nkev kws phom sij (carbon monoxide) tawm ntawm cov tsaaj cua kws tawm sau ruv tsev losis lub chaw tso paa suav tawg (chimney) moog rua saab nrau. Tab sis yog cov khoom siv nuav qub heev losis cov tsaaj cua txhaws losis luv lawd, cov nkev phom sij yuav nyob huv tsev. (3) Nuav yog ob peb yaam kws yuav ua kuas cov nkev carbon monoxide xob nyob huv koj lub tsev. Tsi xob hlawv ncaig tawg losis siv cov qhov cub ci nqaj nrau zoov rua huv tsev losis huv chaav tso tej tsheb (garage). Tsi xob tiv cav tsheb, cav txav nyom, losis cav tshuab dlaus huv lub chaav rau tsheb. Hab, tsi xob siv lub qhov cub ua zaub mov kws yog siv nkev losis lub qhov cub ci nqaj (oven) lug ua kuas tsev su. Nwg yog ib lub tswv yim zoo kws yuav tau muaj yaam tsawg, ib lub tswb kws qha tas muaj nkev carbon monoxide los tsi muaj huv koj lub tsev. Nwg tug nqe yog le $20 rua $50 huv tej kab khw, hab yuav tau muab ntsa ze cov chaav pw. Cov tswb nuav yuav nrov ceeb toom tas muaj cov nkev carbon monoxide huv koj tsev. (4) Yog xaav nov cov xuv xwm nuav dlua, nyem #1. Yog xaav rov moog rua qhov taag lug, nyem #2. ECHO Minnesota | [p] 651.789.4342 | [email protected] | www.echominnesota.org